ரூ199 திட்டத்தில் டேட்டாவை அதிகரித்த ஏர்டெல்: ஜியோ, வோடபோன் நிலை என்ன?

Airtel Jio Vi Prepaid Recharge Plans Tamil News : ஏர்டெல் தனது ரூ.199 ப்ரீபெய்ட் திட்டத்தைத் திருத்தியுள்ளது. இப்போது இந்த பிளான் உங்களுக்கு 1.5 ஜிபி தினசரி டேட்டாவை 28 நாட்களுக்கு வழங்குகிறது. முன்னதாக, இதே ரீசார்ஜ் திட்டம் 1 ஜிபி தினசரி டேட்டாவுடன் மட்டுமே கிடைத்தது. திருத்தப்பட்ட இந்தத் திட்டத்தில் அன்லிமிடெட் அழைப்பு சலுகைகள், ஒரு நாளைக்கு 100 எஸ்எம்எஸ், ஹலோ டியூன்ஸ்களுக்கு இலவச அணுகல், விங்க் மியூசிக் மற்றும் 350-க்கும் மேற்பட்ட லைவ் டிவி சேனல்களைக் கொண்ட ஏர்டெல் எக்ஸ்ஸ்ட்ரீம் பயன்பாட்டுச் சந்தா ஆகியவை அடங்கும். இந்த திட்டம் 24 நாட்கள் செல்லுபடியாகும் காலத்துடன் வருகிறது. ஆனால், தற்போது ஒரு சில சந்தாதாரர்களுக்கு மட்டுமே இது கொடுக்கப்படுகிறது. இந்த வளர்ச்சியை முதலில் டெலிகாம் டாக் தெரிவித்துள்ளது.

ஏர்டெல் ஏற்கெனவே ரூ.249 ப்ரீபெய்ட் திட்டத்தை வழங்குகிறது என்பது கவனிக்கத்தக்கது. இது ஒரு நாளைக்கு 1.5 ஜிபி டேட்டாவை 28 நாட்களுக்கு வழங்குகிறது. இந்த திட்டம் ஏர்டெல்லின் அனைத்து தொலைத் தொடர்பு வட்டங்களிலும் கிடைக்கிறது. இருப்பினும், திருத்தப்பட்ட ரூ.199 ரீசார்ஜ் திட்டத்தை தற்போது ஆந்திரா, தெலுங்கானா மற்றும் கர்நாடக தொலைத் தொடர்பு வட்டாரங்களில் மட்டுமே அணுக முடியும். ஏர்டெல் வாடிக்கையாளர்கள் 1 ஜிபி டேட்டாவுடன் பழைய ரூ.199 திட்டத்தை வாங்கலாம். ரூ.249 மற்றும் ரூ.199 திட்டத்தை ஒரே சலுகைகளுடன் ஏர்டெல் வழங்குகிறது.

ஏர்டெல் ரூ.199 Vs ஜியோ ப்ரீபெய்ட் ரீசார்ஜ் திட்டம்

ரிலையன்ஸ் ஜியோ அதன் அனைத்து சந்தாதாரர்களுக்கும் ரூ.199 ப்ரீபெய்ட் திட்டத்தை வழங்குகிறது. மேலும், இந்த திட்டம் 1.5 ஜிபி தினசரி டேட்டாவுடன் வருகிறது. அதாவது மொத்தம் 42 ஜிபி டேட்டாவை அனுப்பும். மேலும் இது ஐ.யூ.சி கட்டணங்களை நீக்கியுள்ளதால், இப்போது எல்லா நெட்வொர்க்குகளுக்கும் அன்லிமிடெட் அழைப்புகளைப் பெறுவீர்கள். ஜியோ வாடிக்கையாளர்களுக்கு 28 நாட்களுக்கு 100 தினசரி எஸ்எம்எஸ் கிடைக்கிறது.

ரூ.249 திட்டமும் உள்ளது. இது ஏர்டெல் திட்டம் போலல்லாமல், 2 ஜிபி தினசரி டேட்டா திட்டத்தை உங்களுக்கு வழங்கும். இது 28 நாட்களுக்கு மொத்தம் 56 ஜிபி டேட்டாவையும் உங்களுக்கு வழங்கும். டேட்டா தீர்ந்ததும், அதன் வேகம் 64Kbps-ஆகக் குறைகிறது. 2 ஜிபி தினசரி டேட்டாவைத் தவிர, நீங்கள் ஜியோ முதல் ஜியோ அன்லிமிடெட் வாய்ஸ் அழைப்புகளையும், ஜியோ அல்லாத நெட்வொர்க்கிற்கு 1,000 நிமிடங்களையும் பெறுவீர்கள். இந்தத் திட்டத்தில் ஒரு நாளைக்கு 100 எஸ்.எம்.எஸ். மற்றும் ஜியோ வாடிக்கையாளர்கள் அதன் பயன்பாடுகளுக்கான அணுகலையும் பெறுகிறார்கள்.

ஏர்டெல் ரூ.199 Vs Vi ப்ரீபெய்ட் ரீசார்ஜ் திட்டம்

ரூ.199 விலையில் Vi (வோடபோன்) ஒரு நாளைக்கு 1 ஜிபி டேட்டா மட்டுமே வழங்குகிறது. இது அனைத்து நெட்வொர்க்குகளுக்கும் உண்மையிலேயே அன்லிமிடெட் உள்ளூர் / தேசிய அழைப்புகளை உள்ளடக்கியது. 24 நாட்களுக்கு செல்லுபடியாகும் காலத்துடன், ஒரு நாளைக்கு 100 எஸ்.எம்.எஸ்வருகிறது. Vi திரைப்படங்கள் மற்றும் டிவி அணுகலையும் பெறுவீர்கள். வோடபோன் 2 ஜிபி தினசரி டேட்டா திட்டங்களையும் வழங்குகிறது. இதில் மிகவும் மலிவானது 56 நாட்களுக்கு செல்லுபடியாகும் ரூ.555 . இது, 1 ஆண்டு ZEE5 பிரீமியம் சந்தா, 2 ஜிபி தினசரி தரவு, அன்லிமிடெட் அழைப்புகள் மற்றும் ஒரு நாளைக்கு 100 எஸ்எம்எஸ் ஆகியவற்றை வழங்குகிறது. இந்த திட்டம் வார இறுதி ரோல்-ஓவர் டேட்டாவையும் ஆதரிக்கிறது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil"