7,000 mAh பேட்டரி, அசுரத்தனமான செயல்திறன்.. வெளியானது ஐகியூ நியோ 10 ஸ்மார்ட்போன்!

ஐகியூ நியோ வரிசையில் அதீத பேட்டரி திறனுடன் 5G ஸ்மார்ட்போன் இந்தியாவில் நேற்று அறிமுகமாகியுள்ளது. பலரும் எதிர்பார்த்திருந்த ஐகியூ நியோ 10 ஸ்மார்ட்போன் இந்திய சந்தைகளில் கிடைக்கும் என ஐகியூ நிறுவனம் அறிவித்துள்ளது. சீனாவை தலைமையிடமாக கொண்டு செயல்படும் ஐகியூ நிறுவனம், இந்திய சந்தைகளில் கடந்த சில ஆண்டுகளாக குறிப்பிடத்தகுந்த இடத்தைப் பெற்றுள்ளன. சீனாவின் விவோ நிறுவனம் செயல்பட்டுவரும் குவாங்டாங் மாகாணத்திலேயே ஐகியூ நிறுவனமும் செயல்பட்டு வருகிறது. இந்த 2 நிறுவனங்களுமே இந்தியாவில் நடுத்தரக் குடும்பத்தின் ஸ்மார்ட்போன் கனவுகளை பூர்த்தி செய்துவரும் நிலையில், ஐகியூ நிறுவனம் அதிக பேட்டரி திறனுடன் நியோ 10 என்ற புதிய ஸ்மார்ட்போனை அறிமுகம் செய்துள்ளது.

ஐகியூ நியோ 10 ஸ்மார்ட்போனானது 8GB+128GB, 8GB+256GB, 12GB+256GB மற்றும் 16GB+512GB போன்ற நான்கு வகையான அம்சங்களுடன் வெளியாகி உள்ளது.  8GB+128GB கொண்ட ஸ்மார்ட்போன் ரூ.31,999க்கும், 8GB+256GB ஸ்மார்ட்போன் ரூ.33,999க்கும், 12GB+256GB ஸ்மார்ட்போன் ரூ.35,999க்கு கிடைக்கிறது. இதேபோல 16GB+512GB ஸ்மார்ட்போன் ரூ.38,999க்கு விற்கப்படுகிறது. ஏற்கெனவே ஐகியூ (அ) விவோ ஸ்மார்ட்போன் வைத்திருந்து அதனை மாற்றி இந்த புதிய ஸ்மார்ட்போன் வாங்கினால் ரூ.4,000 தள்ளுபடி பெறலாம். ஐகியூ, விவோ தவிர மற்ற நிறுவனங்களின் ஸ்மார்ட்போன் மாற்றினால் ரூ. 2,000 தள்ளுபடி பெறலாம். எச்.டி.எஃப்.சி, எஸ்.பி.ஐ மற்றும் ஐ.சி.ஐ.சி.ஐ வங்கி கிரெடிட் கார்டு மூலம் பணம் செலுத்தினால் ரூ.2,000 உடனடி தள்ளுபடி கிடைக்கும். தற்போது முன்பதிவு செய்பவர்களுக்கு ஜுன் 2 - 3 ஆம் தேதிகளில் பிற்பகல் 12 மணியளவில் டெலிவரி செய்யப்படும் என இந்நிறுவனம் தரப்பில் தெரிவிக்கப்பட்டுள்ளது.