Realme X7 Max 5G Realme smart tv 4k launched in India price specifications Tamil News : ரியல்மி எக்ஸ் 7 மேக்ஸ் 5ஜி மற்றும் புதிய ரியல்மி ஸ்மார்ட் டிவி 4கே ஆகியவை நேற்று இந்தியாவில் அறிமுகம் செய்யப்பட்டுள்ளன. ரியல்மி எக்ஸ் 7, மீடியாடெக் டைமன்சிட்டி 1200 ப்ராசசர் மூலம் இயக்கப்படுகிறது மற்றும் AMOLED டிஸ்ப்ளே கொண்டுள்ளது. 43 மற்றும் 50-இன்ச், மற்றும் டால்பி விஷன் மற்றும் டால்பி அட்மோஸ் ஆகிய ரியல்மி ஸ்மார்ட் டிவி 4கே இரண்டு வகைகளில் வருகின்றன.
ரியல்மி எக்ஸ் 7 மேக்ஸ் 5 ஜி, ரியல்மி டிவி 4கே: இந்தியாவில் விலை, விற்பனை தேதி
இந்தியாவில் ரியல்மி எக்ஸ் 7 மேக்ஸ் 5ஜி, 8 ஜிபி ரேம் + 128 ஜிபி ஸ்டோரேஜ் விருப்பத்திற்கு ரூ.26,999 ஆக நிர்ணயிக்கப்பட்டிருக்கிறது. இது கருப்பு மற்றும் சில்வர் வண்ண விருப்பங்களில் வரும். 12 ஜிபி ரேம் விருப்பம், 29,999 ரூபாய்க்கு உள்ளது. இது, 256 ஜிபி சேமிப்பிடத்தைக் கொண்டுள்ளது. புதிய சீரிஸின் விற்பனை தேதி ஜூன் 4-ம் தேதி ரியல்மி வலைத்தளம் மற்றும் பிளிப்கார்ட்டில் வெளிவரும்.
ரியல்மி அப்க்ரேட் திட்டம் இரு தொலைப்பேசிகளுக்கும் பொருந்தும். இது பயனர்கள் வாங்கும் நேரத்தில், 70 சதவீத பணத்தை மட்டுமே செலுத்துவதற்கான விருப்பத்தை அளிக்கிறது. பின்னர், ஒரு வருடத்திற்குப் பிறகு 30 சதவீதத்தை செலுத்தலாம் அல்லது வேறு ரியல்மி மேம்படுத்தத் தேர்வுசெய்து இந்த சாதனத்தைப் பரிமாறிக்கொள்ளலாம்.
ரியல்மி ஸ்மார்ட் டிவி 4கே, 43 இன்ச் பதிப்பிற்கு ரூ.27,999 ஆகவும், 50 இன்ச் ஆப்ஷனின் விலை ரூ.39,999 ஆகவும் நிர்ணயிக்கப்பட்டிருக்கின்றன. ரியல்மி டிவி 4கே, ஜூன் 4 முதல் ரியல்மி வலைத்தளம் மற்றும் ஃப்ளிப்கார்ட்டில் விற்பனைக்கு வரும்.
ரியல்மி X7 மேக்ஸ் 5G: விவரக்குறிப்புகள்
ரியல்மி எக்ஸ்7 மேக்ஸ் 5 ஜி, 6.43 இன்ச் டிஸ்ப்ளே கொண்டிருக்கிறது. இது சூப்பர் அமோலேட் டிஸ்பிளே (2400 × 1080) உடன் 120 ஹெர்ட்ஸ் புதுப்பிப்பு வீதத்துடன் உள்ளது. மேலும் இது 360 ஹெர்ட்ஸ் தொடு மாதிரி வீதத்தைக் கொண்டுள்ளது. அதுமட்டுமின்றி, இதன் அதிகபட்ச பிரகாசம் 1000 நிட். இந்த தொலைபேசி ஆக்டா கோர் மீடியாடெக் டைமன்சிட்டி 1200 ப்ராசசர் மூலம் 8 ஜிபி மற்றும் 12 ஜிபி ரேம் விருப்பங்களுடன் முறையே 128 ஜிபி அல்லது 256 ஜிபி சேமிப்பகத்துடன் இயங்குகிறது.
ரியல்மி எக்ஸ்7 மேக்ஸ் பின்புறத்தில் மூன்று கேமரா உள்ளது. இதில், 64 எம்பி பிரதான கேமரா (சோனி ஐஎம்எக்ஸ் 682 சென்சார்) மற்றும் 11 எம்.பி டிகிரி பார்வையுடன் 8 எம்.பி கேமராவும் அடங்கும். பின்புற கேமராவில் 2 எம்.பி மேக்ரோ கேமராவும் உள்ளது.
தொலைபேசியில் இன்-டிஸ்ப்ளே கைரேகை சென்சார், 50W ஃபாஸ்ட் சார்ஜிங் கொண்ட 4500 எம்ஏஎச் பேட்டரி மற்றும் தற்செயலான நீர் ஸ்பிளாஷ்களுக்கான ஐபிஎக்ஸ் 4 மதிப்பீட்டைக் கொண்டுள்ளது. சிறந்த ஒலி தரத்திற்கான தொலைபேசி, டால்பி அட்மோஸ் மற்றும் ஹை-ரெஸ் சான்றிதழோடு வருகிறது. சாதனத்தை குளிர்ச்சியாக வைத்திருக்க ஒரு செப்பு கலப்பு அமைப்பையும் கொண்டுள்ளது.
ரியல்மி, பல அடுக்கு 3D கிராஃபைட் தெர்மல் கண்டக்ஷன் கொண்டு சாதனத்தில் குளிரூட்டும் திறனை மேம்படுத்துகிறது என்று கூறுகிறது.
ரியல்மி ஸ்மார்ட் டிவி 4கே விவரக்குறிப்புகள்
ரியல்மி ஸ்மார்ட் டிவி 4கே, 43 மற்றும் 50 இன்ச் அளவுகளில் வருகின்றன. இதில், எச்டிஆர் ஆதரவு, டால்பி விஷன் தொழில்நுட்பம் மற்றும் டால்பி அட்மோஸ் ஆடியோ ஆகியவை அடங்கும். இரண்டு தொலைக்காட்சிகளும் அண்ட்ராய்டு 10 டிவியை இயக்குகின்றன மற்றும் குவாட் கோர் செயலியைக் கொண்டுள்ளன. மேலும் இவை, ஆல் இன் ஒன் ஸ்மார்ட் ரிமோட் மற்றும் கூகுள் அசிஸ்டென்ட் ஆதரவோடு வருகின்றன.
டிவியில் உள்ள போர்ட் : ஒரு எச்.டி.எம்.ஐ (ஏ.ஆர்.சி), இரண்டு எச்.டி.எம்.ஐ போர்ட்கள், இரண்டு யூ.எஸ்.பி போர்ட்கள், ஒரு ஏ.வி. போர்ட், ஒரு ட்யூனர் போர்ட், ஒரு ஏ.என்.டி போர்ட், ஒரு லேன் போர்ட் மற்றும் ஒரு ஆடியோ வெளியீட்டு போர்ட் ஆகியவை உள்ளன. இந்த டிவி, Chromecast உள்ளமைக்கப்பட்ட மற்றும் நெட்ஃப்ளிக்ஸ், அமேசான் பிரைம் வீடியோ போன்றவற்றை ஆதரிக்கிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
