லேப்டாப் பேட்டரி ஆயுள் 2x ஆக உயரும்; உடனே இந்த செட்டிங்ஸ்-ஐ மாத்துங்க!

உங்கள் லேப்டாப் பேட்டரி சீக்கிரம் தீர்ந்துபோகிறதா? இதற்கு காரணம் ஹார்டுவேர் பிரச்னை (hardware issue) அல்ல பெரும்பாலான நேரங்களில் உங்கள் பவர் செட்டிங்ஸ்கள்தான். தொழில்நுட்ப வல்லுநர்களின் கூற்றுப்படி, சில செட்டிங் சரிசெய்வதன் மூலம் உங்கள் பேட்டரியின் ஆயுளைக் நீட்டிக்க முடியும். ஸ்கிரீன் பிரைட்னெஸ் குறைப்பது முதல், தேவையற்ற புரோகிராம்களை நிறுத்துவது வரை சில எளிய மாற்றங்கள் உங்கள் லேப்டாப்பை சார்ஜிங்கில் நீண்ட நேரம் இயங்க வைக்கும்.

பவர் பிளானை சரிசெய்யுங்கள்

விண்டோஸ் மற்றும் மேகோஸ் (macOS) இயங்குதளங்கள், பேட்டரியை மிச்சப்படுத்துவதற்காகவே வடிவமைக்கப்பட்ட பவர் மோட்களுடன் வருகின்றன. மின்சார இணைப்பு இல்லாதபோது, 'பேட்டரி சேவர்' அல்லது 'எனர்ஜி சேவர்' மோடுகளைப் பயன்படுத்த வல்லுநர்கள் பரிந்துரைக்கின்றனர். இந்த மோட்கள் பின்னணியில் இயங்கும் செயலிகளைக் குறைத்து, ஸ்கிரீன் பிரகாசத்தைக் குறைத்து, அதிக ஆற்றல் தேவைப்படும் வன்பொருள் பயன்பாடுகளைக் கட்டுப்படுத்துகின்றன.

டிஸ்பிளே பிரைட் & ஸ்லீப் செட்டிங்ஸ்களை சரிசெய்யுங்கள்

லேப்டாப்பின் பேட்டரியை அதிகம் பயன்படுத்தும் பாகங்களில் ஒன்று அதன் டிஸ்பிளே. ஆற்றல் திறன் வல்லுநர்களின் கூற்றுப்படி, ஸ்கிரீன் பிரகாசத்தைக் குறைப்பது பேட்டரி ஆயுளை உடனடியாக மேம்படுத்தும். சிறிது நேர பயன்பாடற்ற நிலையில் தானாகவே டிஸ்பிளே மங்கவும், சில நிமிடங்களுக்குப் பிறகு லேப்டாப் ஸ்லீப் மோடில் செல்லவும் அமைப்புகளை மாற்றி வையுங்கள்.

பின்னணி செயலிகள் & ஸ்டார்ட்அப் புரோகிராம்களை முடக்குங்கள்

பல செயலிகள் நீங்கள் அறியாமலேயே பின்னணியில் இயங்கிக் கொண்டிருப்பதால், பேட்டரி ஆற்றல் வீணாகிறது. டாஸ்க் மேனேஜர் (Task Manager) அல்லது ஆக்டிவிட்டி மானிட்டர் (Activity Monitor) போன்ற கருவிகளைப் பயன்படுத்தி, தேவையில்லாத ஸ்டார்ட்அப் புரோகிராம்கள் மற்றும் பின்னணி செயலிகளை அடையாளம் கண்டு முடக்கலாம். இதனால் பேட்டரியின் சுமை குறையும்.

ப்ளூடூத் & வைஃபையை ஆப் செய்து வையுங்கள்

வயர்லெஸ் இணைப்புகள் பேட்டரியை வேகமாக வெளியேற்றும். நீங்கள் ப்ளூடூத் அல்லது வைஃபையைப் பயன்படுத்தாதபோது, அவற்றை அணைத்து வைப்பது பேட்டரி ஆயுளைக் கணிசமாக நீட்டிக்கும். இந்த சிறிய மாற்றத்தை ஐடி தொழில்நுட்ப வல்லுநர்கள் பெரிதும் பரிந்துரைக்கின்றனர்.

சிபியு பயன்பாட்டை நிர்வகியுங்கள்

நவீன லேப்டாப்களில் செயல்திறனைக் கட்டுப்படுத்தும் அமைப்புகள் உள்ளன. 'உயர் செயல்திறன்' (High-performance) மோடுகள் வேகத்தை அதிகரித்தாலும், பேட்டரி ஆயுளைக் குறைக்கும். அதற்குப் பதிலாக, 'பேலன்ஸ்டு' (Balanced) அல்லது 'பவர் சேவிங்' (Power-saving) மோடுகளைப் பயன்படுத்துங்கள். இந்த மோடுகள் தேவையான அளவு மட்டுமே சிபியு ஆற்றலைப் பயன்படுத்தும்.

டிரைவர்கள் & இயங்குதளத்தை அப்டேட் செய்து வையுங்கள்

பழைய சாப்ட்வேர் மற்றும் டிரைவர்கள் பேட்டரியை திறனற்ற முறையில் பயன்படுத்தக்கூடும். உற்பத்தியாளர்கள் பிழைகளைச் சரிசெய்யவும், ஆற்றல் பயன்பாட்டை மேம்படுத்தவும் அடிக்கடி அப்டேட்களை வெளியிடுவார்கள். உங்கள் சிஸ்டத்தை புதுப்பித்து வைப்பது பேட்டரி செயல்திறனை மேம்படுத்த உதவும்.

பேட்டரி ஹெல்த் மேனேஜ்மென்ட் பயன்படுத்துங்கள்

புதிய லேப்டாப்களில் பேட்டரி ஹெல்த் மேனேஜ்மென்ட் கருவிகள் உள்ளன. இவை சார்ஜிங் முறைகளை மாற்றி, பேட்டரியின் ஆயுளை நீட்டிக்கின்றன. இந்த அம்சங்களை இயக்குவதன் மூலம் பேட்டரி அதிகப்படியாக சார்ஜ் ஆவதைத் தடுக்கலாம்.

தேவையில்லாத சாதனங்களை நீக்குங்கள்

யு.எஸ்.பி டிரைவ்கள், வெப்கேம்கள் அல்லது மவுஸ் போன்ற வெளிப்புற சாதனங்கள் பயன்பாட்டில் இல்லாதபோதும் பேட்டரியை வெளியேற்றும். இத்தகைய அவசியமற்ற சாதனங்களை லேப்டாப்பில் இருந்து துண்டித்து வைப்பது பேட்டரி ஆயுளை நீட்டிக்கும்.

பேட்டரி பயன்பாட்டு அறிக்கைகளை சரிபார்க்கவும்

விண்டோஸ் மற்றும் மேகோஸ் இரண்டிலும் பேட்டரி பயன்பாட்டு அறிக்கைகளைச் சரிபார்க்கும் வசதி உள்ளது. எந்தெந்த செயலிகள் அதிக பேட்டரியை பயன்படுத்துகின்றன என்பதை இந்த அறிக்கைகள் மூலம் கண்டறியலாம். இதன் மூலம் எந்தெந்த செயலிகளைச் சரிசெய்ய வேண்டும் அல்லது நீக்க வேண்டும் என முடிவு செய்யலாம்.

பவர் பேங்கை பயன்படுத்துங்கள்

நீங்கள் அடிக்கடி வெளியே பயணம் செய்பவராக இருந்தால், ஒரு உயர் திறன் கொண்ட லேப்டாப் பவர் பேங்கை எடுத்துச் செல்வது ஒரு நல்ல தீர்வாக இருக்கும். இது பேட்டரி செட்டிங்ஸ்களை சரிசெய்யாவிட்டாலும், அவசரத் தேவையின்போது சார்ஜிங் தீர்ந்துவிடாமல் உங்களைக் காக்கும்.