நடிகை வடிவுக்கரசியின் ஃபேவரைட் சாதம்... இந்த மாதிரி ஒருமுறை செய்து குடுங்க!

குறைந்த நேரத்தில் செய்யக்கூடிய அதே சமயம் சுவையான ஒரு தென்னிந்திய உணவு என்றால் அது எலுமிச்சை சாதம் தான். அதுவும் நடிகை வடிவுக்கரசிக்கு பிடித்த மாதிரி எலுமிச்சை சாதம் எப்படி செய்வது என்று பார்ப்போம்.வீரவ்வீடு யூடியூப் பக்கத்தில் நடிகை வடிவுக்கரசிக்கு பிடித்த மாதிரி லெமன் ரைஸ் செய்துள்ளதை பற்றி பார்ப்போம்.

தேவையான பொருட்கள்

சாதம் - 2 கப் (வெந்தது)
எண்ணெய் - 2 டேபிள் ஸ்பூன்
முந்திரி - 10-12
வேர்க்கடலை - 1 டேபிள் ஸ்பூன்
கடுகு - 1/2 டீஸ்பூன்
உளுத்தம் பருப்பு - 1/2 டீஸ்பூன்
கடலை பருப்பு - 1/2 டீஸ்பூன்
கறிவேப்பிலை - சிறிதளவு
காய்ந்த மிளகாய் - 2 (கிள்ளியது)
எலுமிச்சை சாறு - 2 டேபிள் ஸ்பூன்
மஞ்சள் தூள் - 1/4 டீஸ்பூன்
உப்பு  

செய்முறை

ஒரு கடாயில் தேவையான அளவு எண்ணெய் ஊற்றி சூடாக்கவும். எண்ணெய் சூடானதும், முந்திரி பருப்புகளைச் சேர்த்து லேசாக வறுக்கவும். முந்திரி வறுபட்டதும், வேர்க்கடலை, கடுகு மற்றும் உளுத்தம் பருப்பு ஆகியவற்றைச் சேர்க்கவும். இவை பொரியும் வரை வதக்கவும்.

அடுத்து, கடலை பருப்பைச் சேர்த்து லேசாக வறுக்கவும். இப்போது, கறிவேப்பிலை மற்றும் காய்ந்த சிவப்பு மிளகாய் சேர்த்து கிளறவும். இந்த மசாலா பொருட்கள் அனைத்தும் சேர்ந்து நல்ல மணம் வந்ததும், எலுமிச்சை சாற்றை ஊற்றவும். கூடவே, சிறிதளவு மஞ்சள் தூள் மற்றும் தேவையான அளவு உப்பு சேர்க்கவும்.

ஊற்றிய எலுமிச்சை சாறு மற்றும் மசாலா கலவையை நன்றாகக் கலக்கவும். இறுதியாக, வெந்த சாதத்தை கடாயில் சேர்த்து, மசாலா கலவையோடு நன்கு கலக்கும் வரை கிளறவும். சாதம் முழுவதுமாக மசாலாவோடு கலந்தவுடன் அடுப்பை அணைத்துவிடலாம்.

சுவையான எலுமிச்சை சாதம் இப்போது பரிமாறுவதற்குத் தயார். இது மதிய உணவுக்கோ அல்லது காலை உணவுக்கோ ஏற்ற ஒரு எளிய மற்றும் ருசியான உணவு. ஊறுகாய் அல்லது அப்பளத்துடன் பரிமாறினால் இதன் சுவை மேலும் அதிகரிக்கும்.