‘சாதிக்க வயது தடையல்ல’: சுகாதாரத்தை மாற்ற AI பயன்படுத்தும் 16 வயது இந்திய அமெரிக்கர் அத்ரித் ராவ்

வெறும் 16 வயதே ஆன அத்ரித் ராவ் ஏற்கனவே கோடிங்கில் மேதை, செயற்கை நுண்ணறிவு என்கிற AI (Artificial Intelligence) ஆர்வலர், ஆப்கள் உருவாக்குதல் மற்றும் டிஜிட்டல் ஹெல்த் புதுமைகளை உருவாக்குதலில் உலகில் முத்திரை பதிக்க முயற்சி செய்கிறார். கலிபோர்னியாவின் பாலோ ஆல்டோவைச் சேர்ந்த இளம்பெண், ஏற்கனவே ஆப்பிள் நிறுவனத்திடமிருந்து பாராட்டுகளைப் பெற்றுள்ளார். ஒரு சில ஆப்களை வெளியிட்டுள்ளார். மேலும், தற்போது ஸ்டான்போர்ட் பல்கலைக்கழகத்தில் சுகாதாரப் பாதுகாப்பை மாற்றியமைக்க AI-ஐப் பயன்படுத்துவதற்கான அதிநவீன ஆராய்ச்சியில் ஈடுபட்டுள்ளார்.

ஆங்கிலத்தில் படிக்க: ‘Age is not a barrier’: 16-year-old Indian American Adrit Rao harnesses AI to transform healthcare

“ஆப்கள் மிகவும் ஈர்க்கக்கூடியதாகவும் உற்சாகமாகவும் இருக்கிறது. ஏனென்றால் நீங்கள் கோடிங்கை எழுதலாம் மற்றும் உங்கள் கண்டுபிடிப்புகள் உங்களுக்கு முன்னால் உயிர்ப்பிக்கப்படுவதைக் காணலாம்” என்று அத்ரித் ராவ் indianexpress.com இடம் கூறினார்.

“எனது 8 வயதில் கோடிங் முறைக்கான எனது பயணம் தொடங்கியது. நான் ‘எளிய  பிளாக் புரோகிராமிங்’கிற்கு அறிமுகப்படுத்தப்பட்டேன், இது நிரலில் தொகுதிகளை ஒன்றாக இணைக்கிறது. அதுதான் கணினி அறிவியலுக்கான எனது முதல் அறிமுகம். நான் அதை மிகவும் ஈர்க்கக்கூடியதாகவும் சுவாரஸ்யமாகவும் பார்த்தேன்” என்று அத்ரித் ராவ் கூறினார்.

அத்ரித் ராவ் கணினி அறிவியலில் ஆழ்ந்தார் மற்றும் பாரம்பரிய புரோகிராமிங் மொழிகளை ஆராயத் தொடங்கினார்.  “எனது கோடிங் உயிர்ப்பிக்கப்படுவதை என்னால் பார்க்க முடியாததால் எனக்கு அதே அளவிலான ஆர்வம் இல்லை. கோவிட்-19 தொற்றுநோய்களின் போது, எனக்கு நிறைய ஓய்வு நேரம் கிடைத்தது, மேலும் கோடிங் முறையை ஆராய விரும்பினேன். ஆனால், மக்கள் மீது தாக்கத்தை ஏற்படுத்தக்கூடிய மிகவும் வேடிக்கையாகவும் உற்சாகமாகவும் இருந்தது. அப்போதுதான், ஆப் ஸ்டோரில் உள்ள ஆப்களைப் பற்றி நான் நினைத்தேன்” என்று அத்ரித் ராவ் கூறினார். அவர் யூடியூப் மற்றும் ஆன்லைன் ஆதாரங்கள் மூலம் தொற்றுநோய்களின் போது ஆப்கள் உருவாக்குவதை சுயமாகக் கற்றுக்கொண்டதையும் வெளிப்படுத்தினார்.

அத்ரித் ராவ் 12 வயதில் ஆப்பிளின் உலகளாவிய டெவலப்பர்கள் மாநாட்டின் ஸ்விஃப்ட் மாணவர் போட்டியை வென்றார். இந்த நிகழ்வின் மூலம் அவருக்கு ஆப்பிள் சி.இ.ஓ டிம் குக்கை சந்திக்கும் அரிய வாய்ப்பும் கிடைத்தது.  “அது மிகவும் உற்சாகமாக இருந்தது, ஏனென்றால், எனது ஆப்கள் உருவாக்கும் பயணத்தில் நான் இரண்டு முதல் மூன்று வாரங்கள் இருந்தேன். நேர்மையாக, அந்த அனுபவம் எனது பயணத்தைத் தொடர என்னைத் தூண்டியது” என்று டிம் குக்குடனான தனது சந்திப்பை அத்ரித் ராவ் விவரிக்கிறார்.

அத்ரித் ராவ் பலவிதமான புதுமையான ஆப்களை உருவாக்கி வைத்துள்ளார். அவற்றில் நான்கு ஆப்கள், ஆப்ஸ் ஸ்டோரில் கிடைக்கிறது. அவற்றில் MoTV என்ற ஆப் உள்ளது. இது திரைப்படங்கள் மற்றும் தொலைக்காட்சி நிகழ்ச்சிகளைக் கண்டறிய பயனர்களுக்கு உதவுகிறது. ShopQuik, தொற்றுநோய்களின் போது உள்ளூர் மளிகைக் கடையில் காத்திருப்பு நேரங்களைக் கண்காணிப்பதற்கான ஒரு கூட்டம் - ஆதார பயன்பாடாகும் (அது வழக்கற்றுப் போனதால் ஆப்பிள் அதை அகற்றியது).

விர்சுதான் (Virtuthon) என்பது தொற்றுநோய் கட்டுப்பாடுகளால் ஈர்க்கப்பட்ட மெய்நிகர் வாக்கத்தான் அனுபவத்தை வழங்கும் ஒரு ஆப் ஆகும். மற்றொரு உருவாக்கம், கெட் இன்வால்வ்டு சர்வீஸ் ஹவர்ஸ், ராவின் நிறுவனமான அரேடெக் நிறுவனம். கெட் இன்வால்வ்ட் ஃபவுண்டேஷன் ஆகியவற்றுக்கு இடையேயான கூட்டுப்பணியாகும். இது தன்னார்வப் பணியை எளிதாக்குகிறது. சைனர், AI இயங்கும் ஆப் ஐபோன் கேமரா உள்ளீடு மூலம் சைகை மொழி சைகைகளை பேச்சாக மாற்றுகிறது.

“முதலில் உலக அளவில் எத்தனை பேர் காது கேளாதவர்கள் இருக்கிறார்கள் மற்றும் காது கேளாதோர் மற்றும் காதுகேளாத சமூகங்களுக்கு இடையேயான தொடர்பு இடைவெளி பற்றிய புள்ளிவிவரங்களை ஆய்வு செய்தேன. இது என்னை ஊக்கப்படுத்தியது. அப்போது ஐபோன் கேமராவில் இருந்து சைகைகளை பேச்சுக்கு மாற்றும் எண்ணம் எனக்கு ஏற்பட்டது. அந்த நேரத்தில், ஆப்பிள் தங்கள் இயந்திர கற்றல் மாதிரிகளைப் பயன்படுத்தி WWDC-ல் கை அசைவு (ஹேண்ட் போஸ்) கண்காணிப்பு மற்றும் வகைப்படுத்தலை அறிமுகப்படுத்தியது. எனவே, சைனருக்கு-பேச்சு மாற்றத்தை செயல்படுத்த, அந்த புதிய தொழில்நுட்பத்தில் எனது சொந்த ஏ.ஐ அல்காரிதத்தைப் பயிற்றுவிக்க முடியும்,” என்று அத்ரித் ராவ் சைனரை உருவாக்குவதற்குப் பின்னால் உள்ள செயல்முறையைப் பற்றி கூறினார்.

ஸ்டான்ஃபோர்டு பயணம்

உடல்நலப் பிரச்சினைகளைத் தீர்க்க AI-யைப் பயன்படுத்துவதற்கான முயற்சியில், ராவ் 13 வயதில் ஸ்டான்போர்ட் பல்கலைக்கழகத்தில் ஆராய்ச்சிப் பயிற்சியைத் தொடங்கினார். கடந்த மூன்று ஆண்டுகளில், வாஸ்குலர் நோய்களைக் கண்டறிய AI-ஐப் பயன்படுத்தக்கூடிய அணுகக்கூடிய பயன்பாடுகளை உருவாக்குவதில் அவர் அர்ப்பணித்துள்ளார்.

அவரது தனித்துவமான கண்டுபிடிப்பு, ஆட்டோ ஏ.பி.ஐ (AutoABI), இது தமனி ஒலிகளைக் கேட்பதன் மூலம் புற தமனி நோயைக் கண்டறியும் ஐபோன் ஆப். இந்த புதுமையான தொழில்நுட்பம் தற்போது மருத்துவ பரிசோதனைகள் மற்றும் காப்புரிமை செயல்பாட்டில் உள்ளது. AI-ஐப் பயன்படுத்தி சிடி ஸ்கேன்களில் அனியூரிசிம்களைக் கண்டறிவதில் ராவ் பங்களித்துள்ளார். மேலும், 10-க்கும் மேற்பட்ட அறிவியல் ஆய்வுக் கட்டுரைகளை வெளியிட்டுள்ளார். நோயாளி பராமரிப்பு விநியோகத்தில் புரட்சியை ஏற்படுத்தக்கூடிய டிஜிட்டல் ஹெல்த் தீர்வுகளில் அவரது திறமையை வெளிப்படுத்தினார்.

“தற்போது நாங்கள் அதற்கான காப்புரிமையை நோக்கி பணியாற்றி வருகிறோம். எனவே, நிச்சயமாக அந்த ஆப் எனது ஆர்வத் திட்டங்களில் ஒன்றாகும். ஏனெனில், எனது ஆப் உருவாக்குதல் மற்றும் AI அறிவைப் பயன்படுத்தி மருத்துவ தீர்வை உருவாக்க முடிந்தது என்பதை இது எனக்குக் காட்டியது. ஆட்டோ ஏ.பி.ஐ கிளினிக்குகளில் வைக்கப்பட்டு சோதனை செய்யப்பட்டு இப்போது பலரைச் சென்றடையும் திறனைக் கொண்டுள்ளது” என்று அவர் கூறினார். 

ஆட்டோ ஏ.பி.ஐ0க்கு அப்பால், ராவ் சி.டி ஸ்கேன்களில் அனியூரிசிம்களைக் கண்டறிவதற்கான AI அமைப்புடன் எல்லைகளைத் தொடர்கிறார். அத்துடன் மட்டு டிஜிட்டல் ஹெல்த் ஆப் உருவாக்கத்தை மேம்படுத்துவதற்காக ஸ்டான்ஃபோர்டின் ஸ்பெசி சுற்றுச்சூழல் அமைப்புக்கான பங்களிப்புகளையும் செய்தார். LLMOnFIRE செயலி குறித்ஹ்டு அவர் செய்த பணி, சுகாதார கல்வியறிவை மேம்படுத்துவதில் AI-ன் மாற்றத்தை ஏற்படுத்தும் சாத்தியக்கூறுகளை எடுத்துக்காட்டுகிறது.

“இந்த ஆப் குறிப்பாக ஒரு அரட்டை ஊடகமாகமாக உள்ளது. அங்கு ஒரு நோயாளி உள்ளே சென்று அவர்களின் உடல்நலப் பதிவுகளுடன் அரட்டையடிக்க முடியும். தற்போதைய திட்டத்திற்கு பங்களிக்க முடிந்ததன் முழு அனுபவமும் உண்மையில் AI-ன் திறனைப் பற்றி என் கண்களைத் திறந்தது” என்று அத்ரித் ராவ் விளக்கினார்.

AI குறித்து

அத்ரித் ராவ் தனது 13 வயதில் ஒரு கட்டுரையைப் பார்த்த பிறகு அவருக்கு செயற்கை நுண்ணறிவு பற்றிய ஆர்வம் ஏற்பட்டது. அவரைப் பொறுத்தவரை, நோயாளி பராமரிப்பை மாற்றும் AI-ன் எல்லையற்ற ஆற்றலில் அவர் கொண்டிருந்த ஆர்வம்தான் ஸ்டான்போர்டு பல்கலைக்கழகத்தில் மதிப்புமிக்க ஆராய்ச்சிப் பயிற்சிக்கு வழி வகுத்தது.

அவரது பெரும்பாலான பணிகள் சிலிக்கான் பள்ளத்தாக்கில் AI செயலிகளில் கவனம் செலுத்துகின்றன அத்ரித் ராவ் அளவிடக்கூடிய தொழில்நுட்பங்கள் மூலம் உலகளவில் சமமான சுகாதார அணுகலை இயக்குவதற்கான அவசரத்தை அங்கீகரிக்கிறார்.  “AI தொழில்நுட்பத்தை மருத்துவர்களுக்கு மாற்றாகக் கொண்டுவர வேண்டும் என்று நான் நினைக்கவில்லை. ஆனால் இது மருத்துவர்களுக்கு உதவ முடியும் என்பதை நான் அறிவேன், குறிப்பாக மருத்துவர்கள் பற்றாக்குறை உள்ள பகுதிகளில் உதவும்” என்று அத்ரித் ராவ் கூறினார்.

அத்ரித் ராவ் தனது கோடிங் மாயாஜாலத்தைத் தாண்டி, ஆர்வமுள்ள இளம் கண்டுபிடிப்பாளர்களுக்கு துவக்க முகாம்கள் மூலம் மெய்நிகர் ஆப் மேம்பாட்டை கற்பிக்க லாப நோக்கற்ற ஆர்டெக் (Aretech Inc)-ஐ நிறுவியுள்ளார்.

இளம் இந்திய ஆர்வலர்களுக்கு நீங்கள் என்ன சொல்ல விரும்புகிறீர்கள் என்று கேட்டபோது, “வயது ஒரு தடையல்ல, எவரும் நேரத்தை ஒதுக்கினால் உண்மையில் பெரிய மாற்றத்தை ஏற்படுத்த முடியும் என்று நான் கூறுவேன். அவர்கள் உண்மையிலேயே ஆர்வமாக இருந்தால் மாற்றத்தை ஏற்படுத்த முடியும்” என்று அத்ரித் ராவ் கூறினார். 

ஆன்லைனில் உள்ள வளங்களிலிருந்து கற்றுக்கொள்ளும் திறனுடன், ஆர்வத்துடன், அவர்கள் எவ்வளவு வயதானவராக இருந்தாலும், பெரிய தாக்கத்தை ஏற்படுத்த யாரையும் உண்மையில் உருவாக்க முடியும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“