வாகன ஓட்டிகள் இளைப்பாற பசுமை நிழல் பந்தல்: விழுப்புரம் போக்குவரத்து போலீஸ், நகராட்சி நிர்வாகத்து மக்கள் பாராட்டு

விழுப்புரத்தில் கடுமையான கோடை வெயில் வாட்டி வதைத்து வருகிறது. காலை 9:00 மணிக்கே துவங்கும் வெயில் படிப்படியாக அதிகரித்து பகல் முழுவதும் சுட்டெரிக்கிறது. இந்த வெயில் தாக்கம் மாலை 5:00 மணி வரை தொடர்வதால், பகல் நேரங்களில் பொதுமக்களும், வாகன ஓட்டிகளும் கடும் வெயிலில் சிக்கி அவதிப்படுகின்றனர். கடும் வெயில் காரணமாக சாலையில் இருந்து எதிரொலிக்கும் அனல் காற்றால் கடும் அவதிக்கு ஆளாகின்றனர். விழுப்புரம் நான்கு முனை சிக்னலில் காலை 10.00 மணி முதல் மாலை 5.00 மணி வரை நீண்ட நேரம் கடும் வெயிலில் நின்று வாகன ஓட்டிகள் அவதிப்பட்டு வருகின்றனர்.

விழுப்புரம் போக்குவரத்து காவல்துறை, விழுப்புரம் நகராட்சி இணைந்து விழுப்புரம் சிக்னலில் கோடை வெயிலை தாக்கத்தை குறைக்கும் வகையில், விழுப்புரம் நான்குமுனை சந்திப்பில் போக்குவரத்து சிக்னலில் நிற்கும் வாகன ஓட்டிகள் சற்று இளைப்பாறும் வகையில் நிழல் தரும் பசுமை நிழல் பந்தலை அமைத்துள்ளனர். இதனை விழுப்புரம் நகர மன்றத் தலைவர் தமிழ்ச்செல்வி பிரபு பொதுமக்கள் மக்கள் பயன்பாட்டிற்கு அர்ப்பணித்தார். இதனை அடுத்து பொது மக்களுக்கு நீர்மோர், தர்பூசணி, பழங்களை அவர் வழங்கினார்