Two-Factor Authentication for Gmail Tamil News : 1.5 பில்லியனுக்கும் அதிகமான பயனர்களைக் கொண்ட ஜிமெயில் உலகின் மிகவும் பிரபலமான மின்னஞ்சல் வாடிக்கையாளர்களைக் கொண்டுள்ளது. ஆனால் சில மோசமானவர்களால், மின்னஞ்சல் ஹேக் செய்யப்படுவதற்கான வாய்ப்பு எப்போதும் உண்டு. வலுவான கடவுச்சொற்கள் இருந்தாலும் மின்னஞ்சல் கணக்கைப் பாதுகாக்க, இரண்டு காரணி அங்கீகாரம் (two-factor authentication) கூடுதல் பாதுகாப்பை வழங்குகிறது. கவலைப்பட வேண்டாம், ஜிமெயிலுக்கு 2-ஸ்டேப் மற்றும் தனிப்பட்ட தகவல்களை எவ்வாறு பாதுகாப்பது என்பதை இனி பார்க்கலாம்.
கூகுள் கணக்கிற்கு 2 ஃபேக்டர் அங்கீகாரத்தை எவ்வாறு அமைப்பது
உங்கள் கணக்கிற்கான 2 ஃபேக்டர் அங்கீகாரத்தை, கூகுள் ப்ராம்ட் மற்றும் கூகுள் ஆதென்ட்டிக்கேட்டர் செயலி ஆகிய இரண்டு வழிகளில் அமைக்கக் கூகுள் உங்களை அனுமதிக்கிறது.
# உங்கள் ஸ்மார்ட்போன் அல்லது கணினியில் ,myaccount.google.com-ல் உள்ள கூகுள் கணக்கில் உள்நுழைக
# இடதுபுறத்தில் பாதுகாப்பு டேப்பை க்ளிக் செய்க
# கொஞ்சம் கீழே ஸ்க்ரோல் செய்து, “2-ஸ்டேப் வெரிஃபிகேஷன்" என்பதைக் க்ளிக் செய்க
# ஸ்டார்ட் பட்டனை க்ளிக் செய்து, 2 ஃபேக்டர் அங்கீகாரத்தை அமைக்கத் திரையில் உள்ள வழிமுறைகளைப் பின்பற்றவும்
# உங்கள் அடையாளத்தை உறுதிப்படுத்தக் கடவுச்சொற்களை உள்ளிடவும்
# க்ளிக் செய்து இப்போது முயற்சி செய்யவும்
# ஆறு இலக்க சரிபார்ப்புக் குறியீட்டைக் கூகுள் அனுப்பக்கூடிய தொலைபேசி எண்ணைச் சேர்க்கவும்
# 'அனுப்பு' என்பதைக் க்ளிக் செய்க
# கூகுள் உங்களுக்கு அனுப்பிய ஆறு இலக்கக் குறியீட்டை உள்ளிட்டு உங்கள் தொலைபேசி எண்ணைச் சரிபார்க்கவும். தொடர்ந்து, 'அடுத்து' என்பதைக் க்ளிக் செய்க.
# 2 ஃபேக்டர் அங்கீகாரத்தை இயக்க, 'இயக்கவும்' என்பதைக் க்ளிக் செய்யவும்
கூகுள் ஆதென்ட்டிக்கேட்டரை எவ்வாறு பயன்படுத்துவது
உங்கள் கூகுள் கணக்கைப் பாதுகாக்க மற்றொரு வழி கூகுள் ஆதென்ட்டிக்கேட்டர். இந்த முறையைப் பயன்படுத்த, உங்கள் 2 ஃபேக்டருக்கான சீரற்ற குறியீடுகளை உருவாக்கப் பயன்படும் ஆப் ஸ்டோர் அல்லது கூகுள் ப்ளே ஸ்டோரிலிருந்து இலவச செயலியைப் பதிவிறக்க வேண்டும்.
# உங்கள் கணக்கின் பாதுகாப்பு விருப்பங்களுக்குச் சென்று, ஆதென்ட்டிக்கேட்டர் பயன்பாட்டைக் க்ளிக் செய்க
# நீங்கள் ஐபோன் அல்லது ஆண்ட்ராய்டு ஸ்மார்ட்போனைப் பயன்படுத்துகிறீர்களா என்பதைத் தேர்வுசெய்க
# 'அடுத்து' க்ளிக் செய்க
# உங்கள் ஆதென்ட்டிக்கேட்டர் பயன்பாட்டிலிருந்து QR குறியீட்டை ஸ்கேன் செய்யுங்கள்
# உங்கள் ஸ்மார்ட்போனில் Google Authenticator பயன்பாட்டில் காட்டப்பட்டுள்ள குறியீட்டை உள்ளிடவும்
# 'சரிபார்க்க' ஆப்ஷனை க்ளிக் செய்க
# 'முடிந்தது' ஆப்ஷனை க்ளிக் செய்யவும்
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil"
Stay updated with the latest news headlines and all the latest Lifestyle news. Download Indian Express Tamil App - Android or iOS.