விஜயகாந்த் சகோதரி மரணம்: மதுரையில் நல்லடக்கம்

தே.மு.தி.க தலைவர் விஜயகாந்தின் சகோதரியான டாக்டர் விஜயலட்சுமி (78) இன்று காலமானார். விஜயகாந்துக்கு சகோதரியாகிய விஜயலட்சுமி, சென்னை அண்ணாநகரில் வசித்து வந்தார். அவர் பெண்கள் மற்றும் குழந்தைகள் நல மருத்துவ நிபுணராக (Gynecologist & Pediatric Care Specialist) பல ஆண்டுகள் பணியாற்றி, ஏராளமான நோயாளிகளுக்கு சேவை செய்து வந்தார். மருத்துவத் துறையில் அவரது பணி பெருமைக்குரியதாக இருந்தது.

இந்நிலையில், வயது மூப்பினால் ஏற்பட்ட உடல்நலக் குறைவினால் இன்று விஜயலட்சுமி உயிரிழந்தார். இவரது மறைவு தே.மு.தி.க மற்றும் குடும்பத்தினரிடம் துயரத்தை ஏற்படுத்தியுள்ளது. விஜயலட்சுமியின் இறுதிச் சடங்கு நாளை (10.9.2025) மதியம் 1.30 மணி முதல் 3.00 மணி வரை, சென்னை அண்ணாநகரில் உள்ள அவரது இல்லத்தில் நடைபெறவுள்ளதாக தே.மு.தி.க சார்பில் அறிவிக்கப்பட்டுள்ளது. அவரது மறைவுக்கு அரசியல், சமூக வட்டாரத்தினர் இரங்கலைத் தெரிவித்து வருகின்றனர்.