வெறும் ரூ.7,500க்குள் 5G ஸ்மார்ட்போன்.. 5000mAh பேட்டரியுடன் லாவா களமிறக்கிய பவுர்ஹவுஸ் போன்!

இந்திய ஸ்மார்ட்போன் சந்தையில் பரபரப்பைக் கிளப்ப, லாவா நிறுவனம் மலிவு விலையில் புதிய 5G போனை அறிமுகப்படுத்தியுள்ளது. லாவா போல்ட் N1 5G என்ற பெயரில் வெளிவந்துள்ள இந்த ஸ்மார்ட்போன், பட்ஜெட் விலையில் 5G அனுபவத்தை விரும்பும் வாடிக்கையாளர்களுக்கு ஒரு சிறந்த வாய்ப்பாக அமைந்துள்ளது.

ரூ.7,499 என்ற விலையில் தொடங்கும் இந்த போனில், UNISOC T765 என்ற சக்திவாய்ந்த செயலி உள்ளது. இதன் மூலம், போனின் வேகம் சிறப்பாக இருக்கும். நாள் முழுவதும் நீடிக்கும் 5,000mAh பேட்டரியுடன், 18W ஃபாஸ்ட் சார்ஜிங் ஆதரவும் உள்ளது. இது பேட்டரி பற்றிய கவலையை நீக்கும். இந்த போனில் உள்ள 6.75 இன்ச் HD+ டிஸ்ப்ளே, வீடியோ பார்ப்பதற்கும் கேம் விளையாடுவதற்கும் அருமையாக இருக்கும். 90Hz ரெஃப்ரெஷ் ரேட் இருப்பதால், போன் பயன்படுத்தும் அனுபவம் மிக மென்மையாக இருக்கும்.

கேமராவைப் பொறுத்தவரை, பின்னால் 13MP AI டூயல் கேமரா அமைப்பு உள்ளது. இது, இந்த விலைக்கு நல்ல அம்சம். அதோடு, 4K வீடியோவை பதிவு செய்யும் வசதியும் இதில் உள்ளது. முன்பக்கத்தில் 5MP கேமரா செல்ஃபிக்களுக்காக கொடுக்கப்பட்டுள்ளது. 

ஆண்ட்ராய்டு 15-ல் இயங்கும் இந்த போனுக்கு, 2 பெரிய ஆண்ட்ராய்டு அப்டேட்கள் மற்றும் 3 வருட பாதுகாப்பு அப்டேட்களை வழங்குவதாக லாவா நிறுவனம் உறுதியளித்துள்ளது. மேலும், தூசி மற்றும் நீர் தெறிப்பிலிருந்து பாதுகாக்கும் IP54 ரேட்டிங் இருப்பதால், இந்த போன் இன்னும் உறுதியாக இருக்கும். இந்த அம்சங்கள் அனைத்தும் ரூ.7,499 விலையில் கிடைப்பது, லாவா போல்ட் N1 5G-ஐ ஒரு சிறப்பான தேர்வாக மாற்றுகிறது.

4GB RAM + 64GB சேமிப்பகம்: ரூ.7,499

4GB RAM + 128GB சேமிப்பகம்: ரூ.7,999

நிறங்கள்: ஷாம்பெயின் கோல்ட், ராயல் ப்ளூ

அறிமுக சலுகையாக, எஸ்.பி.ஐ வங்கி கார்டுகளுக்கு ரூ.750 தள்ளுபடி வழங்கப்படும் என லாவா அறிவித்துள்ளது. இந்த ஸ்மார்ட்போன் அமேசான் கிரேட் இந்தியன் ஃபெஸ்டிவல் சலுகைகளுடன் இது விற்பனைக்கு வருவதால், மலிவு விலை 5ஜி ஸ்மார்ட்போன் வாங்க திட்டமிடுபவர்கள் இதை நிச்சயம் பரிசீலிக்கலாம்.