பழைய மெசேஜ்களை படிக்க வாட்ஸ்அப் புதிய வசதி அறிமுகம்: என்னனு பாருங்க

மெட்டா நிறுவனத்திற்கு சொந்தமான வாட்ஸ்அப் ஏராளமான பயனர்களை கொண்டுள்ளது. பயனர்களின் வசதிக்கு ஏற்ப புது புது வசதிகளை அறிமுகம் செய்து வருகிறது. அந்த வகையில் பழைய மெசேஜ், மீடியாக்களை தேட வாட்ஸ்அப் புதிய வசதி அறிமுகம் செய்துள்ளது. அதாவது காலண்டரில் வருவது போல் குறிப்பிட்ட தேதியை பதிவிட்டு அந்நாளில் அனுப்பபட்ட மெசேஜ், மீடியாக்களை கண்டறியலாம். இந்த அம்சம் ஆண்ட்ராய்டு, ஐபோன் மற்றும் டெஸ்க்டாப் வெர்ஷனில் அறிமுகம் செய்யப்படுகிறது. 

எப்படி பயன்படுத்துவது? 

குறிப்பிட்ட தேதியிட்டு வாட்ஸ்அப் மெசேஜை தேட, முதலில் வாட்ஸ்அப் குரூப், சேட் பக்கத்திற்கு செல்ல வேண்டும். அங்கு பெயரை கிளிக் செய்து அருகில் இருக்கும் “search”-ஐ செலக்ட் செய்யவும். ஆண்ட்ராய்டு போனில் வலப்புறத்தில் காலாண்டர் ஐகான் கொடுக்கபட்டிருக்கும். அதை கிளிக் செய்யவும். 

அடுத்து காலண்டர் ஐகானைக் கிளிக் செய்து, தேதியைத் தேர்ந்தெடுக்கவும். தேதியை கிளிக் செய்த உடன் அந்தநாளில் நீங்கள் செய்த மெசேஜிற்கு அழைத்துச் செல்லும். குறிப்பாக பல ஆண்டுகளாக வாட்ஸ்அப்பைப் பயன்படுத்துபவர்களுக்கு, பழைய மெசேஜ்களை வாட்ஸ்அப்பில் எளிதாகப் பார்க்க இது மிகவும் உதவியாக இருக்கும் என நிறுவனம் கூறியுள்ளது.