அனல் பறக்கும் 'கேம் ஆஃப் த்ரோன்ஸ்' தீம்... 7,000mAh பேட்டரியுடன் ரியல்மீ 15 ப்ரோ 5G வருது!

ரியல்மீ நிறுவனம் அதன் புதிய 15 Pro 5G கேம் ஆஃப் த்ரோன்ஸ் லிமிடெட் எடிஷன் ஸ்மார்ட்போனை இந்தியாவில் விரைவில் அறிமுகப்படுத்த உள்ளதாகத் தெரிவித்துள்ளது. இதுகுறித்து சீன ஸ்மார்ட்போன் தயாரிப்பு நிறுவனம் டீசரை வெளியிட்டுள்ளது. எனினும், இந்தச் சிறப்பு எடிஷன் போன் பற்றிய வேறு எந்த விவரங்களையும் நிறுவனம் வெளியிடவில்லை.

ஸ்டாண்டர்ட் ரியல்மீ 15 ப்ரோ 5G மாடல், இந்த ஆண்டு ஜூலையில் இந்தியாவில் அறிமுகப்படுத்தப்பட்டது. இது 3 வண்ணங்கள், 4 ஸ்டோரேஜ் (storage) விருப்பங்களில் கிடைக்கிறது. இருப்பினும், வரவிருக்கும் இந்தச் சிறப்புப் பதிப்பு போன், அதே அம்சங்கள் மற்றும் விவரக்குறிப்புகளுடன் புதிய வண்ணத்தில் வரலாம் என்று எதிர்பார்க்கப்படுகிறது.

ரியல்மீ 15 ப்ரோ 5G Game of Thrones Limited Edition இந்தியாவில் விரைவில் அறிமுகப்படுத்தப்படும் என்று ரியல்மி உறுதிப்படுத்தியுள்ளது. இதன் விலை மற்றும் வெளியீட்டுத் தேதி குறித்த விவரங்கள் இன்னும் அறிவிக்கப்படவில்லை. இந்த லிமிடெட் எடிஷன் போன், ஸ்டாண்டர்ட் ரியல்மீ 15 Pro 5G மாடலின் விலையிலேயே அறிமுகமாகலாம் என்று எதிர்பார்க்கப்படுகிறது.

ஸ்டாண்டர்ட் மாடலின் அடிப்படை வேரியண்டான 8GB RAM + 128GB சேமிப்பு வசதி கொண்ட மாடலின் விலை ரூ. 31,999 ஆகும்.

மற்ற வேரியண்டுகளின் விலைகள்:

8GB RAM + 256GB சேமிப்பு: ரூ. 33,999

12GB RAM + 256GB சேமிப்பு: ரூ. 35,999

12GB RAM + 512GB சேமிப்பு: ரூ. 38,999

இந்த ஸ்டாண்டர்ட் மாடல் Flowing Silver, Velvet Green மற்றும் Silk Purple ஆகிய வண்ணங்களில் கிடைக்கிறது. ரியல்மீ 15 Pro 5G Game of Thrones Limited Edition, ஜூலை மாதம் வெளியான ஸ்டாண்டர்ட் மாடலின் அம்சங்களையே கொண்டிருக்கும் என்று எதிர்பார்க்கப்படுகிறது. 

6.8 இன்ச் 1.5K (2,800×1,280 பிக்சல்கள்) AMOLED திரை, 144Hz புதுப்பிப்பு வீதம் (Refresh Rate), 2,500Hz இன்ஸ்டன்ட் டச் சாம்ப்ளிங் வீதம், 6,500 நிட்ஸ் உள்ளூர் உச்ச பிரகாசம் இருக்கும் எனத் தெரிகிறது. முன் பக்கத்தில் Corning Gorilla Glass 7i பாதுகாப்பு, Snapdragon 7 Gen 4 SoC சிப்செட், 12GB வரை LPDDR4X RAM மற்றும் 512GB வரை UFS 3.1 உள்ளமைக்கப்பட்ட சேமிப்பு. பின்புற கேமரா: 50-மெகாபிக்சல் Sony IMX896 முதன்மை கேமரா + 50-மெகாபிக்சல் அல்ட்ராவைடு-ஆங்கிள் லென்ஸ், முன்புற கேமரா: 50-மெகாபிக்சல் செல்ஃபி கேமரா கொண்டிருக்கும். 7,000mAh பேட்டரி மற்றும் 80W வயர்டு ஃபாஸ்ட் சார்ஜிங் ஆதரவு, IP66+IP68+IP69 மதிப்பீடுகள், இன்-டிஸ்பிளே கைரேகை ஸ்கேனர், 5G, 4G, Wi-Fi, Bluetooth 5.4, GPS மற்றும் USB Type-C இணைப்பு போன்ற சிறப்பம்சங்களுடன் களமிறங்கவுள்ளது.