துரை வைகோவுக்கு மத்திய அமைச்சர் பதவிக்காக எந்த பேச்சுவார்த்தையும் நடக்​கவில்லை: வைகோ

துரை வைகோவுக்கு மத்​திய இணை அமைச்​சர் பதவி தரு​வது தொடர்​பாக எந்த பேச்​சு​வார்த்​தை​யும் நடக்​க​வில்லை என்று மதி​முக பொதுச் செய​லா​ளர் வைகோ தெரி​வித்​தார். ஈரோட்​டில் செய்​தி​யாளர்​களிடம் அவர் நேற்று கூறிய​தாவது: கடவுளின் பெய​ரால் ஒரு கட்சி மாநாடு நடத்​து​வது தவறானது.

தமிழகத்​தில் அரசி​யல் கட்​சிகள், கடவுள் பெய​ரால் மாநாடு நடத்​தி​யது இல்​லை. முரு​கன் மாநாட்​டுக்​குப் பின்​னால், பாஜக, ஆர்​எஸ்​எஸ், இந்​துத்​துவா சக்​தி​கள் உள்​ளன. இந்த மாநாடு மூலம் இந்து வாக்கு வங்​கியை உரு​வாக்க முடி​யாது.

மதி​முக​வுக்கு 8 எம்​எல்​ஏக்​கள் கிடைத்​தால் தேர்​தல் ஆணைய அங்​கீ​காரம் கிடைக்​கும். எனவே, திமுக​விடம் அதற்​கேற்ப கூடு​தல் தொகு​தி​களை கேட்​டுப் பெறு​வோம். தமிழகத்​தில் கள் விற்​பனை கடைகள் கூடாது. தமிழகத்​தில் கூட்​டணி ஆட்சி வேண்​டும் என்று நாங்​கள் கேட்​க​வில்​லை. திமுக எடுக்​கும் முடிவை ஆதரிப்​போம்.

திமுக கூட்​டணி தொடர்​பாக நயி​னார் நாகேந்​திரன் பொறுப்​பற்ற முறை​யில் பேசிக்​கொண்டு இருக்​கிறார். துரை வைகோவுக்கு மத்​திய இணை அமைச்​சர் பதவி தரு​வ​தாக எந்த பேச்​சு​வார்த்​தை​யும் நடக்​க​வில்​லை. அப்​படி இருந்​தால் வெளிப்​படை​யாக சொல்லி விடு​வோம்.பெரும்​பாலான வாக்​குறு​தி​களை நிறைவேற்​றிய​தால், மக்​கள் மத்​தி​யில் திமுக​வுக்கு முன்​பை​விட ஆதரவு அதி​கரித்​துள்​ளது.

வலு​வாக உள்ள திமுக கூட்​டணி சுலப​மாக வெற்றி பெறும். திமுக, மதி​முக ஆகியவை திரா​விட இயக்​கங்​கள். அவர்​களோடு விசிக, கம்​யூனிஸ்ட்​களை ஒப்​பிட முடி​யாது. கம்​யூனிஸ்​டு​கள் தினம் ஒரு கருத்து சொல்​லலாம். பிறகு அதை மாற்​றிச் சொல்​லலாம். 

தமிழகத்​தில் முழு​மை​யான மது​விலக்கு கொண்டு வரவேண்​டும். 2017 முதல் திமுக கூட்​ட​ணி​யில் இருக்​கிறோம். கொள்கை அடிப்​படை​யில் நாங்​கள் சரி​யாக இருக்​கிறோம். 2026 தேர்​தலில் மீண்​டும் மக்​கள் நலக் கூட்​டணி அமைய வாய்ப்பு கிடை​யாது என செய்தியாளர்களிடம் வைகோ தெரிவித்தார்.

க.சண்முகவடிவேல்