ரே-பான் ஸ்மார்ட்கிளாஸில் மெட்டா ஏ.ஐ : தொழில்நுட்பத்தின் அடுத்த கட்டம்!

ஃபேஸ்புக்கின் தாய் நிறுவனமான மெட்டா, விரைவில் இந்தியாவில் தனது ரே-பான் மெட்டா ஸ்மார்ட் கண்ணாடிகளை அறிமுகப்படுத்த திட்டமிட்டுள்ளது. நவீன உலகை அடுத்தக்கட்டத்திற்கு எடுத்துச் செல்லும் வகையில், மெட்டா மற்றும் ரே-பான் ஆகிய இரு நிறுவனங்களும் இணைந்து புதிய ரே-பான் மெட்டா ஸ்மார்ட் கிளாஸ்-ஐ அறிமுகப்படுத்தியது. இந்த கண்ணாடிகள் செயற்கை நுண்ணறிவு (AI) அம்சங்கள் உட்பட மேம்பட்ட தொழில்நுட்பத்துடன் பொருத்தப்பட்டுள்ளன.உலகளாவிய கண்ணாடி பிராண்டான EssilorLuxottica உடன் இணைந்து தயாரிக்கப்பட்ட இந்த கண்ணாடிகள், மெட்டா AI தொழில்நுட்பத்தால் இயக்கப்படுகின்றன. இதில், வாட்ஸ்அப், மெசஞ்சர் மற்றும் இன்ஸ்டாகிராம் போன்ற பயன்பாடுகளைப் பெறலாம். 

இந்த ஹேண்ட்ஸ்-ஃப்ரீ சாதனமான ரே-பான் மெட்டா ஸ்மார்ட் கிளாஸ் ஒரு சிறிய கேமரா மற்றும் மைக்ரோஃபோனுடன் வருகிறது. இதில் இருக்கும் ஹே மெட்டா (Hey Meta) என்ற குரல் அம்சத்தின் மூலம் ஆங்கிலம், இத்தாலியன் மற்றும் பிரஞ்சு மொழிகளில் ஏஐ உடன் உரையாடலில் ஈடுபட முடியும். ஒரு நேரத்தில் ஒரு மொழியைப் மட்டுமே பயன்படுத்த முடியும்.

இந்த கண்ணாடிகளில் தனிப்பட்ட ஆடியோ சிஸ்டம் உள்ளது. இதனால் கண்ணாடியை அணிபவருக்கு மட்டுமே ஆடியோ கேட்கும். ரே-பான் மெட்டா ஸ்மார்ட் கிளாஸை ஒரு முறை சார்ஜ் செய்தால் 4 மணிநேரம் வரை பயன்படுத்த முடியும். இதிலிருக்கும் கேமரா மூலம் நீங்கள் என்ன பார்கிறீர்களோ அதை பேஸ்புக் அல்லது இன்ஸ்டாகிராமில் லைவ் ஸ்ட்ரீம் செய்யலாம்.

கடந்த அக்டோபரில் மெட்டா கனெக்ட் 2024-ல் நேரடி மொழிபெயர்ப்பு முதன்முதலில் கிண்டல் செய்யப்பட்டது. கடந்த டிசம்பரில் தேர்ந்தெடுக்கப்பட்ட நாடுகளில் மெட்டாவின் ஆரம்ப அணுகல் திட்டத்தின் மூலம் வளர்ச்சியை கண்டது. ரே-பான் மெட்டா ஸ்மார்ட் கண்ணாடிகள் கிடைக்கும் அனைத்து சந்தைகளுக்கும் வெளியிடப்படுகிறது. ஆங்கிலம், பிரஞ்சு, இத்தாலி அல்லது ஸ்பானிஷ் பேசும் ஒருவருடன் நீங்கள் இந்த கண்ணாடி அணிந்து உரையாடலாம். மேலும் ஸ்மார்ட் கண்ணாடிகள் மூலம் உங்களுக்கு விருப்பமான மொழியில் நிகழ்நேர மொழிபெயர்ப்பைக் கேட்கலாம்.

நீங்கள் முன்கூட்டியே ஒரு மொழியை பதிவிறக்கம் செய்தால், Wi-Fi அல்லது மொபைல் நெட்வொர்க்கை இல்லாமல் நேரடி மொழிபெயர்ப்பு அம்சத்தைப் பயன்படுத்தலாம். இது வெளிநாடுகளுக்குச் செல்லும் சுற்றுலாப் பயணிகளுக்கு வசதியாக இருக்கும்.

இந்த கண்ணாடிகள், "ஹே மெட்டா" என்று சொல்வதன் மூலம் ஹேண்ட்ஸ்-ஃப்ரீ (Hands Free) ஆக பயனர்கள் கேள்விகளைக் கேட்கவும், நேரடியாக மொழிபெயர்க்கவும், இசையை கட்டுப்படுத்தவும், செய்திகளை அனுப்பவும் கூட அனுமதிக்கின்றன. இதில் 1080பி வீடியோக்களை (1080p Videos) படமாக்கக்கூடிய 12 மெகாபிக்சல் கேமராவை கொண்டுள்ளன. ஓப்பன் இயர் ஸ்பீக்கர்களும் (Open Ear Speakers) பொருத்தப்பட்டுள்ளது.