பயங்கரவாத அமைப்புடன் தொடர்பு: மேற்கு வங்க தீவிரவாதி சென்னையில் கைது

உபா சட்டத்தில் தேடப்பட்டு வந்த அனோவர் என்ற பயங்கரவாதி சென்னை கோயம்பேட்டில் கைது செய்யப்பட்டுள்ளார். மேற்கு வங்கத்தை சேர்ந்த அனோவர் அன்சார், அல்கொய்தா தீவிரவாத அமைப்புக்கு ஆதரவான 'அல் இஸ்லாம்' என்ற பயங்கரவாத அமைப்பில் தொடர்புடையவர் என தகவல் வெளியாகியுள்ளது. சென்னையில் கட்டுமான பணியில் ஈடுபட்டு வந்த அனோவரை மேற்கு வங்க காவல்துறையினர் கைது செய்துள்ளனர். 

ஏற்கனவே கைது செய்யப்பட்ட ஹபிபுல்லா என்ற பயங்கரவாதி கொடுத்த தகவலின் பேரில் அனோவர் கைது செய்யப்பட்டுள்ளார். அரசுக்கு எதிராக சட்ட விரோத செயலில் ஈடுபடுதல் உள்ளிட்ட பிரிவுகளில் அனோவர் மீது வழக்குகள் உள்ளன. கைது செய்யப்பட்ட அனோவரை கொல்கத்தாவிற்கு அழைத்து செல்வதற்கான நடைமுறைகளில் மேற்கு வங்க போலீசார் ஈடுபட்டுள்ளனர்.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“