'சட்டமேதையின் ஆசி- 2026ல் சாணக்யர் ஆட்சி': கோவையில் த.வெ.க போஸ்டர்

அம்பேத்கர் நினைவு நாளான இன்று சென்னையில் 'எல்லோருக்குமான தலைவர் அம்பேத்கர்' என்ற அம்பேத்கர் குறித்தான நூலை தமிழக வெற்றிக் கழக தலைவர் விஜய் வெளியிடுகிறார். 

இதற்கான அறிவிப்பு வந்தததில் இருந்து பல்வேறு கருத்துக்கள் அரசியல் களத்தில் பேசப்பட்டு வந்தன. 

இந்நிலையில் 'சட்ட மேதையின் ஆசி... 2026-ல் சாணக்யர் ஆட்சி...'  என தவெக கோவை தெற்கு மாவட்ட இளைஞரணி சார்பில் கோவை மாநகரில் பல்வேறு இடங்களில் போஸ்டர்கள் ஒட்டப்பட்டுள்ளன.  

அந்த போஸ்டரில் எல்லோருக்குமான தலைவர் அம்பேத்கர் என்ற நூலின் தலைப்பும் அம்பேத்கர் தமிழக வெற்றி கழகத்தின் தலைவர் விஜய்க்கு அந்த நூலை வழங்குவது போன்றும் புகைப்படம் இடம்பெற்றுள்ளது.

இந்த போஸ்டர் கோவை மாநகரில் தண்டுமாரியம்மன் கோவில் அருகில், உக்கடம் உள்ளிட்ட பகுதிகளில் ஒட்டப்பட்டுள்ளன.

செய்தி: பி.ரஹ்மான்