வி.சி.க-வின் மது ஒழிப்பு மகளிர் மாநாடு - புகைப்படங்கள்!

விடுதலை சிறுத்தைகள் கட்சி சார்பில் மது மற்றும் போதை பொருள் ஒழிப்பு மாநாடு கள்ளக்குறிச்சி மாவட்டம் உளுந்தூர்பேட்டையில் இன்று (புதன்கிழமை) மாலை 3 மணியளவில் நடைபெறுகிறது. மாநாட்டிற்கு வி.சி.க தலைவர் தொல். திருமாவளவன் எம்.பி தலைமை தாங்குகிறார். | படங்கள்: பாபு ராஜேந்திரன் - கள்ளக்குறிச்சி மாவட்டம்

தி.மு.க. அமைப்பு செயலாளர் ஆர்.எஸ்.பாரதி, தி.மு.க. செய்தி தொடர்பாளர் டி.கே.எஸ்.இளங்கோவன், அய்யா வைகுண்டர் இயக்கத்தின் தலைவர் பால.பிரஜாபதி அடிகளார், பொதுச்செயலாளர்கள் சிந்தனை செல்வன் எம்.எல்.ஏ., துரை.ரவிக்குமார் எம்.பி. ஆகியோர் சிறப்புரை ஆற்றுகின்றனர். | படங்கள்: பாபு ராஜேந்திரன் - கள்ளக்குறிச்சி மாவட்டம்

மார்க்சிஸ்ட் கம்யூனிஸ்டு கட்சியின் அனைத்திந்திய ஜனநாயக மாதர் சங்க துணைத்தலைவர் வாசுகி, இந்திய கம்யூனிஸ்டு கட்சியின் பொதுச்செயலாளர் ஆனிராஜா, காங்கிரஸ் நாடாளுமன்ற உறுப்பினர் சுதா உள்ளிட்ட தோழமை கட்சியினர் கருத்துரை ஆற்றுகின்றனர். படங்கள்: | பாபு ராஜேந்திரன் - கள்ளக்குறிச்சி மாவட்டம்

மாநாட்டில் விடுதலை சிறுத்தைகள் கட்சியின் மகளிர் விடுதலை இயக்கத்தின் தலைமையிடத்து பொறுப்பாளர்கள், மாநில பொறுப்பாளர்கள், மாவட்ட செயலாளர்கள் மற்றும் கூட்டணி கட்சிகளின் மகளிரணி நிர்வாகிகள், தொண்டர்கள் என பல்லாயிரக்கணக்கானோர் கலந்து கொள்ள உள்ளனர். | படங்கள்: பாபு ராஜேந்திரன் - கள்ளக்குறிச்சி மாவட்டம்.

இந்த மாநாட்டில் விடுதலை சிறுத்தைகள் கட்சியின் நிர்வாகிகள் தொண்டர்கள் மற்றும் கூட்டணி கட்சி நிர்வாகிகள் உள்ளிட்ட பலரும் கலந்து கொள்ள உள்ளனர். | படங்கள்: பாபு ராஜேந்திரன் - கள்ளக்குறிச்சி மாவட்டம்.

பெண்களே நடத்தும் இந்த மாநாட்டின் மூலம் தமிழ்நாடு உட்பட தேசிய அளவில் முழு மதுவிலக்கை நடைமுறைப்படுத்த வேண்டும். மது மற்றும் போதை பொருட்களை முற்றாக ஒழிக்க சட்டம் இயற்ற வேண்டும் உள்ளிட்ட நோக்கம் குறித்து எடுத்துரைக்கப்படுகிறது.

மாநாட்டில் 2 லட்சத்துக்கும் மேற்பட்ட பெண்கள் சீருடையுடன் பங்கேற்க உள்ளனர். மாநாட்டில் தமிழகம் முழுவதும் இருந்தும் விசிகவினர், பொதுமக்கள், பெண்கள் என பெரும் திரளாக பங்கேற்கின்றனர் இதனையொட்டி பலத்த போலீஸ் பாதுகாப்பு போடப்பட்டுள்ளது.