14 நாட்கள் பேட்டரி லைஃப், 100+ வொர்க் அவுட் மோட்ஸ்.. அறிமுகமானது ஹூவாய் பேண்ட் 10

ஃபிட்னஸ் பேண்ட்ஸ் நமது வாழ்க்கையின் அங்கமாக மாறிவிட்டன. உடற்பயிற்சி, தூக்கத்தை கண்காணிக்கிறது என அனைத்திற்கும் இந்த பேண்ட்ஸ் ரொம்பவே உதவியாக இருக்கும். Huawei நிறுவனம் புதிய Huawei Band 10-ஐ இந்தியால அறிமுகப்படுத்தி உள்ளது. 14 நாட்கள் வரைக்கும் நீடித்து நிற்கும் பேட்டரி, புதுமையான சுகாதார அம்சங்கள் பல சிறப்பம்சங்களோட இந்த பேண்ட் களமிறக்கப்பட்டுள்ளது. 

Huawei Band 10 அதன் நேர்த்தியான வடிவமைப்புடன் கண்களை கவருகிறது.1.47 இன்ச் AMOLED செவ்வக டிஸ்ப்ளே துடிப்பான வண்ணங்களையும் தெளிவான படங்களையும் வழங்குகிறது. 194 x 368 பிக்சல்கள் ரெசல்யூஷன் மற்றும் 282 ppi பிக்சல் டென்சிட்டி ஆகியவை, நோட்டிஃபிகேஷன்கள் முதல் ஆரோக்கிய தரவுகள் வரை அனைத்தையும் படிகத் தெளிவுடன் பார்க்க உதவுகிறது. Always On Display (AOD) அம்சம், எந்த நேரத்திலும் தகவல்களை எளிதாக அணுக வழிவகுக்கிறது. பாலிமர் மற்றும் அலுமினியம் அலாய் என 2 விதமான கேஸ் ஆப்ஷன்களில் இது கிடைப்பதுடன், பல வண்ணங்களில் (Black, Blue, Green, Pink, Purple, White, Matte Black) வருவதால், உங்கள் தனிப்பட்ட ஸ்டைலுக்கு ஏற்ப தேர்வு செய்யலாம்.

இந்தியாவில் பாலிமர் கேஸ் ஆப்ஷன்கள் (Polymer Case Options) ரூ.6,499-ல் இருந்து தொடங்குகிறது. அலுமினியம் அலாய் பாடி வேரியன்ட்கள் (Aluminium Alloy Body Variants) ரூ.6,999-க்கு கிடைக்குது. அறிமுக ஆஃபரா பாலிமர் வெர்ஷன் ₹3,699-க்கும், அலுமினியம் வெர்ஷன் ரூ.4,199-க்கும் விற்பனையாகின்றன.

Huawei Band 10, உங்கள் ஆரோக்கியத்தை 24 மணி நேரமும் கண்காணிக்கும் ஒரு தனிப்பட்ட உதவியாளர். மேம்படுத்தப்பட்ட சென்சார் மூலம், இது துல்லியமான இதயத் துடிப்பு கண்காணிப்பை (Heart Rate Monitoring) வழங்குகிறது. இரத்த ஆக்ஸிஜன் செறிவு (SpO2) கண்காணிப்பு, உங்கள் சுவாசம் மற்றும் ஆக்சிஜன் அளவுகள் குறித்த முக்கியமான தகவல்களை அளிக்கிறது. தூக்க கண்காணிப்பு (Sleep Monitoring) அம்சம், உங்கள் தூக்கத்தின் தரத்தை பகுப்பாய்வு செய்து, ஆழமான உறக்கத்தை அடைய உதவுகிறது. இது தூக்கத்தின் இதயத் துடிப்பு மாறுபாட்டையும் (HRV) கணக்கிடுகிறது.

மன அழுத்த கண்காணிப்பு (Stress Monitoring) மற்றும் "Emotional Wellbeing Assistant" போன்ற அம்சங்கள், உங்கள் மனநல ஆரோக்கியத்திலும் கவனம் செலுத்துகின்றன. பெண்களுக்கான மாதவிடாய் சுழற்சி கண்காணிப்பு (Menstrual Cycle Tracking) அம்சம், அவர்களின் உடல்நலத் தேவைகளைப் பூர்த்தி செய்கிறது.

ஒருமுறை சார்ஜ் செய்தால் 14 நாட்கள் வரை நீடிக்கும் பேட்டரி ஆயுள், Huawei Band 10-ன் தனிச்சிறப்பு. Always On Display (AOD) இயக்கப்பட்டு இருந்தாலும், 3 நாட்கள் வரை பேட்டரி நீடிக்கிறது. அவசர நேரத்தில், வெறும் 5 நிமிட சார்ஜிங்கில் 2 நாட்கள் வரை பயன்படுத்தலாம் என்பது குறிப்பிடத்தக்கது. முழுமையாக சார்ஜ் செய்ய 45 நிமிடங்கள் மட்டுமே ஆகும். இதன் மூலம், உங்கள் ஸ்மார்ட் பேண்ட் எப்போதும் உங்கள் வசம் இருக்கும்.

உடற்பயிற்சி முறைகள்: ஓட்டம், சைக்கிள் ஓட்டுதல், யோகா, நீச்சல் உட்பட 100-க்கும் மேற்பட்ட ப்ரீசெட் வொர்க்அவுட்மோட்ஸ் உள்ளன. சுகாதார சென்சார்கள்: ஆப்டிகல் ஹார்ட்ரேட் மற்றும் ரத்த ஆக்சிஜன் லெவல் (SpO2) மானிட்டர்கள் உள்ளன. மியூசிக் கன்ட்ரோல் மற்றும் ரிமோட் கேமரா ஷட்டர். இந்த ஸ்மார்ட்பேண்ட் 8.99 mm தடிமன் மற்றும் 14g எடை கொண்டது. இது Android மற்றும் iOS போன்கள் இரண்டிற்குமே இணக்கமானது. ஆக்சலரோமீட்டர், கைரோஸ்கோப், மற்றும் மேக்னட்டோமீட்டர் போன்ற சென்சார்களும் இதில் உள்ளன.