ஒரே ஒரு செயலி.. உங்க ஒட்டுமொத்த வங்கி சேவைக்கும் பாதுகாப்பு: ஐ.சி.ஐ.சி.ஐ அசத்தல் அறிமுகம்

ஐ.சி.ஐ.சி.ஐ வங்கி ஜூன் 24 அன்று ‘ஸ்மார்ட் லாக்’ என்ற புதிய பாதுகாப்பு அம்சத்தை அறிமுகம் செய்தது.

தனது ஐமொபைல் பே செயலி மூலம் இந்த அம்சத்தை அறிமுகம் செய்துள்ளது. இதன் மூலம் பயனர்கள் எந்தவொரு சேவையாக இருந்தாலும், பயனர்கள் வாடிக்கையாளர் சேவை மைய அதிகாரிகளை போன் அல்லது இ-மெயில் மூலமோ தொடர்பு கொள்ளத் தேவையில்லை.

இந்த புதிய வசதி மூலம் இன்டர்நெட் பேங்கிங், எந்தவொரு யு.பி.ஐ வங்கி கணக்கு, கிரெடிட் மற்றும் டெபிட் கார்டுகள் போன்றவற்றை லாக் மற்றும் அன்லாக் செய்து பாதுகாப்பாக பயன்படுத்தலாம்.

1. இதற்கு முதலில் ஐமொபைல் பே ஆப் டவுன்லோடு செய்து லாக்கின் செய்யவும். 2. ஹோம் ஸ்கிரீன் பக்கத்தில் கீழே வலப்புறத்தில் உள்ள ‘ஸ்மார்ட் லாக்’ அம்சத்தை கிளிக் செய்யவும்.

3. எந்த வங்கி சேவையை லாக்/ அன்லாக் செய்ய வேண்டுமே அதை தேர்வு செய்யவும். 4. இப்போது அதை உறுதி செய்யவும். அவ்வளவு தான், எளிமையாக பயன்படுத்தலாம். பாதுகாப்பாக பயன்படுத்தலாம்.