கைபட்டால் நிறம் மாறும் அதிசயம்... 6,000mAh பேட்டரியுடன் ஓப்போ ரெனோ 14 தீபாவளி எடிஷன் அறிமுகம்!

ஓப்போ நிறுவனம் இந்தியாவிற்காகவே பிரத்தியேகமாக வடிவமைக்கப்பட்ட ரெனோ14 5ஜி தீபாவளி எடிஷன் ஸ்மார்ட்போனை அறிமுகப்படுத்தி உள்ளது. இந்தச் சிறப்புப் பதிப்பின் தனித்துவமான அம்சங்கள் மற்றும் சலுகைகளைப் பற்றி இந்தப் பதிவில் காணலாம்.

இந்த தீபாவளி எடிஷன் ஸ்மார்ட்போன், இந்தியப் பண்டிகை உணர்வை வெளிப்படுத்தும் வகையில் கலை, மயில் உருவங்கள் மற்றும் பண்டிகை டிசைன்களுடன் வடிவமைக்கப்பட்டுள்ளது. இதன் சிறப்பம்சம் என்னவென்றால், இதில் அறிமுகப்படுத்தப்பட்டுள்ள ஹீட் உணர்வு, வண்ணம் மாறும் தொழில்நுட்பம் (Heat-Sensitive, Colour-Changing Design) தான். இந்த போனை நீங்கள் கைகளில் ஏந்தும்போது, உடல் வெப்பத்தால் இதன் பின் பகுதி கருப்பு நிறத்தில் இருந்து பொன்னிறமாக (Gold) மாறுவது பார்வையாளர்களை மெய்சிலிர்க்க வைக்கும்.

ஓப்போ ரெனோ 14 5ஜி தீபாவளி எடிஷன் ஸ்மார்ட்போன், 8GB RAM+256GB சேமிப்பு மட்டுமே கிடைக்கிறது. அசல் விலை ரூ.39,999/ குறிப்பிட்ட காலத்திற்கு, நீங்க இந்தப் போனை ரூ. 36,999 என்ற குறைந்த விலையில் வாங்க முடியும்.

பிற அதிரடி ஆஃபர்கள்:

6 மாதங்கள் வரை வட்டி இல்லாத தவணை முறை (No Cost EMI), சில பரிவர்த்தனைகளுக்கு ரூ.3,000 வரை அதாவது 10% கேஷ்பேக். ஜீரோ டவுன் பேமென்ட் திட்டங்கள் (8 மாதங்கள் வரை). பழைய போனை எக்ஸ்சேஞ்ச் செய்யும்போது ரூ.3,000 வரை எக்ஸ்சேஞ்ச் போனஸ் (Exchange Bonus). கூடுதலாக, 3 மாதங்களுக்கு கூகுள் ஒன் 2TB Cloud + ஜெமினி அட்வான்ஸ்டு இலவசமாக கிடைக்கிறது. 

இந்த ஸ்மார்ட்போனின் மையத்தில் MediaTek Dimensity 8350 சிப்செட் உள்ளது. இது வேகமான மற்றும் நம்பகமான செயல்திறனை உறுதி செய்கிறது. இது 8GB RAM (LPDDR5X) மற்றும் 256GB சேமிப்பகத்துடன் (Storage) வருகிறது. பயனர்களுக்கு நீண்ட நேரம் பயன்படுத்தும் அனுபவத்தை உறுதி செய்யும் வகையில், இதில் 6,000mAh பேட்டரி பொருத்தப்பட்டுள்ளது. இந்த பேட்டரியை மிக வேகமாக சார்ஜ் செய்ய 80W வயர்டு சார்ஜிங் வசதி ஆதரவு அளிக்கப்படுகிறது.

OPPO Reno 14-ன் காட்சித் தரம் மிகச் சிறப்பானது. 6.59-இன்ச் OLED திரையைக் கொண்டுள்ளது. 120Hz புதுப்பிப்பு வீதம் (Refresh Rate) காரணமாக, ஸ்க்ரோலிங் மற்றும் கேமிங் போன்ற காட்சிகள் மிகவும் மிருதுவாகவும் துல்லியமாகவும் இருக்கும். சிராய்ப்புகள் மற்றும் கீறல்களில் இருந்து திரையைப் பாதுகாக்க Corning Gorilla Glass 7i பாதுகாப்பு வழங்கப்பட்டுள்ளது. சாதனத்தின் நீடித்து உழைக்கும் தன்மைக்காக, அலுமினிய ஃபிரேம் மற்றும் Armour கட்டமைப்பு பயன்படுத்தப்பட்டுள்ளது. இது IP66, IP68, மற்றும் IP69 எனப் பலவித நீர் மற்றும் தூசி எதிர்ப்புத் தரங்களைப் பெற்றுள்ளதால், எந்தச் சூழலிலும் உறுதியாக இருக்கும்.

புகைப்படம் எடுப்பதில் இந்த போன் பாய்ச்சலை எடுத்து வைத்துள்ளது. இதில் பின்+முன் என இருபுறமும் சக்திவாய்ந்த 50MP சென்சார்கள் உள்ளன. 50MP முதன்மை சென்சார் (Optical Image Stabilisation - OIS உடன்), 50MP டெலிஃபோட்டோ லென்ஸ் மற்றும் 8MP அல்ட்ரா-வைட் லென்ஸ் ஆகியவை ட்ரிபிள் கேமரா அமைப்பாகச் செயல்படுகின்றன. செல்ஃபி மற்றும் வீடியோ அழைப்புகளுக்காக 50MP சென்சார் உள்ளது. இதன் கேமரா பயன்பாட்டில் ஏ.ஐ.யால் இயக்கப்படும் பல எடிட்டிங் மற்றும் திறன் கருவிகள் இடம்பெற்றுள்ளன. இதில் ஏ.ஐ. வாய்ஸ் Enhancer, ஏ.ஐ. எடிட்டர் 2.0, ஏ.ஐ Perfect Shot ஆகியவை பயனர்களின் புகைப்பட அனுபவத்தை அடுத்த கட்டத்திற்கு எடுத்துச் செல்கின்றன.

தீபாவளி பண்டிகைக்கு தனித்துவமான தோற்றத்துடனும், சக்திவாய்ந்த அம்சங்களுடனும் ஸ்மார்ட்போனை வாங்க நினைப்பவர்களுக்கு, இந்த ஓப்போ ரெனோ 14 5ஜி தீபாவளி எடிஷன் சிறந்த தேர்வாக இருக்கும்.