சமூகநீதி கொள்கையை சவக்குழிக்கு அனுப்பும் மத்திய அரசு: திருச்சியில் திராவிடர் கழகத்தினர் ஆர்ப்பாட்டம்

மத்திய அரசின் தேசிய கல்விக்கொள்கையை எதிர்த்தும், விஸ்வகர்மா போஜனா என்ற பெயரில் குலக்கல்வித் திட்டத்தையும், சமூகநீதி கொள்கையை சவக்குழிக்கு அனுப்புவதையும், இந்தி திணிப்பை எதிர்த்தும் திருச்சி மாவட்ட திராவிட மாணவரணி, இளைஞரணி,  சார்பில் கண்டன ஆர்ப்பாட்டம்  திருச்சி ஜங்சன் காதிகிராப்ட் அருகில் இன்று நடைபெற்றது. 

இந்த ஆர்ப்பாட்டத்திற்கு மாநில திராவிட மாணவரணி துணைச் செயலாளர்  ஆ.அறிவுச்சுடர் தலைமையிலும் மாவட்ட தலைவர் ஞா.ஆரோக்கியராஜ், மாவட்ட துணைத் தலைவர் ச.துரைசாமி, மாநில தொழிலாளர் அணி செயலாளர் மு.சேகர், மாவட்ட அமைப்பளார் ப.ஆல்பர்ட், மாநில மகளிர் பாசறை துணைச் செயலாளர் க.அம்பிகா, மாவட்ட மகளிரணி செயலாளர் சு.சாந்தி, தி.தொக. தலைவர் பெல் அசோக்குமார் ஆகியோர்கள் முன்னிலையிலும் நடைபெற்றது. கண்டன ஆர்ப்பாட்டத்தை விளக்கி தலைமைக்கழக சொற்பொழிவாளர் வழக்குரைஞர் பூவை.புலிகேசி உரையாற்றினார். இதில்  கழகத் தோழர்கள், பொறுப்பாளர்கள் திரளாக கலந்து கொண்டானர்.

செய்தி: க. சண்முகவடிவேல்.