கருந்துளை ஆய்வு: பிரத்யேக அறிவியல் செயற்கைக் கோளை ஏவி புத்தாண்டை வரவேற்கும் இஸ்ரோ

இந்திய விண்வெளி ஆய்வு நிறுவனம் (இஸ்ரோ)  நாளை (ஜன.1) எக்ஸ்-ரே போலரிமீட்டர் செயற்கைக் கோளை விண்ணில் ஏவி உற்சாகமாக புத்தாண்டை வரவேற்க தயாராக உள்ளன. திங்களன்று போலார் சாட்டிலைட் ஏவுகணை வாகன ராக்கெட்டில் கருந்துளைகள் போன்ற வானப் பொருட்களைப் பற்றிய நுண்ணறிவுகளை வழங்கும் அதன் முதல் எக்ஸ்-ரே போலரிமீட்டர் செயற்கைக் கோளை ஏவுவதன் மூலம் இஸ்ரோ புத்தாண்டை வரவேற்க உள்ளது.

அக்டோபரில் அதன் ககன்யான் டெஸ்ட் வெஹிக்கிள் டி1 மிஷன் வெற்றியடைந்ததை அடுத்து இஸ்ரோவின் இந்த ஏவுதல் வந்துள்ளது.

பி.எஸ்.எல்.வி-சி 58 (PSLV-C58) ராக்கெட், அதன் 60வது பணியில், முதன்மை பேலோட் XPoSat மற்றும் 10 செயற்கைக்கோள்களை குறைந்த புவி சுற்றுவட்டப்பாதையில் நிலைநிறுத்துவதற்காக சுமந்து செல்லும்.

ஜனவரி 1-ம் தேதி சென்னையிலிருந்து கிழக்கே 135 கி.மீ தொலைவில் அமைந்துள்ள இந்த விண்வெளித் தளத்தில் முதல் ஏவுதளத்தில் இருந்து காலை 9.10 மணிக்கு லிப்ட்-ஆஃப் செய்வதற்கான 25 மணி நேர கவுண்டவுன் ஞாயிற்றுக்கிழமை தொடங்கியது.

இன்று காலை 8.10 மணிக்கு பி.எஸ்.எல்.வி-சி 58க்கான கவுண்ட்டவுன் தொடங்கியது என இஸ்ரோ வட்டாரங்கள் தெரிவித்தன.

X-ray Polarimeter Satellite (XPoSat) விண்வெளியில் தீவிரமான எக்ஸ்ரே மூலங்களின் துருவமுனைப்பை ஆராய்வதை நோக்கமாகக் கொண்டுள்ளது.

இஸ்ரோவின் கூற்றுப்படி, வான மூலங்களிலிருந்து எக்ஸ்ரே உமிழ்வின் விண்வெளி அடிப்படையிலான துருவமுனைப்பு அளவீடுகளில் ஆராய்ச்சியை மேற்கொள்வதற்காக இஸ்ரோவின் முதல் பிரத்யேகமாக அறிவியல் செயற்கைக்கோள் இதுவாகும்.

இஸ்ரோவைத் தவிர, அமெரிக்காவைச் சேர்ந்த நேஷனல் ஏரோநாட்டிக்ஸ் ஸ்பேஸ் ஏஜென்சி (நாசா) இதேபோன்ற ஆய்வை நடத்தியது - டிசம்பர் 2021 இல் இமேஜிங் எக்ஸ்-ரே போலரிமெட்ரி எக்ஸ்ப்ளோரர் மிஷன் சூப்பர்நோவா வெடிப்புகளின் எச்சங்கள், கருந்துளைகள் மற்றும் பிற அண்ட நிகழ்வுகளால் உமிழப்படும் துகள்கள் குறித்து.

இமேஜிங் மற்றும் டைம் டொமைன் ஆய்வுகளில் கவனம் செலுத்தி இந்தியாவில் விண்வெளி அடிப்படையிலான எக்ஸ்ரே வானியல் நிறுவப்பட்டாலும், திங்கள்கிழமையின் பணி அறிவியல் சகோதரத்துவத்திற்கு ஒரு பெரிய மதிப்பு கூட்டலைக் குறிக்கிறது என்று விண்வெளி நிறுவனம் தெரிவித்துள்ளது. 

ஆங்கிலத்தில் படிக்க: https://indianexpress.com/article/technology/science/isro-2024-satellite-launch-black-holes-9089452/

பி.எஸ்.எல்.வி-சி 58 பணியின் நோக்கம், காஸ்மிக் எக்ஸ்ரே மூலங்களின் நீண்ட கால நிறமாலை மற்றும் தற்காலிக ஆய்வுகளை மேற்கொள்வதற்காக, சுமார் 50 சாத்தியமான காஸ்மிக் மூலங்களிலிருந்து வெளிப்படும் ஆற்றல் அலைவரிசை 8-30 keV இல் உள்ள X-கதிர்களின் துருவமுனைப்பை அளவிடுவதை உள்ளடக்கியது.