chandrayyan 2 watch online
Chandrayaan 2 Live Moon Landing: இஸ்ரோவின் சந்திரயான் – 2 விண்கலம், செப்டம்பர் 7, 2019 அதிகாலை 1.30 மணி முதல் 2.30 மணிக்குள் நிலவில் தரையிறங்குகிறது. இந்த வெற்றிகரமான முயற்சியால், உலக அளவில் பெருமை பெறுகிறது இந்தியா.
நிலவில் தரையிறங்கும் சந்திரயான் -2 நிகழ்ச்சியை இஸ்ரோ லைவாக ஒளிபரப்பும். இந்த வரலாற்று சாதனையின் நேரடி ஸ்ட்ரீமை நீங்கள் எவ்வாறு பார்க்கலாம் என்பதை இங்கே குறிப்பிடுகிறோம்.
இஸ்ரோ தனது வலைத்தளமான isro.gov.in. -ல் சந்திரயான் 2 தரையிறங்கும் நிகழ்வுகளை உடனுக்குடன் லைவாக வெளியிடும். இதன் நேரடி ஸ்ட்ரீமை பிஐபி இந்தியா (PIB India) என்ற யூடியூப் சேனலில் பார்க்கலாம். தூர்தர்ஷன் நேஷனல் யூடியூப் சேனல், பெங்களூருவில் உள்ள செயற்கைக்கோள் கட்டுப்பாட்டு மையத்தில் உள்ள இஸ்ரோ கட்டுப்பாட்டு அறையிலிருந்து சந்திரயான் தரையிறங்கும் நிகழ்வை ஒளிபரப்பும் என்று எதிர்பார்க்கப் படுகிறது. அதோடு இஸ்ரோ தனது அதிகாரப்பூர்வ ட்விட்டர் பக்கத்திலும் அதன் அப்டேட்டுகளை உடனுக்குடன் வெளியிடும்.
விக்ரம் லேண்டர் சந்திரயான் -2 ஆர்பிட்டரில் இருந்து திங்கள்கிழமை மதியம் 1:15 மணிக்கு பிரிந்து சந்திரனை நோக்கி இறங்கத் தொடங்கியது. புதன்கிழமை, சந்திரயான் -2 விண்கலம் சந்திரனைச் சுற்றி 35 கிமீ x 101 கிமீ சுற்றுவட்டப்பாதையில் நுழைய இரண்டாவது இலக்கை அடைந்தது. கடந்த ஜூலை 22 -ம் தேதி விண்ணில் பாய்ந்தது சந்திரயான் 2. இந்த விண்கலம் ஆர்பிட்டர், விக்ரம் லேண்டர் மற்றும் ரோவர் பிரக்யன் என மூன்று பிரிவுகளைக் கொண்டுள்ளது.
எல்லாமே திட்டமிட்டபடி நடந்தால், சந்திரனில் மென்மையாக தரையிறங்கும் நான்காவது நாடாகவும், சந்திரனின் தென் துருவப் பகுதியைத் தொடும் முதல் நாடாகவும் இந்தியா மாறும். சந்திரயான் -2 வில் உள்ள அனைத்து கூறுகளும் இஸ்ரோவால் தயாரிக்கப்பட்டவை என்பதால், சந்திரனில் மென்மையாக தரையிறங்க முயற்சித்தல், உள்நாட்டு தொழில்நுட்பத்தில் சந்திரனின் நிலப்பரப்பை ஆராய்தல் ஆகிய பெருமைகளை இந்தியா பெரும்.
இதனை ஆங்கிலத்தில் படிக்க – Chandrayaan-2 Moon landing live: How to watch livestream online
Get all the Latest Tamil News and Tamil Nadu News at Indian Express Tamil. You can also catch all the latest Tamil Technology News by following us on Twitter and Facebook
Web Title:Chandrayaan 2 moon landing live how to watch online
‘நடமாடும் நகைக்கடை’ தயாரிக்கும் படத்தில் வனிதா: கதை இதுதானா?
தனியார் மருத்துவமனைகளில் கொரோனா தடுப்பூசி செலுத்தும் பணி : மத்திய அரசு அறிவுறுத்தல்
தமிழகம், புதுச்சேரி சட்டசபை தேர்தல் : பணிக்குழு பட்டியலை அறிவித்த காங்கிரஸ்
வன்னியர்கள் இடஒதுக்கீட்டை எதிர்த்து வழக்கு : உயர்நீதிமன்றத்தில் விரைவில் விசாரணை
டாப்-5 சீரியல்களில் மெஜாரிட்டி சன் டிவி பக்கம்: எந்தெந்த சீரியல்கள் தெரியுமா?
தவறாக மொழிபெயர்த்த ஹெச்.ராஜா… கண்டுபிடித்து திருத்திய அமித் ஷா!
