கலைஞர் மகளிர் உரிமைத் தொகை; ஆன்லைனில் விண்ணப்பிக்க முடியுமா? முரண்பட்ட தகவல்களால் திகைப்பு

மகளிர் உரிமைத் தொகை விண்ணப்பம் நிராகரிக்கப்படும்போது, அதை எதிர்த்து விண்ணப்பதாரர் மேல் முறையீடு செய்ய நினைத்தால், 30 நாட்களுக்குள் இணையதளம் வழியாக விண்ணப்பிக்க வேண்டும் என்று குறிப்பிடப்பட்டுள்ளது.

குடும்பத் தலைவிகளுக்கு ரூ. 1000 வழங்கும் திட்டத்தை, கலைஞர் மகளிர் உரிமைத் தொகை திட்டம் என்ற பெயரில் அறிவித்து, அதற்கான பணிகளை  தமிழ்நாடு அரசு மேற்கொண்டு வருகிறது.

1 கோடி பெண்களுக்கு  முதல் கட்டமாக இந்த உதவி தொகை வழங்க அரசு முடிவு செய்துள்ளது. மாதம் தோறும் பெண்களின் வங்கி கணக்கில் ரூ.1000 செலுத்த ரேஷன் கடைகள் மூலம் தகுதியானவர்கள் தேர்வு செய்து விண்ணப்பம் மற்றும் டோக்கன் வழங்கும் பணி தொடங்கப்பட்டுள்ளது.

ரேஷன் கடை ஊழியர்கள் வீடு, வீடாக சென்று டோக்கன்களையும் விண்ணப்பங்களையும் விநியோகித்தனர். இந்த பணி தொடர்ந்து 3 நாட்கள் நடைபெறும்.  கூட்ட நெரிசலை  தவிர்க்கும் விதமாக நடவடிக்கை மேற்கொள்ளப்பட்டுள்ளது. எனவே விண்ணப்பங்களை வாங்க மக்கள் ரேஷன் கடைகளுக்கு செல்ல தேவையில்லை என தெரிவிக்கப்பட்டிருந்தது.

விண்ணப்பப்பதிவு மேற்கொள்ளும் இடம், நாள் ஆகிய தகவல்கள் டோக்கனில் குறிப்பிடப்படிருக்கும் எனவும், விண்ணப்பதாரர்கள் தங்களுக்கு  ஒதுக்கப்பட்ட நாளில் ஒதுக்கப்பட்ட முகாம்களுக்கு சென்று விண்ணப்பங்களை  பதிவு செய்து கொள்ளவும் அறிவுறுத்தப்பட்டுள்ளது.

விண்ணப்பப் பதிவுக்கான முதற்கட்ட முகாம் வரும் 24ம் தேதி முதல் ஆக்ஸ்ட் 8ம் தேதி வரையும், 2ம் கட்ட முகாம் ஆகஸ்டு 5 முதல் 16ம் தேதி வரையும் நடைபெறும் எனவும் தெரிவிக்கப்பட்டுள்ளது.

முகாமில் ஒரு குடும்பத்தில் ஒரு படிவம் மட்டுமே வழங்கப்படுகிறது. இரு நபருக்கு  வழங்கப்பட்ட படிவத்தை இன்னொருவர் பயன்படுத்த முடியாது. யாருக்கு படிவம் வழங்கப்பட்டது என்பதை  ஊரியர்கள் பதிவு செய்து வருகிறார்கள். ரேஷன் கார்டை காண்பித்த பின்னரே படிவங்கள்  வழங்கப்படுகிறது.

அதேநேரம் குடும்ப அட்டை இருக்கும் ரேஷன் கடைப்பகுதியில் நடைபெறும் முகாமில் மட்டுமே விண்ணப்பதாரர்கள் விண்ணப்பிக்க வேண்டும் எனவும் ஆன்லைனில் விண்ணபிக்க முடியாது எனவும் விளக்கமளித்திருந்தது.  

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“