விழுப்புரம் எம்.பி ரவிக்குமார் திமுக உறுப்பினர்; விசிகவைச் சேர்ந்தவர் அல்ல; ஐகோர்ட்டில் பதில்

விழுப்புரம் தொகுதி எம்.பி து. ரவிக்குமார், சென்னை உயர்நீதிமன்றத்தில், அவர் திமுகவைச் சேர்ந்தவர் என்றும், பொது நல வழக்குரைஞர் கூறியபடி விசிகவைச் சேர்ந்தவர் இல்லை என்றும் கூறியுள்ளார்.

ravikumar mp tells in high court, ravikumar says he belongs to dmk not vck, vck, ரவிக்குமார் எம்பி, திமுக, விசிக, சென்னை உயர் நீதிமன்றம், ரவிக்குமார் எம்பி திமுக உறுப்பினர், dmk, election case, ravikumar mp, madras high court

2019ம் ஆண்டு நடைபெற்ற மக்களவைத் தேர்தலில் திமுகவின் உதயசூரியன் சின்னத்தில் போட்டியிட்டு வெற்றி பெற்ற ஈரோடு தொகுதி எம்.பி ஏ.கணேசமூர்த்தி தான் மதிமுக உறுப்பினர் இல்லை என்று மறுத்ததையடுத்து, விழுப்புரம் தொகுதி எம்.பி து. ரவிக்குமார் இப்போது சென்னை உயர்நீதிமன்றத்தில், அவர் திமுகவைச் சேர்ந்தவர் என்றும், பொது நல வழக்குரைஞர் கூறியபடி விடுதலை சிறுத்தைகள் கட்சியைச் சேர்ந்தவர் (விசிக) இல்லை என்றும் கூறியுள்ளார்.

ரவிக்குமார் பதில் பிரமாணப்பத்திரத்தில் கூறுகையில், “மனுதாரர் … திமுகவின் வேட்பாளர் விசிகவின் வேட்பாளர் தவறாக தேர்ந்தெடுக்கப்பட்டார் என்ற தவறான அனுமானத்தின்படி குற்றம் சாட்டியுள்ளர். இது உண்மையில் தவறானது. நான் திமுக கட்சியின் உறுப்பினர். மார்ச் 25, 2019ல் நான் வேட்புமனு தாக்கல் செய்யும் தேதியில் திமுக கட்சியின் பட்டியலில் என் பெயர் பதிவாகியுள்ளது.

பொதுநல மனுதாரர் எம்.எல். தேசிய மக்கள் சக்தி கட்சியைச் சேர்ந்த ரவி, வேட்பு மனு தொடர்பாக ஏதேனும் குறைகள் இருந்தால் தேர்தல் வழக்கு மட்டுமே தாக்கல் செய்திருக்க வேண்டும். 2019 பொதுத் தேர்தலில் சட்டத்தை தவறாகப் பயன்படுத்துதல், சட்டவிரோதம், மோசடி மற்றும் மோசடி நடந்ததாகக் கருதி ஒரு பொதுநல மனுவை தாக்கல் செய்திருக்க கூடாது.” என்று குறிப்பிட்டுள்ளார்.

இந்த பொது நல மனு 2019ல் தாக்கல் செய்யப்பட்டது. திமுக மற்றும் அதிமுக ஆகிய இரண்டு முக்கிய கட்சிகளுக்கும் ஒதுக்கப்பட்ட தேர்தல் சின்னங்களில் பல்வேறு அரசியல் கட்சிகளைச் சேர்ந்த 5 உறுப்பினர்கள் போட்டியிட்டதால், 5 நாடாளுமன்றத் தொகுதிகளின் வாக்குப்பதிவு முடிவுகள் சட்டவிரோதமானவையாக அறிவிக்கப்பட வேண்டும் என்று மனுதாரர் கோரினார்.

இந்த வழக்கில் ​​தேர்தல் ஆணையத்துக்கும் திமுக மற்றும் அதிமுகவுக்கும் பதிலளிக்க நீதிமன்றம் நோட்டீஸ் அனுப்ப உத்தரவிட்டது.

பெரம்பலூர் எம்.பி. டி.ஆர்.பாரிவேந்தருக்கும் நாமக்கல் எம்.பி ஏ.கே.பி. சின்னராஜ், கணேசமூர்த்தி, ரவிக்குமார் (நான்கு பேரும் திமுக சின்னத்தில் போட்டியிட்டனர்) மற்றும் தேர்தலில் தென்காசி தனி தொகுதியில் அதிமுக சின்னத்தில் போட்டியிட்டு தோல்வியடைந்த புதிய தமிழகம் கட்சி தலைவர் கே.கிருஷ்ணசாமி ஆகியோருக்கு நோட்டீஸ் அனுப்ப நீதிமன்றம் உத்தரவிட்டது.

கணேசமூர்த்தி நவம்பர் 2019ல் முதன்முதலில் எதிர் பிரமாணப் பத்திரத்தை தாக்கல் செய்தார். அவர் அதிமுக உறுப்பினர் பதவியிலிருந்து தன்னை விடுவித்துக் கொண்டதாகவும், நாடாளுமன்றத் தேர்தலில் போட்டியிடுவதற்கு முன்பு திமுக உறுப்பினர் ஆனதாகவும் கூறினார். எனவே, அவர் வேறொரு அரசியல் கட்சியைச் சேர்ந்த சின்னத்தின் கீழ் தேர்தலில் போட்டியிட்டதாக குற்றம் சாட்ட முடியாது என்று அவர் தெரிவித்தார்.

தற்போது விழுப்புரம் தொகுதி எம்.பி ரவிக்குமாரும் தனது எதிர் பிரமாணப் பத்திரத்தில், கணேசமூர்த்தியின் அதே நிலைப்பாட்டை எடுத்துள்ளார். நான்கு எம்பிக்கள் மற்றும் தோல்வியடைந்த வேட்பாளர் குற்றம் செய்தவர்கள் என்று வழக்குரைஞர் கருதினால், இதுபோன்ற ஒரு விஷயத்தை முழுமையாக விசாரணை நடத்திய பின்னரே முடிவு செய்ய முடியும் என்று வாதிட்டார். சாட்சிகளின் விசாரணை மற்றும் குறுக்கு விசாரணை மீதான விசாரணை ஆகியவை பொதுநல வழக்கு வரம்பின் கீழ் செய்ய முடியாது என்று வாதிடப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Tamilnadu news here. You can also read all the Tamilnadu news by following us on Twitter, Facebook and Telegram.

Web Title: Villupuram mp ravikumar tells madras high court he belongs to member of dmk not vck

Next Story
குடியுரிமை திருத்த சட்டத்திற்கு எதிராக தீர்மானம், சாதி வாரி கணக்கெடுப்பு; சட்டப்பேரவை ஹைலைட்ஸ்
The moderation of comments is automated and not cleared manually by tamil.indianexpress.com