12 ஜிபி ரேம், 6000mAh பேட்டரி, 80W ஃபாஸ்ட் சார்ஜிங்...ரூ.20,000-க்குள் ரியல்மீ பிரீமியம் ஸ்மார்ட்போன்!

ரியல்மி நிறுவனம் அதன் நார்சோ வரிசையில் புதிதாக அறிமுகப்படுத்திய 80 Pro 5G, பட்ஜெட் விலை கொண்ட ஸ்மார்ட்போன்களில் சிறந்த தேர்வாக அமைந்துள்ளது. இது செயல்திறன், பிரீமியம் அம்சங்கள் மற்றும் கவர்ச்சியான வடிவமைப்பு ஆகியவற்றின் கலவையாக வெளியாகி உள்ளது. ரூ.20,000-க்குள் சிறந்த 5G ஸ்மார்ட்போனைத் தேடுபவர்களுக்கு இது சிறந்த தேர்வு.

Realme Narzo 80 Pro 5G நேர்த்தியான வடிவமைப்பைக் கொண்டுள்ளது. இதன் 6.7 இன்ச் கொண்ட OLED வளைந்த காட்சித் திரை (Curved Display) பிரீமியம் உணர்வை அளிக்கிறது. 120Hz ரெஃப்ரெஷ் ரேட் கொண்ட திரை, வீடியோ பார்ப்பதற்கும், கேமிங் அனுபவத்திற்கும் மிக மென்மையான மற்றும் துல்லியமான காட்சிகளை வழங்குகிறது. மேலும், இதில் 4500 nits பீக் பிரைட்னஸ் இருப்பதால், அதிக சூரிய ஒளியிலும் திரை தெளிவாகப் பார்க்க முடியும். இது IP69 தரச்சான்று பெற்றிருப்பதால், நீர் மற்றும் தூசு பாதிப்புகளில் இருந்து பாதுகாப்பாக இருக்கும்.

இந்த ஸ்மார்ட்போன் Mediatek Dimensity 7400 5G சிப்செட் மூலம் இயக்கப்படுகிறது. இது 4nm-ல் தயாரிக்கப்பட்ட சிப்செட் என்பதால், அதிக செயல் திறனுடன் சிறந்த ஆற்றல் சேமிப்பையும் வழங்குகிறது. கேமிங் மற்றும் பல வேலைகளை ஒரே நேரத்தில் செய்வதற்கும் (multitasking) சிப்செட் மிக சக்தி வாய்ந்தது. Android 15-ல் இயங்கும் Realme UI 6.0 பயனர் இடைமுகம் (user interface) எளிமையான மற்றும் சிறப்பான அனுபவத்தை வழங்குகிறது.

புகைப்படம் எடுப்பவர்களுக்கு இது சிறந்த தேர்வாக உள்ளது. இதன் பின்புறத்தில் 50MP கொண்ட பிரதான கேமரா (Sony IMX882 sensor), OIS (Optical Image Stabilization) ஆதரவுடன் வருகிறது. இதனால், வீடியோ எடுக்கும் போதும், புகைப்படம் எடுக்கும் போதும் ஏற்படும் அசைவுகளைக் குறைத்து, தெளிவான படங்களை எடுக்க முடியும். மேலும், 2MP கொண்ட மற்றொரு லென்ஸும் உள்ளது. முன்புறத்தில் 16MP செல்ஃபி கேமரா உள்ளது. இது நல்ல தரமான செல்ஃபி மற்றும் வீடியோ அழைப்புகளுக்கு போதுமானது.

Realme Narzo 80 Pro 5G-யில் 6000mAh திறன் கொண்ட பெரிய பேட்டரி பொருத்தப்பட்டுள்ளது. ஒருநாள் முழுவதும் நீடித்து உழைக்கும் ஆற்றலை வழங்குகிறது. மேலும், இதில் உள்ள 80W SuperVOOC ஃபாஸ்ட் சார்ஜிங் தொழில்நுட்பம், பேட்டரியை மிக விரைவாக சார்ஜ் செய்ய உதவுகிறது. வெறும் சில நிமிடங்களில் கணிசமான சார்ஜைப் பெற முடியும். இது 8GB/12GB ரேம் மற்றும் 128GB/256GB சேமிப்பு விருப்பங்களில் கிடைக்கிறது. ஸ்டீரியோ ஸ்பீக்கர்கள் சிறந்த ஆடியோ அனுபவத்தை வழங்குகின்றன. விரல்ரேகை சென்சார் (in-display fingerprint sensor) கொடுக்கப்பட்டுள்ளது. 

Realme Narzo 80 Pro 5G-யின் ஆரம்ப விலை சுமார் ரூ.18,000 முதல் ரூ.20,000 வரை உள்ளது. அதன் மாறுபட்ட ரேம் மற்றும் சேமிப்பு வகைகளுக்கு ஏற்ப விலை மாறுகிறது. சக்திவாய்ந்த சிப்செட், சிறந்த கேமரா, நீண்ட பேட்டரி ஆயுள், அதிவேக சார்ஜிங் மற்றும் பிரீமியம் OLED வளைந்த திரை ஆகிய அம்சங்களுடன், Realme Narzo 80 Pro 5G அதன் விலைக்கு ஏற்ற முழுமையான ஸ்மார்ட்போனாக உள்ளது.