திருச்சியில் 37 வயது போலீஸ் திடீர் மரணம்: மன அழுத்தம் காரணமா?

க.சண்முகவடிவேல்

Trichy: ஸ்ரீரங்கம் காவல் நிலையத்தில் காவலராக பணியாற்றி வருபவர் விநாயகமூர்த்தி. இவர் ஸ்ரீரங்கத்தில் உள்ள காவலர் குடியிருப்பில் உள்ள அவரது வீட்டில் இருந்தபோது திடீரென மயக்கம் ஏற்பட்டு கீழே சரிந்தார். உடனடியாக அவரது மனைவி 108-க்கு தகவல் கொடுத்தார். 

ஆம்புலன்ஸ் ஊழியர்கள் உடனடியாக வந்து பார்த்துகாவலர் விநாயகமூர்த்தியை பரிசோதனை செய்தபோது, அவர் உயிரிழந்ததாக மருத்துவர்கள் தெரிவித்துள்ளனர். இதனை தொடர்ந்து அவரது உடல் பிரேத பரிசோதனைக்காக அரசு மருத்துவமனைக்கு அனுப்பி வைக்கப்பட்டது. 

காவலர் விநாயகமூர்த்தி மற்றவர்களிடம் சகஜமாக பழகக் கூடியவர். சில காலங்களாக அவர் மன அழுத்தத்தில் இருந்ததாக கூறப்படுகிறது. 37 வயதே ஆன காவலர் திடீரென உயிரிழந்துள்ளது சக காவலர்களிடையே அதிர்ச்சியை ஏற்படுத்தியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“