800 சேனல்கள், 13 ஓ.டி.டி தளங்கள்; இனி ஸ்மார்ட் டி.விகளிலும் ஜியோ டி.வி+: அசத்தல் அறிமுகம்

ரிலையன்ஸ் தனது ஜியோ டி.வி+ செயலியை, முன்பு ஜியோ ஏர்ஃபைபர் மற்றும் ஜியோ ஃபைபர் செட்-டாப் பாக்ஸ்களுக்கு மட்டும் வழங்கப்பட்டு வந்த நிலையில், இப்போது ஆண்ட்ராய்டு டிவி, ஆப்பிள் டி.வி.ஓ.எஸ் மற்றும் அமேசான் ஃபயர் ஓ.எஸ் போன்ற முக்கிய ஸ்மார்ட் டிவி தளங்களில் வழங்கப்படும் என நிறுவனம் அறிவித்துள்ளது.

ஜியோ ஏர்ஃபைபர் மற்றும் ஜியோ ஃபைபர் சந்தாதாரர்கள் இதைப் பயன்படுத்தலாம். ஜியோ டி.வி+ஆப்பில் 800 சேனல்கள், 13 ஓ.டி.டி தளங்களைப் பயன்படுத்தலாம்.

ஜியோ டி.வி+ மூலம் பயனர்கள் லைவ் சேனல்களையும் பார்க்கலாம். Hotstar, Netflix மற்றும் Prime Video போன்ற முக்கிய OTT தளங்களையும் இந்த சலுகை திட்டத்தில் பார்க்கலாம்.

இருப்பினும், குறிப்பிட்ட ஜியோ ஃபைபர் மற்றும் ஜியோ ஏர்ஃபைபர் திட்டங்களில் மட்டுமே ஜியோடிவி+க்கான அணுகல் கிடைக்கும், மேலும் பயனர்கள் இப்போது ஒன்றுக்கு மேற்பட்ட டிவைஸ்களிலும் ஜியோடிவி+ஐ பயன்படுத்தலாம்.

JioTV+ உடன் கூடிய குறைந்த விலை ஜியோ ஃபைபர் ப்ரீபெய்ட் திட்டம் ரூ.999 ஆகும். இது 150 Mbps வேகத்தை வழங்குகிறது. போஸ்ட்பெய்டு பயனர்களுக்கு, 30 Mbps வேகத்தில் அன்லிமிடெட் டேட்டாவுடன் மாதம் ரூ.599க்கு வழங்கப்படுகிறது.