/indian-express-tamil/media/media_files/2025/08/29/ttv-dhinakaran-3-2025-08-29-00-21-26.jpg)
அ.ம.மு.க பொதுச் செயலாளர் டி.டி.வி. தினகரன் தஞ்சாவூரில் செய்தியாளர்களிடம் வியாழக்கிழமை பேசினார்.
அ.ம.மு.க பொதுச் செயலாளர் டி.டி.வி தினகரன், “2006-ல் விஜயகாந்தைப் போல 2026 தேர்தலில் விஜய் தாக்கத்தை ஏற்படுத்துவார். நான் சொல்வது யதார்த்தமான உண்மை. அதற்காக நான் அந்த கட்சியுடன் கூட்டணிக்கு செல்வதாக அர்த்தமில்லை. 2026 தேர்தலில் எல்லா கட்சிக்கும் த.வெ.க பாதிப்பை ஏற்படுத்தும்.” என்று கூறினார்.
அ.ம.மு.க பொதுச் செயலாளர் டி.டி.வி. தினகரன் தஞ்சாவூரில் செய்தியாளர்களிடம் வியாழக்கிழமை பேசினார். அப்போது அவர் கூறுகையில், “விஜய்யின் கட்சி பற்றி ஊடகத்திலோ வெளியிலோ அரசியல் விமர்சகர்கள் பலரும் பேசுகிறார்கள். அதன்படி, மறைந்த விஜயகாந்த் எப்படி 2006 தேர்தலின்போது தாக்கத்தை ஏற்படுத்தினாரோ, அதேபோல வருகிற 2026 தேர்தலில் விஜய் தாக்கத்தை ஏற்படுத்த வாய்ப்பு உள்ளதாகவே கருதுகிறேன். 2026 தேர்தலில் எல்லா கட்சிகளுக்கும் த.வெ.க பாதிப்பை ஏற்படுத்தும்.
நான் செல்வது யதார்த்தமான உண்மை. அதற்காக அவருடன் கூட்டணிக்குச் செல்கிறேன் என்று அர்த்தமில்லை. நான் யதார்த்தத்தை நான் பேசுகிறேன். பல இடங்களில் நண்பர்கள், கருத்துக்கணிப்புகள் சொல்கின்றன. அதைத்தான் நான் சொல்கிறேன்.
ஒவ்வொரு கட்சியுமே நாங்கள் இடம்பெறும் அணி வெற்றி பெறும் என்று சொல்வது சாதாரணமானதுதான். டிசம்பருக்கு பின்தான் எங்கள் கூட்டணி இறுதி வடிவம் பெறும்” என்று .அ.ம.மு.க பொதுச் செயலாளர் டி.டி.வி. தினகரன் கூறினார்.
Stay updated with the latest news headlines and all the latest Lifestyle news. Download Indian Express Tamil App - Android or iOS.