TVK Madurai Maanadu updates: ‘மோடியை இவ்வளவு காட்டமாக விமர்சிக்க அவசியமே இல்லை’ - விஜய் பேச்சுக்கு தமிழிசை பதில்

Vijay’s TVK Maanadu in Madurai updates: தமிழகத்தில் அடுத்த ஆண்டு நடைபெறவுள்ள சட்டப்பேரவைத் தேர்தலை முன்னிட்டு, அரசியல் கட்சிகளின் அரசியல் பணிகள் தீவிரமடைந்துள்ளன. இந்த சூழலில், மதுரையில் தமிழக வெற்றிக் கழகத்தின் 2-வது மாநில மாநாட்டின் நிகழ்வுகள் தொடங்கியுள்ளன. "வாகை சூடும் வரலாறு திரும்புகிறது, வெற்றிப் பேரணியில் தமிழ்நாடு" என்ற முழக்கத்துடன் மாநாடு நடைபெறுகிறது.

மதுரையின் புறநகர் பகுதியான பாரபத்தியில் சுமார் 506 ஏக்கர் பரப்பளவில் மாநாட்டு திடல் பிரமாண்டமாக அமைக்கப்பட்டுள்ளது. மாநாட்டிற்கான ஏற்பாடுகள் அனைத்தும் முழு வீச்சில் நடைபெற்று வருகின்றன. இம்மாநாட்டில் 1.5 லட்சத்திற்கும் மேற்பட்டோர் அமரும் வகையில் இருக்கைகள் அமைக்கப்பட்டுள்ளன. பங்கேற்பாளர்களுக்கு குடிநீர் வசதி, கழிப்பறை வசதிகள் உள்ளிட்ட அனைத்து அடிப்படை வசதிகளும் செய்யப்பட்டுள்ளன. குறிப்பாக, பெண்களின் வசதிக்காக 'பிங்க் ரூம்' என்ற சிறப்பு வசதியும் ஏற்படுத்தப்பட்டுள்ளது.

மாநாட்டு திடல் முழுவதும் கட்சிக் கொடிகள் மற்றும் அலங்கார வளைவுகள் அமைக்கப்பட்டு விழாக்கோலம் பூண்டுள்ளது. பல்வேறு மாவட்டங்களில் இருந்து ஆயிரக்கணக்கான தொண்டர்கள் மற்றும் பொதுமக்கள் மாநாட்டில் பங்கேற்க உள்ளனர். இம்மாநாட்டில் கட்சியின் எதிர்கால திட்டங்கள், தேர்தல் வியூகங்கள் மற்றும் முக்கிய அறிவிப்புகள் வெளியாகும் என எதிர்பார்க்கப்படுகிறது.

Aug 21, 2025 22:37 IST
த.வெ.க மாநாட்டில் கலந்துகொண்ட நீலகிரி இளைஞர் உயிரிழப்பு
த.வெ.க மாநாட்டில் கலந்து கொண்ட நீலகிரியைச் சேர்ந்த ரோஷன் (18) என்ற இளைஞர் உயிரிழந்த சம்பவம் சோகத்தை ஏற்படுத்தியுள்ளது. மாநாட்டுத் திடலிலேயே மூச்சுத் திணறல் ஏற்பட்டதால் மயங்கி விழுந்த ரோஷனுக்கு, உடனடியாக மருத்துவக் குழுவினர் முதலுதவி அளித்து அவரது சொந்த ஊருக்கு அனுப்பி வைத்தனர். ஆனால், ஊருக்குத் திரும்பிக் கொண்டிருந்தபோது, சமயநல்லூர் அருகே மீண்டும் அவருக்கு மூச்சுத் திணறல் ஏற்பட்டுள்ளது. உடனடியாக அருகிலிருந்த அரசு மருத்துவமனைக்கு அழைத்துச் செல்லப்பட்டபோது, அவர் ஏற்கெனவே உயிரிழந்துவிட்டதாக மருத்துவர்கள் தெரிவித்துள்ளனர். இந்த சம்பவம் தவெக தொண்டர்கள் மத்தியில் பெரும் சோகத்தை ஏற்படுத்தியுள்ளது.



Aug 21, 2025 22:19 IST
‘விஜய் எங்க வீட்டு பையன்தான்; கேப்டனுக்கு தம்பி அவர்’ - பிரேமலதா விஜயகாந்த்
த.வெ.க தலைவர் விஜயின் பேச்சை குறிப்பிட்டு தே.மு.தி.க பொதுச்செயலாளர் பிரேமலதா விஜயகாந்த் கூறுகையில், “விஜய் எங்க வீட்டு பையன்தான்; கேப்டனுக்கு தம்பி அவர். G.O.A.T-ல் அனுமதி கேட்டபோதுகூட கொடுத்தோம்” என்று கூறினார்.



Advertisment
Advertisements
Aug 21, 2025 22:13 IST
‘எல்லோராலும் எம்.ஜி.ஆர் ஆக முடியாது’ - விஜய் பேச்சுக்கு அ.தி.மு.க முன்னாள் அமைச்சர் ஜெயக்குமார் பதில்
அ.தி.மு.க முன்னாள் அமைச்சர் ஜெயக்குமார், “யாராலும் எம்.ஜி.ஆர் ஆகிவிட முடியாது. ஜெயலலிதா ஆக முடியாது; பேரறிஞர் அண்ணாவாக முடியாது; அ.தி.மு.க வாக்குகள் ஒருபோதும் எங்கும் போகாது. எங்கள் தலைவர் எம்.ஜி.ஆர் பெயர் சொல்லாமல், ஜெயலலிதா பெயர் சொல்லாமல் யாரும் அரசியல் செய்ய முடியாது” என்று கூறினார்.



Aug 21, 2025 22:10 IST
‘அ.தி.மு.க யார் கையில் இருக்கிறது என சிலர் அறியாமையில் பேசுகிறார்கள்’ - விஜய் பேச்சுக்கு இ.பி.எஸ் பதிலடி
அ.தி.மு.க பொதுச் செயலாளர் எடப்பாடி பழனிசாமி, “தி.மு.க-வை வீழ்த்தும் ஒரே கட்சி அ.தி.மு.க மட்டுமே; அ.தி.மு.க யார் கையில் இருக்கிறது என சிலர் அறியாமையில் பேசுகிறார்கள்; தி.மு.க-வை வீழ்த்தும் சக்தியுள்ள ஒரே கட்சி அ.தி.மு.க மட்டுமே” என்று கூறியுள்ளார்.



Aug 21, 2025 21:29 IST
‘மோடியை இவ்வளவு காட்டமாக விமர்சிக்க அவசியமே இல்லை’ - விஜய் பேச்சுக்கு தமிழிசை பதில்
பா.ஜ.க மூத்த தலைவர் தமிழிசை சௌந்தரராஜன், “பிரதமரை இவ்வளவு காட்டமாக விமர்சிக்க அவசியமே இல்ல. வாய்க்கு வந்ததை பேசுகிறார். மக்களை பிளீஸ் செய்ய வேண்டும்; கிரீஸ் வைத்து தடுக்கக்கூடாது. தாமரை இலையில் தண்ணீர் ஒட்டவே தேவையில்லை, தாமரை தண்ணீரில் வளரும், தாமரை தண்ணீரில் மலரும் என்றாவது விஜய்க்கு தெரியுமா? பா.ஜ.க-வை விமர்சிக்கும் விஜய் காங்கிரஸ் கட்சியை விமர்சிக்காதது ஏன்”  என்று கேள்வி எழுப்பியுள்ளார்.



Aug 21, 2025 21:26 IST
புதியதாக கட்சி தொடங்கி ஆட்சி பிடிக்க ஆசை படலாம்; ஆனால் உழைக்காமல் வெற்றி பெறமுடியாது - இ.பி.எஸ்
வாலாஜாபாத் பரப்புரையில் பேசிய அ.தி.மு.க பொதுச் செயலாளர் எடப்பாடி பழனிசாமி, “சில பேர் கட்சி தொடங்கி 2வது மாநாடு தான் நடத்தி இருக்கிறார்கள்; இரண்டு மாநாட்டிற்கே இப்படி என்றால், மக்கள் செல்வாக்கு பெற்ற கட்சி அ.தி.மு.க என்று நாம் நிரூபித்து உள்ளோம். புதிதாக கட்சி தொடங்கி ஆட்சி பிடிக்க ஆசை படலாம்; ஆனால் உழைக்காமல் வெற்றி பெற முடியாது” என்று கூறினார்.



Aug 21, 2025 20:34 IST
“அட்ரஸ் இல்லாத லெட்டருக்கு நான் பதில் போடலாமா?” விஜய் பேச்சுக்கு கமல்ஹாசன் எம்.பி ரியாக்ஷன்
மதுரை, பாரபத்தியில் நடைபெற்ற த.வெ.க மாநாட்டில் பேசிய அக்கட்சியின் விஜய், மார்க்கெ போனபின் அரசியலுக்கு வரவில்லை என்று கூறினார். இது குறித்து செய்தியாளர்கள் கருத்து கேட்டதற்கு ம.நீ.ம தலைவர் கமல்ஹாசன் கூறுகையில், “அவர் யார் பேராவது சொல்லியிருக்காரா? அட்ரஸ் இல்லாத லெட்டருக்கு நான் பதில் போடலாமா?” என்று கேட்டு விட்டு புறப்பட்டுச் சென்றார்.



Aug 21, 2025 20:11 IST
த.வெ.க மாநாடு முடிந்து வெளியேறிய தொண்டர்கள்; மதுரை - தூத்துக்குடி சாலையில் கடும் போக்குவரத்து நெரிசல்
மதுரை, பாரபத்தியில் நடைபெற்ற த.வெ.க மாநாடு முடிந்து வெளியேறிய தொண்டர்களால் மதுரை - தூத்துக்குடி சாலையில் கடும் போக்குவரத்து நெரிசல் ஏற்பட்டுள்ளது.



Aug 21, 2025 20:03 IST
த.வெ.க மாநில மாநாட்டுத் திடலில் இருந்து சாரை சாரையாக புறப்பட்ட வாகனங்கள் 
மதுரை, பாரபத்தியில் நிறைவடைந்த த.வெ.க மாநில மாநாட்டுத் திடலில் இருந்து சாரை சாரையாக வாகனங்கள் புறப்பட்டன. கூட்டம் கூட்டமாக தொண்டர்கள் வெளியேறினர்.



Aug 21, 2025 19:44 IST
‘சிலர் கட்சி ஆரம்பித்த உடனே இமயமலை சாதனை செய்தது போல பேசுகிறார்கள்’ - விஜய் பெயர் குறிப்பிடாமல் இ.பி.எஸ் பதில்
த.வெ.க தலைவர் விஜய் பேசியதற்கு, அ.தி.மு.க பொதுச்செயலாளர் எடப்பாடி பழனிசாமி பதிலளித்துள்ளார், “சிலர் கட்சி ஆரம்பித்த உடனே இமயமலை சாதனை செய்தது போல பேசுகிறார்கள்; ஏதோ மக்கள் செல்வாக்கு பெற்றது போலவும், இந்த நாட்டிற்கு உழைத்தது போலவும், அவர்கள் வந்துதான் இந்த நாட்டைக் காப்பாற்றுவது போலவும் பேசி வருகிறார்கள்” என்று கூறினார்.



Aug 21, 2025 19:40 IST
‘இதுகூட தெரியாமல் ஒரு கட்சிக்கு தலைவராக இருக்கிறார்’ விஜய் பெயரைக் குறிப்பிடாமல் இ.பி.எஸ் பதில்
அ.தி.மு.க பொதுச்செயலாளர் எடப்பாடி பழனிசாமி, நடிகர் விஜய் பெயரை குறிப்பிடாமல்,  “அ.தி.மு.க யார் கையில் இருக்கிறது என்று சிலர் கேட்கிறார்கள். அறியாமையாகத்தான் இதை பார்க்கிறேன். இதுகூட தெரியாமல், ஒரு கட்சிக்கு தலைவராக இருக்கிறார் என்றால், அவரை நம்பி எப்படி தொண்டர்கள் இருப்பார்கள்? நாட்டில் என்ன நடக்கிறது என்று தெரியாமல், சிலர் சில கருத்துக்களை தன் இஷ்டம்போல் பேசி வருகின்றனர்” என்று கேள்வி எழுப்பினார்.



Aug 21, 2025 19:34 IST
அ.தி.மு.க - பா.ஜ.க கூட்டணியின் மறைமுக பார்ட்னராக செயல்படுகிறார் விஜய் - வன்னி அரசு விமர்சனம்
 
த.வெ.க மாநாட்டில் விஜய்யின் பேச்சு குறித்து வி.சி.க துணைப் பொதுச் செயலாளர் வன்னி அரசு ஊடகங்களில் கூறுகையில், “அ.தி.மு.க - பா.ஜ.க கூட்டணியின் மறைமுக பார்ட்னராக விஜய் செயல்படுகிறார் என்பதுதான் இந்த மாநாட்டு செய்தி; தி.மு.க-வுக்கும் பா.ஜ.க-வுக்கும் மறைமுக கூட்டணி என அ.தி.மு.க பொதுச் செயலாளர் எடப்பாடி பழனிசாமி முன்மொழிந்ததை விஜய் வழிமொழிந்ததன் மூலம் அ.தி.மு.க, த.வெ.க மறைமுக கூட்டணியாக இருப்பது அம்பலமாகிறது. லென்த்தான டலாயாக் மாநாடு அவ்வளவுதான்” என விமர்சனம் செய்துள்ளார்.



Aug 21, 2025 19:21 IST
த.வெ.க மாநாட்டில் இருந்து தண்ணீர் பாட்டில்களை பெட்டி பெட்டியாக தூக்கி சென்ற தொண்டர்கள்
மதுரையில் த.வெ.க மாநாடு முடிந்த கையோடு மாநாட்டில் உள்ள தண்ணீர் பாட்டில்களை தவெக தொண்டர்கள் பெட்டி பெட்டியாக தோள்களில் தூக்கி சென்றனர்.



Aug 21, 2025 18:55 IST
மகிழ்ச்சியுடன் வீடு திரும்பும் த.வெ.க தொண்டர்கள்
மதுரை த.வெ.க மாநாடு நிறைவு பெற்ற நிலையில், தொண்டர்கள் மகிழ்ச்சியுடன் வீடு திரும்புகின்றனர். பல கிலோ மீட்டர் தூரத்திற்கு சாலையை சூழ்ந்து செல்லும் தொண்டர்களால் சாலை ஸ்தம்பித்துள்ளது



Aug 21, 2025 18:25 IST
விஜய் அறியாமையில் பேசுகிறார் – இ.பி.எஸ்
மதுரை த.வெ.க மாநாட்டில் அ.தி.மு.க குறித்த விஜயின் விமர்சனத்திற்கு, விஜய் அறியாமையில் பேசுவதாக காஞ்சிபுரத்தில் எடப்பாடி பழனிசாமி பதில் அளித்துள்ளார்



Aug 21, 2025 18:22 IST
என்னை சகோதரனாக நம்பும் சகோதரிகளின் குழந்தைகளுக்கு நான் தாய் மாமன் - விஜய்
30 ஆண்டுகளாக என்னை தாங்கி பிடித்தவர்களை நான் மறக்கமாட்டேன். என்னை சகோதரனாக நம்பும் சகோதரிகளின் குழந்தைகளுக்கு நான் தாய் மாமன் என மதுரை த.வெக மாநாட்டில் விஜய் கூறியுள்ளார்



Aug 21, 2025 18:19 IST
அ.தி.மு.க தொண்டர்கள் வேதனையுடன் தவிக்கிறார்கள் - விஜய்
எம்.ஜி.ஆர் ஆரம்பித்த கட்சி இப்போது எப்படி உள்ளது என்பதை வெளியில் சொல்ல முடியாமல் அப்பாவி அ.தி.மு.க தொண்டர்கள் வேதனையுடன் தவிக்கிறார்கள் என த.வெ.க மதுரை மாநில மாநாட்டில் விஜய் கூறியுள்ளார்



Aug 21, 2025 18:02 IST
அரசியல் ஆய்வாளர்களுக்கு நான் சொல்வது இந்தக் கூட்டம் ஓட்டு மட்டுமல்ல - விஜய்
இந்த அரசியல் ஆய்வாளர்களுக்கு நான் சொல்வது இந்தக் கூட்டம் ஓட்டாக மட்டுமல்ல. மக்கள் விரோத ஆட்சியாளர்களுக்கு வேட்டாகவும் இருக்கும் என மதுரையில் த.வெ.க தலைவர் விஜய் கூறியுள்ளார்



Aug 21, 2025 17:59 IST
எல்லா சினிமாக்காரனும் முட்டாள் கிடையாது - விஜய் பேச்சு
எல்லா அரசியல்வாதியும் அறிவாளி கிடையாது. எல்லா சினிமாக்காரனும் முட்டாள் கிடையாது என மதுரை மாநாட்டில் விஜய் பேசியுள்ளார்



Aug 21, 2025 17:21 IST
மார்க்கெட் போன பின் அரசியலுக்கு வரவில்லை: விஜய்
நான் ஒன்றும் மார்க்கெட் போன பின், அடைக்கலம் தேடி, அரசியலுக்கு வரவில்லை, படைக்கலத்தோடு வந்திருக்கிறேன். உங்க விஜய் நான் வரேன். சொல் அல்ல செயல்தான் முக்கியம். நல்ல செய்கிறதுக்கு மட்டும்தான் விஜய் - மதுரைவிஜய் பேச்சு



Aug 21, 2025 17:20 IST
234 தொகுதிகளிலும் விஜய்தான் போட்டி - மாநாட்டில் பேச்சு
மதுரை கிழக்கில் விஜய் போட்டி என்றதும் ஆரவாரித்த தொண்டர்கள். கடைசியில் தமிழ்நாட்டின் 234 தொகுதியிலும் விஜய்தான் போட்டி, அப்படி நினைத்து வாக்களியுங்கள் என்று விளக்கமளித்தார்.



Aug 21, 2025 17:14 IST
ஸ்டாலின் அங்கிள், வெரி ராங்க் அங்கிள் - விஜய் பேச்சு
வெற்று விளம்பர மாடல் திமுக-பாஜக உடன் ரகசிய கூட்டணி வைத்துள்ளது, ஒரு ரெய்டு வந்தால் போதும் உடனே டெல்லிக்கு போய் ரகசிய மீட்டிங் போடுகிறார்கள் , ஸ்டாலின் அங்கிள் - வெரி ராங்க் அங்கிள் - விஜய் பேச்சு



Aug 21, 2025 17:07 IST
கச்சத்தீவை மீட்டுக் கொடுக்க வேண்டும் - விஜய் வேண்டுகோள்
இலங்கை கடற்படையால் தொடர்ந்து சிறைபிடிக்கப்படும் தமிழக மீனவர்களை பிரதமர் மோடி மீட்டு கொண்டுவர வேண்டும் எனவும், கச்சத்தீவை மீட்டு கொடுக்க வேண்டும் எனவும் த.வெ.க. தலைவர் விஜய் வலியுறுத்தி உள்ளார். நீட் தேர்வால் ஏழை, எளிய மாணவர்கள் பாதிக்கப்படுவதால், தேர்வை ரத்து செய்ய வேண்டும் எனவும் கேட்டுக் கொண்டார் விஜய். இஸ்லாமியர்களுக்கு எதிராக சதி செய்யும் ஆட்சி பாஜக ஆட்சி. மோடிக்கு கேள்விகளை கேட்க வந்துள்ளேன். இதுதான் நீங்கள் நடத்தும் ஆட்சியா? - விஜய்



Aug 21, 2025 17:06 IST
2026-ல் இரு கட்சிகளுக்குத் தான் போட்டி - விஜய் பேச்சு
த.வெ.க 2-வது மாநில மாநாட்டில் எதிர்காலம் வரும் என் கடமை வரும் என்ற பாடல் பாடிய விஜய், 2026-ல் இரு கட்சிகளுக்குத் தான் போட்டி, ஒன்று திமுக, மற்றொன்று த.வெ.க. த.வெ.கவிற்கு அடிமை கூட்டணி தேவையில்லை என்று கூறினார். இந்தக் கூட்டம் ஓட்டாக மட்டும் அல்ல; ஆட்சியாளர்களுக்கு வேட்டாகவும் மாறும் என்றும் விஜய் கூறினார்.



Aug 21, 2025 17:03 IST
”ஒரே அரசியல் எதிரி தி.மு.க; ஒரே கொள்கை எதிரி பா.ஜ.க”
பாசிக பாஜகவுடன் நேரடியாகவும் கூட்டணி இல்லை, மறைமுகமாகவும் கூட்டணி இல்லை. ஒரே அரசியல் எதிரி திமுக, ஒரே கொள்கை எதிரி பாஜகதான், த.வெ.க.வை நம்பி கூட்டணிக்கு வரும் கட்சிகளுக்கு ஆட்சியிலும் பங்கு, அதிகாரத்திலும் பங்கு தரப்படும் என்று விஜய் தெரிவித்துள்ளார்.



Aug 21, 2025 17:01 IST
தமிழக அரசியலையே மாற்றும் மாநாடு இது: விஜய்
என்னுடைய அண்ணன் புரட்சித் தலைவர் விஜயகாந்த் உடன் பழகி இருக்கிறேன், அவரும் இந்த மதுரையை சேர்ந்தவர்தான், அவரை மறக்க முடியுமா? தமிழக அரசியலையே மாற்றும் மாநாடு இது, நாங்கள் எதிரிகள் சொல்லும் எதையும் காதில் போட்டுக்கொள்ள மாட்டோம், எல்லா கூக்குரலையும் சிரிப்போடு கடந்து வந்துள்ளோம் என்று மாநாட்டில் விஜய் கூறினார்.



Aug 21, 2025 16:56 IST
சிங்கம் கர்ஜித்தால் 8 கி.மீ அதிரும் - மாநாட்டில் விஜய் பேச்சு
சிங்கம் கர்ஜித்தால் 8 கிலோமீட்டர் தூரம் அதிரும்; சிங்கம் வேட்டையாட மட்டுமே வெளிவரும். சிங்கம் தன்னைவிட பெரிய எதிரியைத்தான் மோதி வீழ்த்தும். சிங்கம் தனியாவும் வரும், கூட்டமாகவும் வரும், தனியா வந்தாலும் சிங்கம்தான் ராஜா - த.வெ.க. மாநாட்டில் விஜய் பேச்சு



Aug 21, 2025 16:48 IST
த.வெ.க. 2-வது மாநில மாநாட்டின் சிறப்பு பாடல் ஒலிபரப்பு
மதுரை பாரபத்தில் நடைபெறும் த.வெ.க. 2-வது மாநில மாநாட்டில் கட்சியின் 2-வது கொள்கை பாடல் ஒலிபரப்பட்டது. இந்தப் பாடலானது, தவெக தலைவர் விஜய்யின் குரலில் உருவாகியுள்ள நிலையில், ”உங்க விஜய் வரேன்!”, “பெரியாரின் பேரன் வரான்!”, “எளியவர்களின் குரல்” போன்ற வரிகள் இடம்பெற்றுள்ளன.



Aug 21, 2025 16:37 IST
த.வெ.க. மாநாட்டில் விஜய் குரலில் ஒலிக்கும் கொள்கை பாடல்
தமிழக வெற்றிக் கழகத்தின் 2-வது மாநில மாநாட்டில் விஜய்யின் குரலில் உருவான, அக்கட்சியின் கொள்கைப் பாடல் வெளியிடப்பட்டுள்ளது. இந்தப் பாடலானது, தவெக தலைவர் விஜய்யின் குரலில் உருவாகியுள்ள நிலையில், ”உங்க விஜய் வரேன்!”, “பெரியாரின் பேரன் வரான்!”, “எளியவர்களின் குரல்” போன்ற வரிகள் இடம்பெற்றுள்ளன.
 
 



Aug 21, 2025 16:35 IST
த.வெ.க. மாநாட்டுக்கு விஜய் வருகை: புறப்பட்ட தொண்டர்கள்
தமிழக வெற்றிக் கழகத்தின் 2-வது மாநில மாநாடு, மதுரை பாரப்பத்தியில் தொடங்கியது. விழா நடைபெறும் மேடைக்கு கட்சித் தலைவர் விஜய் வந்த நிலையில், அவரைப் பார்த்ததும், மாநாட்டுக்கு வந்திருந்த தொண்டர்கள் பலரும் கலைந்து செல்லத் தொடங்கினர். இதுவரை திடல் முழுமையாக நிரம்பியிருந்த நிலையில், விழா தொடங்கியதும் பல இடங்கள் காலியாகிவிட்டன.



Aug 21, 2025 16:25 IST
தமிழ்நாடே அதிர்ந்துவிட்டது: த.வெ.க. பொதுச்செயலாளர் பேச்சு
மதுரை தவெக மாநாடு மாபெரும் வெற்றி அடைந்துள்ளது. தென்தமிழ்நாட்டில் பெரிய கூட்டத்தை கூட்டி காட்டி உள்ளோம். தமிழ்நாடே அதிர்ந்துவிட்டது; மதுரையில் நடைபெறும் இந்த மாநாடு வலுவான எதிர்காலத்திற்கு அடித்தளம். தவெக தொண்டர்கள் இன்னும் வேகமாக செயல்பட வேண்டும் என நிகழ்ச்சியில் பேசிய த.வெ.க. பொதுச்செயலாளர் புஸ்ஸி ஆனந்த் கூறினார். 



Aug 21, 2025 16:13 IST
த.வெ.க.வின் கொள்கை தலைவர்களுக்கு விஜய் மரியாதை
மாநாட்டு மேடையில் வைக்கப்பட்டுள்ள தமிழக வெற்றிக் கழகத்தின் கொள்கைத் தலைவர்களின் புகைப்படத்துக்கு மலர் தூவி விஜய் மரியாதை செலுத்தினார். தொடர்ந்து மேடைக்கு அருகில் அமைக்கப்பட்டுள்ள கம்பத்தில் தவெக கட்சிக் கொடியை விஜய் ஏற்றினார்.
 



Aug 21, 2025 16:13 IST
பாரபத்தியை சுற்றியுள்ள 3 பள்ளிகளுக்கு அரை நாள் விடுமுறை
தமிழக வெற்றிக் கழகத்தின் இரண்டாவது மாநாடு மதுரை மாவட்டம் பாரபத்தியில் தொடங்கியிருக்கும் நிலையில், சுற்றுவட்டாரத்தில் உள்ள பள்ளிகளுக்கு அரைநாள் விடுமுறை அறிவிக்கப்பட்டுள்ளது. தவெக மாநாடு காரணமாக, சாலைகளில் கடும் போக்குவரத்து நேரிசல் ஏற்பட்டுள்ளது.
 



Aug 21, 2025 16:10 IST
த.வெ.க. மாநாட்டில் குவிந்த தொண்டர்கள்: விஜய் எமோஷனல்
மதுரை த.வெ.க. 2-வது மாநில மாநாட்டில், 2 லட்சத்திற்கும் அதிகமாக தொண்டர்கள் குவிந்துள்ள நிலையில், நிகழ்ச்சியின் மேடைக்கு வந்த விஜய், தொண்டர்களைப் பார்த்து எமோஷனல் ஆகினார். இதனை ரசிகர் ஒருவர் தனது எக்ஸ் பக்கத்தில் வீடியோவுடன் குறிப்பிட்டுள்ளார்.
Thalapathy Romba Emotional Aagitaru🥺❤#TVKMaduraiManaadu#TVKVettriMaanadu#JanaNayagan@TVKVijayHQpic.twitter.com/F0gw5FWcAx
— Mᴜʜɪʟツ𝕏 (@MuhilThalaiva) August 21, 2025



Aug 21, 2025 16:06 IST
40 அடி உயர கொடிகம்பத்தில் த.வெ.க. கொடியை ஏற்றிவைத்த விஜய்
மதுரை பாரபத்தில் நடைபெறும் த.வெ.க. 2-வது மாநில மாநாட்டில் 40 அடி உயர கொடிகம்பத்தில் கட்சியின் கொடியை ஏற்றிவைத்தார் அக்கட்சியின் தலைவர் விஜய். முன்னதாக, கொள்கை தலைவர்களுக்கு மலர்தூவி விஜய் மரியாதை செலுத்தினார்.
TVK Flag🔥🔥🔥🔥🔥🔥#TVKMaduraiManaadu#TVKVettriMaanadu#JanaNayagan@TVKVijayHQpic.twitter.com/83WV1lXY6i
— Mᴜʜɪʟツ𝕏 (@MuhilThalaiva) August 21, 2025



Aug 21, 2025 15:59 IST
மதுரை த.வெ.க. மாநாடு நிகழ்ச்சி நிரல் வெளியீடு
தவெக 2-வது மாநில மாநாடு தொடங்கியுள்ள நிலையில், மாநாட்டுக்கான நிகழ்ச்சி நிரல் வெளியிடப்பட்டுள்ளது. தற்போது மாநாடு தொடங்கி கலை நிகழ்ச்சிகள் நடைபெற்று வரும் நிலையில், மேடைக்கு வந்ததும், விஜய் தொண்டர்களுக்கு மத்தியில் ரேம்ப் வாக் செல்கிறார். அதன் பிறகு கட்சிக் கொடி ஏற்றப்பட உள்ளது. தொடர்ந்து கொள்கைப் பாடலும், கொடி பாடலும் வெளியிடப்பட்டு உறுதிமொழி ஏற்கப்படும். அதன் பின்னர் வரவேற்புரை வாசிக்கப்பட்டு தீர்மானங்கள் நிறைவேற்றப்படும் என்று தெரிவிக்கப்பட்டுள்ளது.



Aug 21, 2025 15:57 IST
மாநாட்டு மேடையில் விஜய் ரேம்ப்வாக் - தொண்டர்கள் மகிழ்ச்சி
தொண்டர்களைப் பார்த்தபடி விஜய் மேடையில் ரேம்ப் வாக் செல்கிறார். க்ரீஸ் கம்பிகளால் போடப்பட்டுள்ளதால் மேடைக்கு அருகே நெருங்க முடியாமல் ரசிகர்கள் தள்ளுமுள்ளு ஏற்பட்டது. தொண்டர்கள் வீசும் தமிழக வெற்றிக் கழக துண்டை எடுத்து அணிந்துகொண்டு ரேம்ப் வாக் செல்கிறார் விஜய். 500 மீட்டருக்கும் மேற்பட்ட ரேம்பில் தவெக தலைவர் விஜய் நடந்து, கொடிகளை கழுத்தில் போட்டுக்கொண்டார்.
 



Aug 21, 2025 15:51 IST
மாநாட்டு மேடைக்கு விஜய் வருகை - தொண்டர்கள் ஆரவாரம்
மதுரையில் தமிழக வெற்றிக் கழகத்தின் 2-வது மாநில மாநாட்டின் நிகழ்வுகள் தொடங்கியுள்ள நிலையில், மாநாட்டு மேடைக்கு விஜய் வருகை தந்துள்ளார். "வாகை சூடும் வரலாறு திரும்புகிறது, வெற்றிப் பேரணியில் தமிழ்நாடு" என்ற முழக்கத்துடன் மாநாடு நடைபெறுகிறது. முன்னதாக மாலை 4 மணிக்கு மாநாடு தொடங்க இருந்த நிலையில், கூட்டம் அதிகரித்து வருவதன் காரணமாக தற்போது முன்கூட்டியே மாநாடு தொடங்கியுள்ளது. 
 



Aug 21, 2025 15:37 IST
சற்று நேரத்தில் மேடைக்கு வருகிறார் த.வெ.க. தலைவர் விஜய்
த.வெ.க.வின் 2-வது மாநில மாநாடு மதுரை பாரபத்தியில் கலைநிகழ்ச்சிகளுடன் கோலகலமாகத் தொடங்கி உள்ள நிலையில், சற்று நேரத்தில் மேடைக்கு வருகிறார் அக்கட்சியின் தலைவர் விஜய். த.வெ.க. மாவட்டச் செயலாளர்கள் 118 பேர் மேடையின் இருபுறங்களிலும் அமர வைக்கப்பட்டுள்ளனர்.



Aug 21, 2025 15:30 IST
தொண்டர்களால் நிறைந்த மாநாடு - ட்ரோன் காட்சி
மதுரையில் உள்ள பாரபத்தியில் மாநாடு கலைநிகழ்ச்சிகளுடன் தொடங்கி உள்ள நிலையில், பிற்பகல் 2 மணி நிலவரப்படி 2 லட்சம் பேர் மாநாட்டு திடலுக்கு வந்துவிட்டதாக தகவல்கள் தெரிவிக்கின்றன. மேலும் ஆயிரக்கணக்கானோர் வந்து சேர்வர் என்று எதிர்பார்க்கப்படுகிறது.
THALAPATHY'S KGF
still many people's arriving #TVKVettriMaanadu#TVKMaduraiManaadupic.twitter.com/vsWxePRAD5
— Mr.Smile (@TVijay123456) August 21, 2025
Look at the mass gathering 😳😳🥵🥵🥶🥶🔥🔥 Madurai Sambavam !

Biggest Crowd For One Man Thalapathy @actorvijay 🗿🙏👑@TVKVijayHQ#TVKVettriMaanadu#JanaNayagan#TVKMaduraiManaadu#TVKVijay#ThalapathyVijay#தமிழகவெற்றிக்கழகம்pic.twitter.com/pPRmNGOvJ4
— ʀᴀᴊᴀ❗ (@itz_Esakkiraja) August 21, 2025



Aug 21, 2025 15:24 IST
374 பேர் மயக்கம்; 12 பேர் மருத்துவமனையில் அனுமதி
த.வெ.க. மாநாட்டில் வெயிலின் தாக்கத்தால் 374 பேர் மயங்கிய நிலையில்,  முதலுதவி அளித்தும் உடல்நிலையில் முன்னேற்றம் இல்லாததால் 12 பேர் மருத்துவமனையில் அனுமதிக்கப்பட்டுள்ளதாகத் தகவல் வெளியாகி உள்ளது.



Aug 21, 2025 15:22 IST
மதுரை த.வெ.க. மாநாட்டிற்கு 2 லட்சம் பேர் வருகை
மதுரையில் உள்ள பாரபத்தியில் மாநாடு கலைநிகழ்ச்சிகளுடன் தொடங்கி உள்ள நிலையில், பிற்பகல் 2 மணி நிலவரப்படி 2 லட்சம் பேர் மாநாட்டு திடலுக்கு வந்துவிட்டதாக தகவல்கள் தெரிவிக்கின்றன. மேலும் ஆயிரக்கணக்கானோர் வந்து சேர்வர் என்று எதிர்பார்க்கப்படுகிறது.



Aug 21, 2025 15:17 IST
த.வெ.க. 2-வது மாநில மாநாடு கோலாகலமாக தொடங்கியது
மதுரையில் தமிழக வெற்றிக் கழகத்தின் 2-வது மாநில மாநாட்டின் நிகழ்வுகள் தொடங்கியுள்ளன. "வாகை சூடும் வரலாறு திரும்புகிறது, வெற்றிப் பேரணியில் தமிழ்நாடு" என்ற முழக்கத்துடன் மாநாடு நடைபெறுகிறது. முன்னதாக மாலை 4 மணிக்கு மாநாடு தொடங்க இருந்த நிலையில், லட்சக்கணக்கான தொண்டர்கள் குவிந்ததால் மாநாடு முன்கூட்டியே தொடங்கியது. விஜய்யின் பெற்றோர் மாநாட்டு மேடைக்கு வருகை தந்துள்ளனர். 



Aug 21, 2025 15:16 IST
த.வெ.க. மாநாட்டில் ட்ரோன்கள் மூலம் தண்ணீர் தெளிப்பு
பாரபத்தியில் குவிந்த தொண்டர்கள் வெயிலின் தாக்கத்தால் பெரிதும் தவித்து வருகின்றனர். இந்நிலையில் ட்ரோன்கள் மூலம் தண்ணீர் தெளித்து வருகின்றனர். ஏற்கனவே மாநாட்டு திடலில் விரிக்கப்பட்டுள்ள தரை விரிப்பை கிளித்து தலையில் எடுத்து போர்த்தி கொண்டு நிற்கின்றனர். அருகிலுள்ள கடைகளில் ஜூஸ், ஐஸ்கிரீம் உள்ளிட்டவை வேகமாக விற்று தீர்ந்து வருகின்றன.



Aug 21, 2025 15:15 IST
''இன்னும் 20 நிமிடத்தில் மேடை ஏறுகிறார் தலைவர் விஜய்''
த.வெ.க. தலைவர் விஜய் வெகு விரைவில் மேடை ஏற இருப்பதாக ரசிகர்கள் சிலர் ட்வீட் வெளியிட்டு வருகின்றனர்.
இன்னும் 20 நிமிடத்தில் மேடை ஏறுகிறார் தலைவர் விஜய் !#TVKMaduraiManaadu
— Ƭʜᴀᴍɪᴢʜᴀɴda ★ᵀⱽᴷ (@Thamizhanda_off) August 21, 2025



Aug 21, 2025 15:10 IST
மதுரை த.வெ.க. மாநாட்டில் நடிகர் அஜித்தின் கட்-அவுட்
த.வெ.க. மதுரை மாநாட்டில், அஜித்தும் விஜய்யும் ஒன்றாக இருப்பது போன்ற பதாகை ஏந்திக்கொண்டு தொண்டர்கள் வர ஆரம்பித்து இருக்கின்றனர்.
Credit: Sun News
#Justnow | தவெக மாநாட்டில் நடிகர் அஜித்தின் கட்-அவுட்!#SunNews | #TVKMaduraiManaadu | #TVKVijay | #AjithKumarpic.twitter.com/KkP9hHWtAG
— Sun News (@sunnewstamil) August 21, 2025



Aug 21, 2025 15:02 IST
3 மணியளவில் த.வெ.க. மாநாடு தொடங்கும் - ஆனந்த்
மதுரையில் தவெகவின் 2-வது மாநில மாநாடு 3 மணியளவில் தொடங்கும் என்று அக்கட்சியின் பொதுச்செயலாளர் ஆனந்த் தெரிவித்துள்ளார். தவெக மாநாட்டுத் திடலில் தொண்டர்கள் குவிந்துள்ள நிலையில் மேடையில் பொதுச்செயலாளர் ஆனந்த் அறிவித்துள்ளார். அதன்படி இன்னும் 30 நிமிடங்களில் தவெக மாநாடு தொடங்க உள்ளது. முன்னதாக மாநாட்டை 4 மணிக்கு தொடங்கி 7 மணி வரை நடத்த திட்டமிட்டிருந்தனர். ஆனால் தொண்டர்கள் வருகை அதிகரித்துள்ளதால், தற்போது மாநாடு முன்கூட்டியே தொடங்க உள்ளது.



Aug 21, 2025 14:39 IST
விஜய் மாநாட்டால் எங்கள் கிராமத்துக்கே பெருமை - பாரபத்தி கிராமத்து மக்கள்
"எங்கள் கிராமம் உள்ள திருப்பரங்குன்றம் தொகுதியில் விஜய் போட்டியிட வேண்டும்; எங்கள் கிராமத்தில் விஜய் நடத்தும் மாநாட்டால் எங்கள் கிராமத்துக்கே பெருமை; மதுரை மாவட்டத்தின் கடைசி கிராமமான பாரபத்தி கிராமம் Famous ஆகிவிட்டது” என்று பாரபத்தி கிராமத்து மக்கள் கூறியுள்ளனர். 



Aug 21, 2025 14:27 IST
தவெக தொண்டர்கள் 10 பேர் மருத்துவமனையில் அனுமதி
மதுரை தவெக மாநாட்டில் வெயிலால் பாதிக்கப்பட்ட தொண்டர்கள் 10 பேர் மருத்துவமனைகளில் அனுமதி 9 பேர் வளையங்குளம் ஆரம்ப சுகாதார நிலையத்திலும், ஒருவர் மதுரை அரசு மருத்துவமனையிலும் அனுமதிக்கப்பட்டுள்ளனர். 



Aug 21, 2025 14:18 IST
விஜய் இன்னும் அரசியல் வெற்றியை நிரூபித்து காட்டவில்லை - தமிழிசை
“விஜயின் மாநாட்டை விட அமித்ஷாவின் வருகை தமிழகத்தில் தாக்கத்தை ஏற்படுத்தும்; அமித்ஷா வெற்றியை நிரூபித்து காண்பித்தவர்; விஜய் இன்னும் அரசியல் வெற்றியை நிரூபித்து காட்டவில்லை” என்று பாஜக மூத்த தலைவர் தமிழிசை சௌந்தரராஜன் கூறியுள்ளார்.