ஆதார் கார்டு க்யூ.ஆர் கோர்டை ஸ்கேன் பண்ணுங்க; இவ்வளவு தகவல் இருக்கு!

இந்தியாவில் வசிக்கும் ஒவ்வொருவருக்கும் இந்திய தனித்துவ அடையாள ஆணையத்தால் (UIDAI) ஆதார் அட்டை வழங்கப்படுகிறது.
இந்தப் 12-இலக்க தனிப்பட்ட அடையாள எண், இந்தியாவில் எங்கும், அடையாளச் சான்றாகவும் முகவரிச் சான்றாகவும் செயல்படுகிறது.

இருப்பினும், ஆதாரின் நம்பகத்தன்மையை அதிகரிக்க ஆதார் சரிபார்ப்பு மற்றும் விவரங்களை புதுப்பிக்க அறிவுறுத்தப்படுகிறது. மேலும், ஆதார் சட்டம், 2016 இன் பிரிவு 7 இன் கீழ் பல்வேறு பலன்களும் கொடுக்கப்பட்டுள்ளன.

QR குறியீட்டைப் பயன்படுத்தி ஆதாரை எவ்வாறு சரிபார்க்கலாம்

• கூகுள் பிளே ஸ்டோர் அல்லது ஆப் ஸ்டோரில் இருந்து mAadhaar செயலியை பதிவிறக்கம் செய்து உங்கள் ஸ்மார்ட்போனில் நிறுவவும்.
• பயன்பாட்டைத் திறந்து, திரையின் மேல் வலது மூலையில் உள்ள QR குறியீடு ஐகானைத் தட்டவும்.
• நீங்கள் சரிபார்க்க விரும்பும் ஆதார் அட்டை, இ-ஆதார் அல்லது ஆதார் பிவிசியில் அச்சிடப்பட்ட QR குறியீட்டின் மீது உங்கள் மொபைலின் கேமராவைச் சுட்டிக்காட்டவும்.
• ஆதார் அட்டையில் உள்ள QR குறியீடு UIDAI இன் டிஜிட்டல் கையொப்பத்தைக் கொண்டுள்ளது. இதில், பெயர், பாலினம், பிறந்த தேதி, முகவரி மற்றும் புகைப்படம் உள்ளிட்டவை உள்ளன.
• மாற்றாக, UIDAI இணையதளத்திற்குச் சென்று உங்களின் 12 இலக்க ஆதார் எண் மற்றும் கேப்ட்சா குறியீட்டை உள்ளிட்டு உங்கள் ஆதாரை ஆன்லைனில் சரிபார்க்கலாம்.
• உங்கள் ஆதார் விவரங்களில் ஏதேனும் மாற்றங்கள் இருந்தால் ஆன்லைனில் அல்லது ஆஃப்லைனில் புதுப்பிக்கலாம். UIDAI அதிகாரப்பூர்வ இணையதளம் மூலம் உங்கள் முகவரி விவரங்களை ஆன்லைனில் திருத்திக் கொள்ளலாம்.
• மறுபுறம், உங்கள் பெயர், பிறந்த தேதி அல்லது பயோமெட்ரிக் தரவை மாற்ற ஆதார் பதிவு மையத்தில் பயோமெட்ரிக் அங்கீகாரத்தை வழங்க வேண்டும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“