இனி சாதா ஹெல்மெட்-ஐ தூக்கி எறிங்க... வந்தாச்சு ஏத்தர் ஹாலோ ஸ்மார்ட் ஹெல்மெட்! பயணம் இல்ல, என்டர்டெயின்மென்ட்தான்!

ஏத்தர் எனர்ஜி (Ather Energy) நிறுவனம், தங்கள் பயனர்களுக்குப் பாதுகாப்பான பயண அனுபவத்தை வழங்கும் நோக்கில், 'ஏத்தர் ஹாலோ' (Ather Halo) என்ற ஸ்மார்ட் ஹெல்மெட்டை அறிமுகப்படுத்தியுள்ளது.இது வெறும் ஹெல்மெட் மட்டுமல்ல, தொழில்நுட்ப அதிசயம், உங்கள் பயணத்தை முழுமையாக மாற்றியமைக்கும் அம்சங்களைக் கொண்டது.

ஏத்தர் ஹாலோ ஹெல்மெட் - சிறப்பம்சங்கள்:

Wireless Charging: ஏத்தர் ரிஸ்டா (Ather Rizta) ஸ்கூட்டரின் பூட்டில் (boot) ஹெல்மெட் வைத்து எளிதாக வயர்லெஸ் முறையில் சார்ஜ் செய்யலாம். மற்ற வாகனப் பயனர்களும் தங்கள் வீடுகளில் வயர்லெஸ் சார்ஜிங் வசதியைப் பயன்படுத்தி ஹெல்மெட்டை சார்ஜ் செய்து கொள்ளலாம். இது கேபிள்கள் இல்லாத தொந்தரவற்ற சார்ஜிங் அனுபவத்தை வழங்குகிறது.

Integrated Music & Call Control: உங்கள் கைகளை ஹேண்டில்பாரில் இருந்து எடுக்காமல், அனைத்து அழைப்புகளையும் இசையையும் எளிதாகக் கட்டுப்படுத்தலாம். இது பாதுகாப்பான மற்றும் வசதியான பயணத்தை உறுதி செய்கிறது.

ஹெல்மெட் டு ஹெல்மெட் கம்யூனிகேஷன் - Ather ChitChat™: பயணத்தின்போது சத்தமிட்டுப் பேச வேண்டிய அவசியம் இல்லை. இந்த அதிநவீன அம்சம் மூலம், ஹெல்மெட்டில் இருந்து ஹெல்மெட்டுக்குத் தெளிவான உரையாடலை மேற்கொள்ளலாம். உங்கள் இணைப் பயணிகளுடன் எளிதாகவும், தெளிவாகவும் உரையாட இது உதவுகிறது.

Music Sharing: உங்கள் பயணங்களை மேலும் இனிமையாக்க, இந்த ஹெல்மெட் மூலம் இசையைப் பகிர்ந்து கொள்ளலாம். ஒரே ஒரு இணைப்பு மூலம் இரு சவாரியாளர்களும் ஒரே இசையை ரசிக்க முடியும். இது குழு பயணங்களுக்கு சிறந்த அம்சமாக அமைகிறது.

Ambient Noise Reduction: சாலை இரைச்சலை முழுமையாக நீக்காமல், தேவையான அளவு குறைத்து, தெளிவான மற்றும் தரமான ஒலி அனுபவத்தை ஹாலோ வழங்குகிறது. சுற்றுப்புற ஒலிகள் பற்றிய விழிப்புணர்வையும் தக்க வைத்துக் கொண்டு, பிரீமியம் தரமான இசையை நீங்கள் கேட்கலாம்.

பிரீமியம் சவுண்ட் உயர்தர ஆடியோ அனுபவம், ஆட்டோ வேர்டிடெக்ட் (Auto WearDetect): ஹெல்மெட்டை அணிந்திருப்பதை தானாகக் கண்டறியும் தொழில்நுட்பம், ISI (IS:4151), DOT சான்றிதழ்: சர்வதேச மற்றும் தேசிய பாதுகாப்பு தரச் சான்றிதழ்களைப் பெற்றுள்ளது, நம்பகத்தன்மையை உறுதி செய்கிறது.

பாதுகாப்பு அம்சங்கள்: க்ராஷ் டிடெக்‌ஷன் (Crash Detection), ஹெல்மெட் விபத்துகளைக் கண்டறியும் சென்சார்களைக் கொண்டுள்ளது. Automatic SOS Alert, விபத்து ஏற்பட்டால் ஹெல்மெட் தானாகவே SOS (உதவிக்கான அழைப்பு) எச்சரிக்கை அவசரகால தொடர்புகளுக்கு அனுப்பும். இதன் விலை ரூ.6,999 மட்டுமே.

ஏத்தர் ஹாலோ ஸ்மார்ட் ஹெல்மெட், பாதுகாப்பையும், அதிநவீன தொழில்நுட்ப வசதிகளையும் ஒருங்கே இணைத்து, ஒவ்வொரு பயணத்தையும் பாதுகாப்பானதாகவும், வசதியாகவும், சுவாரஸ்யமாகவும் மாற்றும் வகையில் வடிவமைக்கப்பட்டுள்ளது. எதிர்காலப் பயண அனுபவத்தின் ஒரு புதிய அத்தியாயத்தை இது திறக்கிறது.