scorecardresearch

Tamil news today: இந்தோனேசியாவில் ஏற்பட்ட சக்தி வாய்ந்த நிலநடுக்கம்: சுனாமி எச்சரிக்கை

Tamil Nadu News, Tamil News Petrol price Today – 09-01- 2022- இன்று நடக்கும் அனைத்து செய்திகளையும் உடனுக்குடன் தெரிந்துகொள்ள இந்த இணைப்பில் இணைந்திருங்கள்!

Tamil news today: இந்தோனேசியாவில் ஏற்பட்ட சக்தி வாய்ந்த நிலநடுக்கம்: சுனாமி எச்சரிக்கை
earthquake

பெட்ரோல், டீசல் விலை

சென்னையில் பெட்ரோல், டீசல் விலையில் இன்று எந்த மாற்றமுமில்லை. இன்று சென்னையில் ஒரு லிட்டர் பெட்ரோல் லிட்டருக்கு ரூ. 102.63 காசுகளாகவும், டீசல் விலை லிட்டருக்கு ரூ. 94.24 காசுகளாவும் விற்பனை செய்யப்படுகிறது.

வாரிசு: விஜய் ரசிகள் வாக்குவதம்

வாரிசு படத்திற்கான சிறப்பு காட்சி டிக்கெட் கேட்டு வாக்குவாதம் செய்துள்ளனர். விஜய் மக்கள் இயக்க நிர்வாகியின் காரை அடித்து நொறுக்கியதாக கூறப்படுகிறது. இது தொடர்பாக போலீசார் விசாரணை  செய்து வருகின்றனர்.

காங். தலைவர் விமர்சனம்

ஜனநாயகத்தில் ஒருநபரை கடவுளாக்குவது சர்வாதிகாரத்திற்கு வழிவகுக்கும்; இது மாறவேண்டும்; ஜாதி மதம் அடிப்படையில் கர்நாடகாவை பாஜக பிரிக்கிறது” என்று  காங்கிரஸ் தலைவர் மல்லிகார்ஜுன கார்கே விமர்சனம் செய்துள்ளார்.

Live Updates
21:33 (IST) 9 Jan 2023
ஆளுநரையே ஓட விட்டிருக்கிறார் முதலமைச்சர் – உதயநிதி ஸ்டாலின்

தமிழக சட்டசபை வரலாற்றில் இதுவரை இல்லாத ஒரு நிகழ்வாக “ஆளுநரையே ஓட விட்டிருக்கிறார் முதலமைச்சர் என சென்னை சைதாப்பேட்டையில் நடந்த நிகழ்வு ஒன்றில் அமைச்சர் உதயநிதி ஸ்டாலின் பேசியுள்ளார்.

21:32 (IST) 9 Jan 2023
கள்ளக்குறிச்சி பகுதியில் அரசுக்கு சொந்தமான காட்டில் தீ

கள்ளக்குறிச்சி மாவட்டம் உளுந்தூர்பேட்டை அருகே உள்ள வனத்துறைக்கு சொந்தமான காட்டில் திடீரென தீ விபத்து ஏற்பட்டது. இதனால் 4 ஏக்கர் பரப்பளவிலான தைல மரங்கள் எரிந்து நாசமான நிலையில், சுமார் 1 மணி நேர போராட்டத்திற்கு பிறகு தீ அணைக்கப்பட்டது!

21:30 (IST) 9 Jan 2023
ஜல்லிக்கட்டு போட்டியில் பங்கேற்கும் வீரர்கள் பெயர் பதிவு செய்ய அறிவிப்பு

தமிழகத்தில் மதுரை அவனியாபுரம், பாலமேடு மற்றும் அலங்காநல்லூர் ஜல்லிக்கட்டில் கலந்துகொள்ளவுள்ள மாடுபிடி வீரர்கள், http://madurai.nic.in இணையதளம் மூலம் தங்களது பெயர்களை 10.01.2023 நண்பகல் 12.00 முதல் 12.01.2023 மாலை 05.00 மணி முடிய பதிவு செய்யலாம் என அறிவிக்கப்பட்டுள்ளது.

19:46 (IST) 9 Jan 2023
தமிழ்நாட்டு மக்களையும் அவமதிக்கும் இச்செயல் கடும் கண்டனத்திற்குரியது – கமல்ஹாசன்

தேசியகீதம் இசைக்கப்படும் முன்பே சட்டப்பேரவையில் இருந்து வெளியேறியுள்ளார் ஆளுநர். சட்டமன்றத்தை மட்டுமின்றி, ஒட்டுமொத்த தமிழ்நாட்டு மக்களையும் அவமதிக்கும் இச்செயல் கடும் கண்டனத்திற்குரியது என மக்கள் நீதி மய்யம் தலைவர் கமல்ஹாசன் கூறியுள்ளார்.

19:02 (IST) 9 Jan 2023
வெளிநாட்டு முதலீட்டால் மகிழ்ச்சி.. மு.க. ஸ்டாலின்

வெளிநாட்டு முதலீடு, முதலீட்டாளர்களால் மகிழ்ச்சி ஏற்பட்டுள்ளதாக முதல்வர் மு.க. ஸ்டாலின் கூறினார்.

உலகளாவிய தமிழ் ஸ்டார்ட்அப் மாநாட்டில் மு.க. ஸ்டாலின் இதனை தெரிவித்தார்.

18:54 (IST) 9 Jan 2023
தாழ்தள பேருந்து கொள்முதல் வழக்கு.. அறிக்கை தாக்கல் செய்ய உத்தரவு

மாற்றுத் திறனாளிகள் அணுகும் வகையில் பேருந்துகள் கொள்முதல் செய்ய உத்தரவிடக் கோரிய வழக்கில் தமிழ்நாடு அரசு போக்குவரத்து கழகம் ஜன.20ம் தேதி அறிக்கை தாக்கல் செய்ய சென்னை உயர்நீதிமன்றம் உத்தரவிட்டு உள்ளது.

18:35 (IST) 9 Jan 2023
சென்னையில் அ.தி.மு.க எம்.எல்.ஏ.க்கள் கூட்டம்

சென்னை ராயப்பேட்டையில் உள்ள அதிமுக தலைமையகத்தில் எம்.எல்.ஏ. கூட்டம் முன்னாள் முதலமைச்சர் எடப்பாடி பழனிசாமி தலைமையில் நடந்தது.

இதில் சட்டமன்ற கூட்டத்தொடர் விவாதிக்கப்பட்டு வருகிறது. இந்த ஆலோசனைக் கூட்டத்தில் அ.தி.மு.க. எம்.எல்.ஏ.க்கள் கலந்துகொண்டுள்ளனர்.

18:29 (IST) 9 Jan 2023
ஸ்ரீரங்கத்தில் ராபத்து 8ம் நாள் விழா

திருச்சி ஸ்ரீரங்கம் அரங்கநாதர் சுவாமி கோயில் வைகுண்ட ஏகாதசி ராபத்து விழாவின் 8ஆம் நாள் திருவிழாவை முன்னிட்டு,

தங்க குதிரை வாகனத்தில் வையாளி கண்டுருளினார் நம்பெருமாள்.

இந்த வைகாசி திருவிழா 12ஆம் தேதி நம்மாழ்வார் மோட்சத்துடன் நிறைவு பெறுகிறது.

18:19 (IST) 9 Jan 2023
இந்திய பங்குச் சந்தைகள் உயர்வு

திங்கள்கிழமை (ஜன.9) வர்த்தகத்தில் இந்திய பங்குச் சந்தைகள் சென்செக்ஸ் 846.94 புள்ளிகளும், நி.ஃப்டி 241.75 புள்ளிகளும் உயர்ந்து காணப்பட்டன.

அமெரிக்க டாலருக்கு எதிரான இந்திய ரூபாயின் மதிப்பு 29 காசுகள் உயர்ந்தது.

18:07 (IST) 9 Jan 2023
இரு நாட்டு அதிபர்களுடன் பிரதமர் மோடி பேச்சுவார்த்தை

பாதுகாப்பு, டிஜிட்டல் தொழில்நுட்பம் மற்றும் திறன் மேம்பாடு ஆகிய துறைகளில் இருதரப்பு ஒத்துழைப்பில் கவனம் செலுத்தி, சுரினாம் அதிபர் சந்திரிகாபர்சாத் சந்தோகி மற்றும் கயானா அதிபர் முகமது இர்ஃபான் அலி ஆகியோருடன் பிரதமர் நரேந்திர மோடி தனித்தனியாக இருதரப்பு பேச்சுவார்த்தை நடத்தினார்.

17:53 (IST) 9 Jan 2023
ஆளுனர் அவமதித்துள்ளார்.. சீமான்

தமிழ்நாட்டின் முதலமைச்சர் சட்டப்பேரவையில் உரையாற்றிக் கொண்டிருக்கும்போதே அவை மரபுகளை மீறி, பாதியிலேயே ஆளுநர் வெளியேறி, பேரவையையும், அமைச்சர்களையும், உறுப்பினர்களையும் அவமதித்துள்ளார்.

ஆளுநரின் இத்தகைய தரம் தாழ்ந்தப்போக்கினை நாம் தமிழர் கட்சி வன்மையாகக் கண்டிக்கிறது என சீமான் தெரிவித்துள்ளார்.

17:31 (IST) 9 Jan 2023
ஆளுனர் உரையை முழுவதும் வாசிக்காதது தவறு.. சரத் குமார்

ஆளுனர் உரையை முழுவதும் வாசிக்காதது தவறு என சமத்துவ மக்கள் கட்சியின் தலைவரும் நடிகருமான சரத்குமார் தெரிவித்துள்ளார்.

17:18 (IST) 9 Jan 2023
ஆளுனர் உரையை கேட்க வந்தோம், மு.க. ஸ்டாலின் உரையை அல்ல.. எடப்பாடி பழனிசாமி

ஆளுனர் உரை குறித்து பேசிய எதிர்க்கட்சித் தலைவர் எடப்பாடி பழனிசாமி, “ஆளுனர் உரையில் எதுவும் இல்லை. நாங்கள் ஆளுனர் உரையை கேட்க வந்தோம்.

முதல் அமைச்சர் மு.க. ஸ்டாலின் உரையை கேட்க வரவில்லை” என்றார்.

17:02 (IST) 9 Jan 2023
ஆளுனர் மன்னிப்பு கோர வேண்டும்.. முத்தரசன்

ஆளுனர் மன்னிப்பு கோர வேண்டும் என இந்திய கம்யூனிஸ்ட் மாநில செயலாளர் முத்தரசன் வலியுறுத்தி உள்ளார்.

மேலும் இது தொடர்பாக அவர், “ஆளுனரின் நடவடிக்கையை எதிர்த்து பேரவையில் தீர்மானம் நிறைவேற்ற வேண்டும்.

தமிழ்நாட்டு மக்களிடம் அவர் மன்னிப்பு கோர வேண்டும்” எனக் கூறியுள்ளார்.

16:49 (IST) 9 Jan 2023
புதுக்கோட்டையில் பட்டியல் இனத்தவர் பகுதி குடிநீர் தொட்டியில் மனிதக்கழிவு; 20 பேருக்கு சம்மன்

புதுக்கோட்டை மாவட்டம், இறையூரில் பட்டியல் இனத்தவர் வசிக்கும் பகுதியில் அமைந்துள்ள குடிநீர் தொட்டியில் மனிதக்கழிவு கலக்கப்பட்ட சம்பவம் தொடர்பாக விசாரிக்க இறையூரைச் சேர்ந்த 20 பேருக்கு சம்மன் அனுப்பி இன்று மாலை 5 மணிக்குள் ஆஜராக வேண்டும் என தெரிவிக்கப்பட்டுள்ளது.

16:40 (IST) 9 Jan 2023
சட்டமன்ற மரபைகாத்த முதல்வருக்கு நன்றி – உதயநிதி ஸ்டாலின்

உதயநிதி ஸ்டாலின்: “தமிழ்நாடு அரசு தயாரித்து தானும் இசைவளித்த உரையை முறையாக வாசிக்காத ஆளுநரின் மரபு மீறலுக்கு எதிராக அரசு தயாரித்த உரை மட்டுமே அவைக் குறிப்பில் ஏற வேண்டுமென, முதலமைச்சர் அவர்கள் முன்மொழிந்த தீர்மானம் ஒருமனதாக நிறைவேற்றப்பட்டது; சட்டமன்ற மரபைக் காத்த முதலமைச்சர் மு.க. ஸ்டாலின் அவர்களுக்கு நன்றி” என்று ட்வீட் செய்துள்ளார்.

16:35 (IST) 9 Jan 2023
திட்டமிட்டு கூட்டணி கட்சிகளை தூண்டிவிட்டு ஆளுநரை அவமதித்துள்ளனர் – வானதி சீனிவாசன்

பாஜக எம்.எல்.ஏ.வானதி சீனிவாசன்: திட்டமிட்டு கூட்டணி கட்சிகளை தூண்டிவிட்டு ஆளுநரை அவமதித்துள்ளனர் என்று தெரிவித்துள்ளார்.

16:34 (IST) 9 Jan 2023
ஆளுநர் உரையை முழுமையாக படிக்காமல் பாதியிலேயே புறக்கணித்துவிட்டு சென்றது தவறு – சரத்குமார்

சமத்துவ மக்கள் கட்சி தலைவர் சரத்குமார்: “உரையை முழுமையாக படிக்காமல் ஆளுநர், பாதியிலேயே புறக்கணித்துவிட்டு சென்றது தவறு” என்று தெரிவித்துள்ளார்.

16:32 (IST) 9 Jan 2023
மின் ஊழியர்கள் வேலைநிறுத்தத்திற்கு தடை – ஐகோர்ட் உத்தரவு

சென்னையைச் சேர்ந்த சரவணன், ஏழுமலை ஆகியோர் தாக்கல் செய்த வழக்குகளில், மின்சார வாரிய ஊழியர்கள் நாளை அழைப்பு விடுத்துள்ள ழ்வேலை நிறுத்த போராட்டத்திற்கு தடை விதித்து சென்னை உயர் நீதிமன்றம் உத்தரவிட்டுள்ளது.

16:05 (IST) 9 Jan 2023
மாரிதாஸ் மீதான வழக்கை புலன் விசாரணை செய்ய காவல்துறைக்கு அவகாசம் தேவை – சுப்ரீம் கோர்ட்

யூடியூபர் மாரிதாஸூக்கு எதிரான அவதூறு வழக்கு விசாரணையை ரத்து செய்த உயர்நீதிமன்ற மதுரை கிளையின் உத்தரவு ரத்து செய்து உத்தரவிட்டது. இந்த வழக்கை புலன் விசாரணை செய்ய காவல்துறைக்கு உரிய அவகாசம் தேவை என்று சென்னை உச்ச நீதிமன்றம் உத்தரவிட்டுள்ளது.

15:29 (IST) 9 Jan 2023
இப்படிப்பட்ட ஆளுநரை தமிழ்நாடு இதுவரை கண்டதில்லை – டாக்டர் ராமதாஸ்

ஆளுநர் ஆர்.என். ரவி தமிழ்நாடு சட்டப்பேரவையில் இருந்து வெளிநடப்பு செய்ததையடுத்து, பா.ம.க நிறுவனர் டாக்டர் ராமதாஸ்: “சட்டப்பேரவை மரபுகளையும் அவை நாகரிகத்தையும் மதிக்காத இப்படிப்பட்ட ஆளுநரை தமிழ்நாடு இதுவரை கண்டதில்லை.” என்று தெரிவித்துள்ளார்.

15:21 (IST) 9 Jan 2023
ஆளுநர் வெளிநடப்பு: தி.மு.க அரசுக்கு அண்ணாமலை கண்டனம்

பா.ஜ.க தலைவர் அண்ணாமலை: “ஆளுநர் கருத்துக்களை, சட்டசபைக் குறிப்பில் இருந்து நீக்க சபாநாயகருக்கு அதிகாரம் உள்ளதா? ஆளுநர் உரையை சட்டசபைக் குறிப்பில், எப்படி இடம்பெற வேண்டும் என்று முதல்வர் வலியுறுத்தியது தவறானது. கண்ணியத்துக்கு மாறாக முதல்வரே நடந்து கொண்டதால் ஆளுநர் அவையில் இருந்து வெளியேற நேரிட்டது. தி.மு.க பொதுக்கூட்ட உரைகளை சட்டமன்றத்தில் ஆளுநர் படிக்க வேண்டும் என்று எதிர்பார்ப்பது நியாயமா? தங்களால் எதிர்க்க முடியாததால் கூட்டணி கட்சியை தூண்டிவிட்டு

வேடிக்கை பார்க்கிறது தி.மு.க. மக்கள் பணத்தை கோடி கணக்கில் செலவு செய்து நடத்தப்படும் சட்டசபையில், நடப்பது எல்லாமே நாடகமே” என்று கண்டனம் தெரிவித்துள்ளார்.

14:58 (IST) 9 Jan 2023
ஆளுநராக இருக்க அவருக்கு தகுதி உள்ளதா

ஆளுநர் நினைத்த வார்த்தைகளை பயன்படுத்துவது எந்த காலத்திலும் கேட்டிராத மரபு; தமிழ்நாடு ஆளுநர் ஆர்.என்.ரவியை மத்திய அரசு திரும்பப் பெற வேண்டும்; மேலும், ஆளுநராக இருக்க அவருக்கு தகுதி உள்ளதா என்பதையும் ஆராய வேண்டும் – பீட்டர் அல்போன்ஸ்

14:24 (IST) 9 Jan 2023
இன்றைய நிகழ்வுகள் ஒரு கரும்புள்ளி

தமிழ்நாடு சட்டப்பேரவை வரலாற்றில் இன்றைய நிகழ்வுகள் ஒரு கரும்புள்ளியாகிவிட்டது

14:22 (IST) 9 Jan 2023
செய்முறை தேர்வு தேதி

தமிழகத்தில் 11 மற்றும் 12ம் வகுப்பு மாணவர்களுக்கான செய்முறை தேர்வு மார்ச் 7 முதல் 10 ஆம் தேதி வரை செய்முறை நடைபெறும் என்று பள்ளிக்கல்வித்துறை அறிவித்துள்ளது.

13:58 (IST) 9 Jan 2023
ஆளுநருக்கு, அன்புமணி கண்டனம்

தமிழ்நாடு அரசால் தயாரிக்கப்பட்ட உரையை சட்டப்பேரவையில் படிக்கும் போது ஆளுநர் சில வார்த்தைகளையும், சில பத்திகளையும் தவிர்த்திருக்கிறார். இது மக்களால் தேர்ந்தெடுக்கப்பட்ட அரசையும், சட்டப்பேரவையும் அவமதிக்கும் செயலாகும்- அன்புமணி ராமதாஸ்

13:57 (IST) 9 Jan 2023
ஹேஷ்டேக் ட்ரெண்டிங்

சட்டப்பேரவையில் இருந்து ஆளுநர் ரவி வெளிநடப்பு செய்த நிலையில் ட்விட்டரில் ‘GetOutRavi’ என்ற ஹேஷ்டேக் ட்ரெண்டிங்கில் உள்ளது.

13:18 (IST) 9 Jan 2023
சபாநாயகர் அப்பாவு பேட்டி

பாஜக ஆளாத மாநிலங்களில் உள்ள ஆளுநர்கள் ஏன் இப்படி நடந்துகொள்கிறார்கள் என்று தெரியவில்லை. அரசியலமைப்பு சட்டத்தை உருவாக்கிய அம்பேத்கர் பெயரையே ஆளுநர் வாசிக்காதது வேதனையளிக்கிறது – சபாநாயகர் அப்பாவு

13:14 (IST) 9 Jan 2023
ஆளுநர் மாளிகை முற்றுகை போராட்டம்

ஆளுநர் ஆர்.என். ரவி பதவி விலக வலியுறுத்தி, வரும் 13ம் தேதி விசிக சார்பில் ஆளுநர் மாளிகை முற்றுகை போராட்டம் நடைபெறும் என தொல். திருமாவளவன் அறிவித்துள்ளார்.

12:12 (IST) 9 Jan 2023
13-ம் தேதி வரை சட்டப்பேரவை கூட்டத்தொடர்: அப்பாவு அறிவிப்பு

“நாளை, மறைந்த எம்.எல்.ஏ திருமகன் ஈவெராவுக்கு இரங்கல் தீர்மானம் நிறைவேற்றப்பட்டு அவை ஒத்திவைக்கப்படும்”

11, 12-ம் தேதிகளில் ஆளுநர் உரைக்கு நன்றி தெரிவிக்கும் தீர்மானம் மீது விவாதம்

சபாநாயகர் அப்பாவு தலைமையில் நடைபெற்ற அலுவல் ஆய்வு குழு கூட்டத்தில் முடிவு

12:09 (IST) 9 Jan 2023
ஆளுநருக்கு எதிராக முதலமைச்சர் தீர்மானம் கொண்டுவந்தது மரபு அல்ல

ஆளுநருக்கு எதிராக முதலமைச்சர் தீர்மானம் கொண்டுவந்தது மரபு அல்ல

ஆளுநர் உரையை கேட்க வந்தோமே தவிர, முதல்வர் உரையை அல்ல – ஈபிஎஸ்

11:58 (IST) 9 Jan 2023
ஸ்டாலின் பேசிக்கொண்டிருந்த போதே வெளியேறிய ஆளுநர்

சட்டப்பேரவையில் முதலமைச்சர் ஸ்டாலின் பேசிக்கொண்டிருந்த போது பாதியில் வெளியேறிய ஆளுநர் ஆர்.என்.ரவி

சட்டமன்ற நடவடிக்கைகள் முடிவதற்கு முன்பாக ஆளுநர் வெளியேறினார்

11:51 (IST) 9 Jan 2023
‘வாரசுடு’ ஜனவரி 14-ம் வெளியீடு – தில் ராஜூ அறிவிப்பு

வம்சி இயக்கத்தில் விஜய் நடித்திருக்கும் 'வாரிசு' திரைப்படம் ஜனவரி 14-ம் தேதி தெலுங்கு மொழியில் வெளியாகும் என தயாரிப்பாளர் தில் ராஜூ அறிவிப்பு

ஜனவரி 11ம் தேதி வெளியாக இருந்த நிலையில் 14ம் தேதி வெளியிடுவதாக அறிவிப்பு

தெலுங்கு நடிகர்கள் சிரஞ்சீவி, பாலகிருஷ்ணா ஆகியோரின் படங்களுக்கு முன்னுரிமை அளித்து 14ம் தேதி வெளியீடு – தில் ராஜூ

11:21 (IST) 9 Jan 2023
”திராவிட மாடல்’ என்ற வார்த்தையை படிக்காமல் தவிர்த்த ஆளுநர்

'திராவிட மாடல்' என்ற வார்த்தையை படிக்காமல் தவிர்த்த ஆளுநர்

தமிழ்நாடு அரசு தயாரித்த உரையில் ’திராவிட மாடல்’ என்ற வார்த்தையை படிக்காமல் தவிர்த்த ஆளுநர் ஆர்.என்.ரவி

11:20 (IST) 9 Jan 2023
நீட் தேர்வு உரிமையை பறிக்கிறது – ஆளுநர்

நீட் தேர்வு உரிமையை பறிக்கும் வகையிலும் கிராமப்புற மாணவர்களுக்கு எதிராகவும் உள்ளது. நீட் விலக்கு சட்டம் குடியரசுத் தலைவரின் ஒப்புதலுக்கு அனுப்பபட்டு நிலுவையில் உள்ளது – ஆளுநர் ஆர்.என்.ரவி

10:51 (IST) 9 Jan 2023
தமிழக அரசின் செயல்பாடுகளை புகழ்ந்த ஆளுநர் ரவி

குறுகிய காலத்தில், செஸ் ஒலிம்பியாட்டை சிறப்பாக நடத்தியது தமிழக அரசு. 2030ம் ஆண்டிற்குள் 1 டிரில்லியன் டாலர் பொருளாதாரத்தை அடைய இலக்கு . புதிய அரசு பொறுப்பேற்ற பிறகு வேலைவாய்ப்பு அதிகரிப்பு சிறு, குறு தொழில் நிறுவனங்கள் வளர்ச்சி அடைந்துள்ளது.

10:41 (IST) 9 Jan 2023
வடகிழக்கு பருவ மழையையும் தமிழக அரசு சிறப்பாக கையாண்டது

புயலையும், வடகிழக்கு பருவ மழையையும் தமிழக அரசு சிறப்பாக கையாண்டது. பருவமழையையும், புயலையும் சிறப்பாக கையாண்ட தமிழக அரசுக்கு பாராட்டுக்கள் – ஆளுநர் ஆர்.என்.ரவி

10:37 (IST) 9 Jan 2023
இந்தியாவின் சிறந்த மாநிலமாக தமிழகம்

இந்தியாவின் சிறந்த மாநிலமாக தமிழகம் விளங்குகிறது தமிழக சட்டப்பேரவையில் ஆளுநர் ஆர்.என்.ரவி உரை

10:37 (IST) 9 Jan 2023
நீட் தேர்வு

“நீட் தேர்வு ரத்து செய்யப்பட வேண்டும் என்பதில் தமிழ்நாடு அரசு உறுதியாக உள்ளது” – தமிழ்நாடு சட்டப்பேரவையில் ஆளுநர் ஆர்.என்.ரவி உரை!

10:19 (IST) 9 Jan 2023
பாமக எம்.எல்.ஏ.க்கள் கோரிக்கை

ஆன்லைன் சூதாட்டங்களுக்கு தடை விதிக்கும் மசாதாவுக்கு ஆளுநர் ஒப்புதல் அளிக்க வேண்டும் என்று பாமக எம்.எல்.ஏ.க்கள், ஆளுநர் முன்பாக கையில் பேப்பரில் ஆங்கிலத்தில் எழுதி வைத்து உயர்த்திப் பிடித்தவாறு கோஷங்களை எழுப்பி வருகின்றனர்

10:18 (IST) 9 Jan 2023
கட்சிகள் வெளிநடப்பு

ஆளுநர் ஆர்.என்.ரவி உரைக்கு எதிர்ப்பு தெரிவித்து அதிமுகவை தவிர பிற கட்சிகள் வெளிநடப்பு.

10:16 (IST) 9 Jan 2023
கடும் அமளிக்கு மத்தியில் தமிழில் உரையை தொடங்கினார்

சட்டப்பேரவையில் கடும் அமளிக்கு மத்தியில் தமிழில் உரையை தொடங்கினார் ஆளுநர் ஆர்.என்.ரவி அனைவருக்கும் பொங்கல் வாழ்த்துக்கள் – தமிழில் வாழ்த்து கூறினார் ஆளுநர் ஆர்.என்.ரவி

10:15 (IST) 9 Jan 2023
அலங்காநல்லூர் ஜல்லிக்கட்டு

உலகப்புகழ் பெற்ற அலங்காநல்லூர் ஜல்லிக்கட்டு வரும் 17ம் தேதி நடக்க உள்ள நிலையில், அதற்கான பணிகள் தீவிரப்படுத்தப்பட்டுள்ளன

10:12 (IST) 9 Jan 2023
ஆளுநர் ஆர்.என்.ரவி வருகை

பேரவை கூட்டத்தொடரில் பங்கேற்க ஆளுநர் ஆர்.என்.ரவி வருகை. சட்டமன்ற வளாகத்தில் ஆளுநருக்கு காவல்துறை அணிவகுப்பு மரியாதை

10:07 (IST) 9 Jan 2023
ஷர்மிகாவுக்கு விளக்கம் கேட்டு இந்திய மருத்துவ இயக்குனரகம் நோட்டீஸ்

சித்த மருத்துவர் ஷர்மிகாவுக்கு விளக்கம் கேட்டு இந்திய மருத்துவ இயக்குனரகம் நோட்டீஸ் கர்ப்பம் தரிப்பது, உணவு பழக்கங்கள் குறித்து சர்ச்சையான கருத்துக்களை பதிவிட்டு வந்த நிலையில் நோட்டீஸ் புகாரின் அடிப்படையில் 15 நாட்களுக்குள் விளக்கம் அளிக்க உத்தரவு

10:07 (IST) 9 Jan 2023
ஆளுநர் உரையை புறக்கணிக்கும் காங்கிரஸ், கம்யூனிஸ்ட், மதிமுக, விசிக

சட்டப்பேரவையில் ஆளுநர் உரையை புறக்கணிக்கும் காங்கிரஸ், கம்யூனிஸ்ட், மதிமுக, விசிக ஆளுநரின் நடவடிக்கைகளுக்கு எதிர்ப்பு தெரிவித்து திமுக கூட்டணி கட்சிகள் முடிவு ஆளுநருக்கு எதிர்ப்பு தெரிவித்து பேரவையில் இருந்து வெளிநடப்பு செய்ய திட்டம்

09:26 (IST) 9 Jan 2023
பயணிகள் அவதி

அரக்கோணம் ரயில் நிலையம் அருகே தண்டவாள விரிசல் காரணமாக ரயில்கள் நடுவழியில் நிறுத்தம்; அரக்கோணம் – சென்னை செல்லக்கூடிய ரயில்கள் நிறுத்தப்பட்டதால் பயணிகள் அவதி.

09:13 (IST) 9 Jan 2023
போக்குவரத்து மாற்றம்

மெட்ரோ ரயில் பணி மேற்கொள்ளப்படுவதால் மாம்பலம் பிரதான சாலையில் இன்று முதல் 2024 ஏப்ரல் 7 வரை போக்குவரத்து மாற்றம்; மாம்பலம் பகுதியில் டிசம்பர் 25 முதல் ஒரு வாரத்துக்கு போக்குவரத்து மாற்றம் செய்யப்பட்டு சோதனை ஓட்டம் நடத்தப்பட்டது.

09:02 (IST) 9 Jan 2023
அதிமுக எம்.எல்.ஏ.க்கள் கூட்டம்

சென்னையில் எடப்பாடி பழனிசாமி தலைமையில் இன்று மாலை அதிமுக எம்.எல்.ஏ.க்கள் கூட்டம் நடைபெற உள்ளது. ராயப்பேட்டையில் உள்ள கட்சியின் தலைமை அலுவலகத்தில் மாலை 4.30 மணிக்கு நடைபெறுகிறது.

09:01 (IST) 9 Jan 2023
எல்.முருகன் கருத்து

“சங்க இலக்கியங்களிலும் தமிழ்நாடு என்று இல்லாமல் தமிழகம் என்றுதான் உள்ளது” – இணையமைச்சர் எல்.முருகன்

Web Title: Today tamil nadu chennai latest news tn assembly governor rn ravi speech live