scorecardresearch

தி.மு.க அரசு சாதனை விளக்க கூட்டங்களில் பி.டி.ஆர் பெயர் மிஸ்ஸிங்: ட்விஸ்ட் கொடுக்கும் மதுரை

மதுரையில் நடக்கும் தி.மு.க. பொதுக்கூட்டத்தில் நிதியமைச்சர் பழனிவேல் தியாகராஜன் பெயர் நீக்கப்பட்ட விவகாரம் சலசலப்பை ஏற்படுத்தி உள்ளது.

TN Finance Minister Palanivel Thiagarajan name was cleared in the Madurai DMK Public meeting
ஆடியோ விவகாரம் தொடர்பாக முதலமைச்சர் மு.க. ஸ்டாலினை சந்தித்து விளக்கம் அளித்த நிதியமைச்சர் பழனிவேல் தியாகராஜன்.

மு.க. ஸ்டாலின் தலைமையிலான தி.மு.க. அரசில் நிதியமைச்சராக இருப்பர் பழனிவேல் தியாகராஜன். அண்மையில் இவர் பேசியதாக தமிழ்நாடு பாஜக மாநிலத் தலைவர் கு. அண்ணாமலை வெளியிட்ட ஆடியோ பலத்த சலசலப்பை ஏற்படுத்தியது.
அந்த ஆடியோவில், “30 ஆயிரம் கோடியை முதல்வரின் மருமகன் சபரீசனும், மகன் உதயநிதியும் சம்பாதித்து விட்டனர். அதை என்ன செய்ய வேண்டும் என்று தெரியாமல் விழிக்கின்றனர்” என இருந்தது.

இந்த ஆடியோ தமிழக அரசியலில் மட்டுமின்றி தேசிய அளவிலும் தாக்கத்தை ஏற்படுத்தியது. இது தொடர்பாக விசாரணை நடத்த வேண்டும் என அ.தி.மு.க. சார்பில் உள்துறை அமைச்சகத்திடம் புகார் அளிக்கப்பட்டது.
இதற்கிடையில் அடுத்த ஆடியோ ஒன்று வெளியானது. இந்த ஆடியோவுக்கு பழனிவேல் தியாகராஜன் மறுப்பு தெரிவித்திருந்தார். தொடர்ந்து உங்களில் ஒருவன் என மு.க. ஸ்டாலின் வெளியிட்ட வீடியோவில், சிலர் தரம் தாழ்ந்த அரசியலில் ஈடுபடுவதாக விமர்சித்திருந்தார்.

இந்த நிலையில், மதுரை சிம்மக்கல்லில் திங்கள்கிழமை (மே 8) நடைபெறும் பொதுக்கூட்டத்தில் நிதியமைச்சர் பி.டி.ஆர். பழனிவேல் தியாகராஜன் பெயர் விடுபட்டுள்ளது. இது கட்சிக்குள் சலசலப்பை ஏற்படுத்தியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Tamilnadu news download Indian Express Tamil App.

Web Title: Tn finance minister palanivel thiagarajan name was cleared in the madurai dmk public meeting

Best of Express