6,000mAh பேட்டரி, 50MP ட்ரிபிள் கேமரா... ரூ.12,000 டிஸ்கவுண்ட்டில் ஒன்பிளஸ் 13! இதை மிஸ் பண்ணாதீங்க!

செப்.23 முதல் அனைவரும் எதிர்பார்த்த அமேசான் கிரேட் இந்தியன் ஃபெஸ்டிவல் 2025 விற்பனை பிரம்மாண்டமாக ஆரம்பமாகிறது. பிரைம் உறுப்பினர்கள் ஒரு நாள் முன்னதாகவே அதாவது செப்டம்பர் 22 அன்று நள்ளிரவு முதல் இந்த சலுகைகளைப் பெறலாம். இந்த பண்டிகைக் காலத்தில் ஸ்மார்ட்போன்கள், ஸ்மார்ட்வாட்ச்கள், டேப்லெட், இயர்போன்கள், லேப்டாப், ஸ்மார்ட் டிவிகள் மற்றும் வீட்டு உபயோகப் பொருட்கள் என பல்வேறு தயாரிப்புகளுக்கு அதிரடியான தள்ளுபடிகள் காத்திருக்கின்றன. இதில் மிக முக்கியமானது, ஒன்பிளஸ் 13 ஸ்மார்ட்போனிற்கு கிடைக்கும் ஆஃபர்தான்.

OnePlus 13-ல் சிறந்த தள்ளுபடிகள்

ஒன்பிளஸ் கிளப்-இன் அதிகாரப்பூர்வ X பக்கத்தில் வெளியான தகவலின்படி, ஜனவரி மாதம் ரூ.69,999-க்கு அறிமுகப்படுத்தப்பட்ட ஒன்பிளஸ் 13, இந்த அமேசான் கிரேட் இந்தியன் ஃபெஸ்டிவல் விற்பனையின்போது ரூ.57,999-க்குக் கிடைக்கும். அதன் ஆரம்ப விலையிலிருந்து குறிப்பிடத்தக்க தள்ளுபடி. மேலும், எஸ்.பி.ஐ வங்கி கிரெடிட், டெபிட் கார்டுகளைப் பயன்படுத்தினால் கூடுதல் தள்ளுபடியும் பெறலாம். OnePlus 13-ஐத் தவிர, மற்ற ஒன்பிளஸ் மாடல்களுக்கும் தள்ளுபடி உண்டு.

OnePlus 13s (12GB+256GB): ரூ.54,999-லிருந்து ரூ.47,999-க்குக் குறைகிறது.

OnePlus Nord 5: ரூ/28,749-க்குக் கிடைக்கும்.

OnePlus Nord 4: ரூ.25,499-க்குக் கிடைக்கும்.

OnePlus Nord CE 4 Lite: ரூ.15,999-க்குக் கிடைக்கும்.

OnePlus Nord CE 4: ரூ.18,499-க்குக் கிடைக்கும்.

இந்த அனைத்து சலுகைகளுக்கும் எஸ்.பி.ஐ. வங்கி கார்டு தள்ளுபடிகள் பொருந்தும்.

OnePlus 13 ஸ்மார்ட்போனின் சிறப்பம்சங்கள்:

சிறந்த டிஸ்பிளே மற்றும் கேமரா வசதியுடன் OnePlus 13 வருகிறது. 6.82 இன்ச் Quad HD+ LTPO 4.1 ProXDR டிஸ்பிளே, 1440x3168 பிக்சல் ரெசொல்யூஷன் மற்றும் 120Hz புதுப்பிப்பு விகிதத்தைக் கொண்டுள்ளது. இதன் உச்சபட்ச பிரகாசம் 4,500 nits.

Qualcomm Snapdragon 8 Elite செயலி மூலம் இயக்கப்படுகிறது. 6,000mAh பேட்டரி 100W வயர்டு SuperVOOC ஃபாஸ்ட் சார்ஜிங் மற்றும் 50W வயர்லெஸ் சார்ஜிங்கை ஆதரிக்கிறது. ஆண்ட்ராய்டு 15-இல் இயங்குகிறது. பின்புறத்தில் 3 கேமரா அமைப்பு உள்ளது: 50MP முதன்மை சென்சார், 50MP அல்ட்ராவைடு மற்றும் 50MP பெரிஸ்கோப் டெலிஃபோட்டோ லென்ஸ். முன்புறத்தில் 32MP செல்ஃபி கேமரா உள்ளது. 213 கிராம் எடை கொண்டது மற்றும் 162.9 மிமீ x 76.5 மிமீ x 8.9 மிமீ பரிமாணங்களைக் கொண்டுள்ளது.