திருச்சி, அரியலூர் உள்பட 5 சுங்கச் சாவடிகளில் கட்டணம் உயர்வு

தமிழகத்தில் உள்ள ஐந்து சுங்கச் சாவடிகளில் ஏப்ரல் 1-ம் தேதி முதல் கட்டண உயர்வு அமலுக்கு வருவதாக இந்திய தேசிய நெடுஞ்சாலைகள் ஆணையம் அறிவித்துள்ளது.

அதன்படி, அரியலூர் – மணகெதி, திருச்சி – கல்லக்குடி, வேலூர் – வல்லம், திருவண்ணாமலை – இனம்கரியாந்தல், விழுப்புரம் – தென்னமாதேவி ஆகிய சுங்கச் சாவடிகளில் சுங்கக் கட்டணம் உயர்த்தப்படவுள்ளது. 

ஒருமுறை பயணம் செய்வது மற்றும் ஒரே நாளில் திரும்பி வருவதற்கான கட்டணம் 5 முதல் 20 ரூபாய் வரையும், மாதாந்திர பாஸ் கட்டணம் 100 ரூபாய் முதல் 400 ரூபாய் வரையும் உயர்த்தப்பட்டுள்ளது.

செய்தி: க.சண்முகவடிவேல்