மாணவர்களுடன் பிரதமர் மோடி இன்று கலந்துரையாடல் : நேரலையில் பார்ப்பது எப்படி?...

Pariksha Pe Charcha 2020 Date and Time: பொதுத்தேர்வு குறிப்புகள், தேர்வு பயம் நீங்குவதற்கான ஆலோசனைகள் உள்ளிட்டவைகளை, பிரதமர் மோடி மாணவர்களிடையே இன்று...

Pariksha Pe Charcha 2020 Date and Time: பொதுத்தேர்வு குறிப்புகள், தேர்வு பயம் நீங்குவதற்கான ஆலோசனைகள் உள்ளிட்டவைகளை, பிரதமர் மோடி மாணவர்களிடையே இன்று நடைபெற உள்ள கலந்துரையாடலில் வழங்க உள்ளார்.

பொதுத்தேர்வு உள்ளிட்ட தேர்வுகளை எழுதும் பள்ளி மாணவர்களிடையே நிலவும் பயம் உள்ளிட்ட பதட்டத்தை நீக்க பிரதமர் மோடி தலைமையிலான மத்திய அரசு தொடர்ந்து முயற்சிகளை மேற்கொண்டு வருகிறது. அந்தவகையில் மூன்றாவது ஆண்டாக, பிரதமர் மோடி, மாணவர்களுடன் தேர்வுகள் குறித்து கலந்துரையாடும் நிகழ்ச்சி, டில்லி தல்கடோரா உள்ளரங்க மைதானத்தில் நடைபெற உள்ளது. காலை 11 மணிக்கு துவங்கும் இந்த நிகழ்ச்சி, செய்தி சேனல்கள், PIBயின் அதிகாரப்பூர்வ டுவிட்டர் மற்றும் யூடியூப் சேனல்களில் நேரலை செய்யப்பட உள்ளன.

பிரதமர் மோடி உடன் கலந்துரையாட தமிழகத்திலிருந்து 66 மாணவர்கள் உட்பட 2 ஆயிரம் மாணவர்கள், ஆசிரியர்கள் உள்ளிட்டோர் தேர்ந்தெடுக்கப்பட்டுள்ளனர். மாணவர்கள், 5 தலைப்புகளில் ( Gratitude is Great, Your Future Depends on Your Aspirations, Examining Exams, Our Duties, Your Take, and Balance is Beneficial.) நடத்தப்பட்ட கட்டுரைத்தேர்வுகளின் அடிப்படையில் தேர்ந்தெடுக்கப்பட்டுள்ளனர்.

இந்த கலந்துரையாடலில், பிரதமர் மோடி, தேர்வு எழுத உள்ள மாணவர்களுக்கு தேர்வு நேரத்தில் ஏற்படும் மன அழுத்தம் நீங்க, தேர்வு குறித்த பயம் போக்குதல், தேர்வுகளுக்கு தயாராவதற்கான சில டிப்ஸ்கள் உள்ளிட்ட முக்கிய குறிப்புகளை வழங்க உள்ளார்.
5 தலைப்புகளில் நடத்தப்பட்ட இந்த தேர்வில், சுமார் 2.6 லட்சம் மாணவர்கள் பங்கேற்றிருந்தனர். கடந்தாண்டு (2019) 1.4 லட்சம் மாணவர்கள் பங்கேற்றிருந்தது குறிப்பிடத்தக்கது.

2018ம் ஆண்டில் மாணவர்கள் பிரதமர் மோடியிடம் 10 கேள்விகளை கேட்டிருந்த நிலையில், 2019ம் ஆண்டில் 16 கேள்விகள் கேட்கப்பட்டிருந்தன.

முன்னதாக, இந்த நிகழ்ச்சி கடந்த 16ம் தேதி நடத்தப்படுவதாக உள்ளது. பொங்கல் உள்ளிட்ட கொண்டாட்டங்களினால், இந்த நிகழ்ச்சி தற்காலிகமாக ஒத்திவைக்கப்பட்டு இன்று நடைபெற உள்ளது.

தமிழகத்தில் என்னென்ன ஏற்பாடுகள் : பிரதமர் மோடியின் உரையை கேட்க, தமிழகத்தில் உள்ள பள்ளிகளில் சிறப்பு ஏற்பாடுகள் செய்யப்பட்டுள்ளன. பள்ளிகளில் உரையை ஒளிபரப்ப பள்ளிகல்வித்துறை சார்பில் நடவடிக்கைகள் மேற்கொள்ளப்பட்டுள்ளன.

Get Tamil News and latest news update from India and around the world. Stay updated with today's latest India news in Tamil.

Web Title:

Pariksha pe charcha 2020 date timings how to watch live telecast

The moderation of comments is automated and not cleared manually by tamil.indianexpress.com.
Just Now
X
×Close
×Close