சந்திரயான் -2: இடம் பெற்ற கருவிகள், அவற்றின் பணிகள் முழு விவரம்

Chandrayaan 2 Landing: சந்திரயான் -2 நிலவில் நீர் இருப்தற்கான ஆதாரங்களையும், நீரின் அளவு மதிப்பிடுவதற்கான முயற்சியை மேற்கொள்ளப் போகிறது என்பது நம் அனைவராலும் அறியப்பட்ட ஒன்றே. ஆனால், சந்திரயன் -2 ல் இருக்கும் மற்ற மற்ற பயன்பாட்டு சாதனங்கள்  என்ன ஆய்வுகளை மேற்கொள்ளப்போகிறது என்பதை இங்கே காண்போம்.

மேப்பிங்: சந்திரயான் -2 அதைப் பார்க்கக்கூடிய பகுதிகளின் விரிவான மேப்பிங் செய்ய முயற்சிக்கும். ஆர்பிட்டரில் இரண்டு கேமராக்கள் உள்ளன.

நிலப்பரப்பு மேப்பிங் கேமரா( Terrain Mapping Camera )

ஆர்பிட்டர் உயர் தீர்மானம் கேமரா (Orbiter High resolution Camera )

நிலவின் மேற்பரப்பை  3-டி படங்களாய் தயாரிக்க நிலப்பரப்பு மேப்பிங் கேமரா( Terrain Mapping Camera ) பொருத்தப்பட்டுள்ளது. அறிவியல் ஆராய்ச்சிக்கு வேண்டிய படங்களை  தயாரிக்க ஆர்பிட்டர் உயர் தீர்மானம் கேமரா (Orbiter High resolution Camera ) பொருத்தப்பட்டுள்ளது. மேலும், இரட்டை அதிர்வெண் செயற்கை துளை ரேடார்( Dual Frequency synthetic Aperture Radar ) நிலவின் துருவப் பகுதிகள் உட்பட்ட  அனைத்து பகுதிகளையும்  உயர்-தெளிவு வரைபடங்களை உருவாக்கும் திறன் கொண்டது.

கனிமவியல் மற்றும் அடிப்படை பகுப்பாய்வு: சந்திரயான் -2 வில் பல பயன்பாட்டு சாதனங்கள் நிலவில் இருக்கும் தனிமங்கள் மற்றும் தாதுக்களின் வகைகளை மதிப்பீடு செய்வததற்காக டேட்டாக்களை  சேகரிக்கும்

சூரியஎக்ஸ் ரே ஸ்பெக்ட்ரம் (Solar X ray Spectrum): சூரியனில் இருந்து வெளிப்படும் எக்ஸ்-கதிர்களைப் படிப்பதற்காக இக்கருவிகள் பயன்படுகிறது .

தண்ணீர் மற்றும் அதன்  மதிப்பீடு செய்தல் : சந்திரயான் -2 வில் இருக்கும் ஒன்றுக்கு மேற்பட்ட கருவிகள் இந்த தண்ணீர் பற்றியத் தேடலுக்காக தான்  உள்ளது .

நிலவின்  வளிமண்டலத்தை  ஆய்வு செய்தல்: விக்ரம் லேண்டரில் பொருத்தப்பட்டுள்ள இரண்டு கருவிகள் சந்திரனின் வளிமண்டலத்தின் பல்வேறு உயரங்களில் உள்ள வெப்பநிலையை  அளவிடும்.

மேலும், நிலவின் நில அதிர்வு பற்றிய ஆய்வுகளும் சந்திராயன்-2 மேற்கொள்ளப்படும்.

ஆர்பிட்டரில் எட்டு, விக்ரம் லேண்டரில் நான்கு மற்றும் பிரக்யான் ரோவரில் இரண்டு என்று ஒட்டுமொத்தமாக சந்திரயன் -2 இல் 14 சாதனங்கள் உள்ளன. 2008 - ல் அனுப்பப்பட்ட சந்திரயான் -ஒன்றில் 13 கருவிகள் இருந்தன என்பது குறிப்பிடத் தக்கது.