Weather News: 3 நாட்களுக்கு மிக கனமழை - கடலோர மாவட்டங்களில் கனமழைக்கு வாய்ப்பு

குமரிக் கடல் பகுதியில் நிலவும் வளி மண்டல மேலடுக்கு சுழற்சி காரணமாக தமிழக கடலோர மாவட்டங்கள் மற்றும் அதையொட்டிய மாவட்டங்களில் டிசம்பர் 1 அன்று மிக கன மழைக்கான வாய்ப்பு இருக்கிறது. மேற்கு மாவட்டங்கள் வரை மழைக்கு வாய்ப்பு இருப்பதாக சென்னை வானிலை ஆய்வு மையம் கூறியிருக்கிறது.

கடலூரில் இன்று பலத்த மழை காரணமாக மக்களின் அன்றாட வாழ்க்கை பாதிக்கப்பட்டது.

மழை தரும் கருமேக கூடங்கள் தற்போது கடலூர்-பாண்டிச்சேரி கடலோர பகுதிகளில் மையம் கொண்டிருப்பதாகவும், மேலும் அது கொஞ்சம் கொஞ்சமாக  இன்று மாலை வேலையில் சென்னையை நோக்கி நகர்ந்து கனமழையைத் தரும் என்று தனது ட்விட்டரில் ட்வீட் செய்துள்ளார்.

River Tamiraparani (East Flowing) is rising rapidly at #Kallidaikurichi #Tirunelveli Dt #Tamilnadu due to very heavy rain in its catchment and is within 1m to its HFL. Hydrograph is appended. @tnsdma @ndmaindia @NDRFHQ @PTTVOnlineNews @dailythanthi @News18TamilNadu @sunnewstamil pic.twitter.com/HnbaXepWZj— Central Water Commission Official Flood Forecast (@CWCOfficial_FF) November 30, 2019

இதுவரை கடலோர மாவட்டங்களில் மட்டும் பெய்து வந்த கனமழை, தற்போது அரபிக்கடலில் ஏற்பட்டுள்ள புதிய காற்றழுத்த தாழ்வுநிலையால்  இனி தமிழக உள்மாவட்டங்களான  நீலகிரி, குன்னூர், கொடைக்கானல்  போன்ற இடங்களிலும் கனமழை பெய்யக் கூடும் என்று கூறப்படுகிறது.  

இந்நிலையில், தொடர்ச்சியான மழையால் தாமிரபரணி  ஆற்றின் நீர்படிக்கை அளவு  நன்கு உயர்ந்துள்ளது. 

சென்னையில் 1,62,284 கட்டடங்களில் மழைநீர் சேகரிப்பு நல்ல முறையில் அமல்படுத்தப்பட்டதால் , சென்னை மாநகராட்சிக்கு உட்பட்ட பகுதிகளில் நிலத்தடி நீர் மட்டம் 4 அடி உயர்ந்துள்ளதாக சென்னை மாநகராட்சி தெரிவித்து இருந்தது

இந்த வடகிழக்கு பருவமழை காலம் ஏன் தமிழகத்திற்கு முக்கியம்:  தமிழகத்தின் வருடாந்திர மழைப்பொழிவான 914.4 மி.மீட்டர் மழையில், வடகிழக்கு பருவமழையின்போது மட்டுமே 438 மி,மீ. மழையை தமிழகம் பெற்று விடுகிறது. இந்த காலகட்டத்தின் சில மாவட்டங்களில் 60 சதவீதம் வரை அளவிற்கு கூட மழைப்பொழிவு காணப்படுகிறது

அக்டோபர் 16 இந்திய பருவக் காலம் வரலாற்றில் ஏன் முக்கியம் : தென்மேற்கு பருவழை முடிந்தநாளும், வடகிழக்கு பருவமழை ஆரம்பித்தத நிகழ்வும் அக்டோபர் 16ம் தேதி என்பது குறிப்பிடத்தக்கது.   
 

இந்திய நாட்டில் இரண்டு வகையான பருவமழை காலம் உண்டு. ஒன்று தென்மேற்கு பருவமழை காலம், மற்றொன்று வடகிழக்கு பருவமழை காலம். ஜூன் மாதம் முதல் செப்டம்பர் மாதம் வரையிலான  தென்மேற்கு பருவமழை காலகட்டத்தில், இந்திய நாட்டின் பல்வேறு மாநிலங்களில் நல்ல மழைப்பொழிவு காணப்பட்டது .  தமிழகத்தை பொறுத்தவரை, வடகிழக்கு பருவமழையின்போதே ( அக்டோபர்,நவம்பர்,டிசம்பர் ) இங்கு அதிகமான மழைப்பொழிவு காணப்படுகிறது .

இந்த வடகிழக்கு பருவமழையில் கிடைத்த விளைச்சலை கொண்டாடும் வகையில் தமிழகத்தில் பொங்கல் தினம் கொண்டாடப்படுகிறது.    

டெல்லி காற்றில் உள்ள மாசின் அளவு தற்போது மக்கள் சுவாசிக்கும் அளவில்  முன்னேறியுள்ளது. டெல்லி  விமான நிலையம் அருகே Air Quality Index- ன் அளவு 114 ( Moderate), இந்தியா கேட் அருகே 125 கவும் உள்ளது.   

தொடர்ந்து பெய்யும் கனமழை காரணத்தால் குற்றாலம் அருவிகளில் வெள்ளப்பெருக்கு ஏற்பட்டுள்ளது . இதனையடுத்து அனைத்து அருவிகளிலும் சுற்றுலா பயணிகள் குளிக்க தமிழக அரசு தடை விதித்துள்ளது.  

இடைவிடாமல் பெய்யும் கனமழையின் காரணமாக  புதுக்கோட்டை மாவட்டத்தில் மக்கள் வாழும் குடியிருப்பு பகுதிக்குள் மழைநீர் புகுந்துள்ளது. இதனையடுத்து போதிய முன்னேர்பாடுகள்  செய்யவில்லை என்று கூறி பொதுமக்கள் தங்கள்  கால்நடைகளுடன்  சாலை மறியல் போராட்டத்தில் ஈடுபட்டு வருகின்றனர்.   

இந்திய மத்திய பெருங்கடலில் அடுத்த 48 மணி நேரத்தில் புதிதாய் காற்றழுத்த தாழ்வு நிலை உருவாக இருப்பதாகவும், இதனால் தற்போது பெய்துவரும் கனமழையின் தாக்கம் அதிகரிக்க கூடும் என்று சென்னை வானிலை மையம் தற்போது தெரிவித்துள்ளது. மேலும், அடுத்த இரண்டு நாட்களுக்கு சூறாவளியுடன் கூடிய காற்று வீச இருப்பதால் மீனவர்கள் கடலுக்கு செல்ல வேண்டாம் என்று அறிவுறுத்தப்படுகிறார்கள்    

இன்று  நடக்கவிருந்த பெண் காவலர்களுக்கான உடல் திறன் தகுதித்தேர்வை தள்ளிவைப்பதாக விழுப்புரம் எஸ்.பி ஜெயக்குமார் தெரிவித்துள்ளார்.  மேலும்,  இந்த  தகுதித்தேர்வு வரும் டிசம்பர்  3 ஒத்து வைக்கப்பட்டுள்ளதாகவும்  அறிவிக்கப்பட்டுள்ளது.   

சென்னையில் கடந்த இரண்டு நாட்கள் பெய்த மழையின்  காரணமாக  செம்பாக்கம் ஏரி, புழல் ஏரியில் வேகமாக நிரம்பி வருகிறது. மேலும், இரண்டு நாட்கள் தொடர்மழை பெய்தால் சென்னையில் இருக்கும் மற்ற எரிகள் தனது முழுக்கொள்ளளவை  எட்டுவதற்கான வாய்ப்பு இருப்பதாகவும் கருதப்படுகிறது . இதனால், உபரிநீர் வெளியேற்றப் படும் சூழ்நிலையும் உருவாகலாம் என்று கூறப்படுகிறது       

ராமநாதபுரம்  கடலோர பகுதிகளில் பலத்த காற்று வீசிவருவதால் வரும் நவம்பர் 2ம் தேதி  வரையில் மீனவர்கள் கடலுக்கு செல்ல தடை விதித்து தமிழக அரசு உத்தரவிட்டுள்ளது.  தமிழகம் மற்றும் புதுவை  கடலோர  மாவட்டங்களுக்கு ஆரஞ்ச் அலெர்ட் விடுக்கப்பட்டுள்ளது என்பது குறிப்பிடத்தக்கது.       

கனமழை காரணமாக தஞ்சை மாவட்ட  பள்ளிகளுக்கு விடுமுறை அளித்து அம்மாவட்ட நிர்வாக ஆட்சியர் உத்தரவிட்டுள்ளார். 

தமிழ்நாடு வெதர்மென் தனது ட்விட்டரில்,  சென்னை முதல் கன்னியாகுமரி வரை நல்ல மழைதரும் கார்மேகங்கள் உருவாகியுள்ளது. இந்த கார்மேகங்கள் மிகவும் வலுவாக தன்னை நிலைநிருத்திக் கொள்வதாலும், மேலும் கார்மேகங்கள் தமிகத்தை நோக்கி வருகை தருவதாலும் , அடுத்த இரண்டு நாட்களுக்கு கனமழை நிலைக்ககூடும் என்று பதிவிட்டுள்ளார்.  

                                                                                                                                       தமிழ்நாடு வெதர்மென் படங்கள் 

நேற்று இரவு முதல் இன்று காலை வரை பெய்த மலையின் காரணமாக  சென்னை, செங்கல்பட்டு, காஞ்சிபுரம்,  சிவகங்கை, காரைக்கால் புதுகோட்டை ,நாகை போன்ற மாவட்டங்களில் இன்று பள்ளிகளுக்கு மட்டும் விடுமுறை அளித்து அந்தந்த மாவட்ட ஆட்சியாளர்கள் உத்தரவிட்டுள்ளனர்.