நாட்டின் மிகப்பெரிய தொலைத்தொடர்பு நிறுவனமான ரிலையன்ஸ் ஜியோ தனது வாடிக்கையாளர்களுக்கு கூடுதலாக 40ஜிபி டேட்டாவை இலவசமாக வழங்குவதாக அறிவித்துள்ளது.
ஜியோ வழங்கும் ஒரு குறிப்பிட்ட ப்ரீபெய்ட் திட்டங்களுக்கு மட்டுமே இந்த இலவச 40 ஜிபி மொபைல் டேட்டா வழங்கப்படுகிறது.
ஜியோசினிமாவில் ஐ.பி.எல்., கிரிக்கெட் போட்டிகள், திரைப்படங்கள் அல்லது டிவி நிகழ்ச்சிகளைப் பார்க்க கூடுதல் டேட்டாவை அனுபவிக்கும் ஜியோ ரசிகர்களுக்கு இது ஒரு நல்ல செய்தி.
“ஜியோ கிரிக்கெட் திட்டமானது மிக உயர்ந்த டேட்டா சலுகையுடன் நிரம்பியுள்ளது – 3 ஜிபி/நாள் – மேலும் கூடுதல் இலவச டேட்டா வவுச்சர்கள், தடையற்ற ஸ்ட்ரீமிங் அனுபவத்தை உறுதி செய்கிறது” என்று ஜியோ கூறுகிறது. இந்த சலுகை குறிப்பிட்ட காலத்திற்கு மட்டுமே செல்லுபடியாகும் என்பதை வாசகர்கள் கவனிக்க வேண்டும்.
ஜியோ 40ஜிபி டேட்டாவை இலவசமாக வழங்க திட்டமிட்டுள்ளது
கூடுதல் 40ஜிபி டேட்டாவை இலவசமாக வழங்கும் ஜியோ ப்ரீபெய்ட் திட்டங்களின் பட்டியல் ₹219, ₹399 மற்றும் ₹999 ஆகும். அழைப்பு டேட்டா மற்றும் பலவற்றைப் பற்றிய விவரங்களுடன் ஒவ்வொரு திட்டத்தையும் தனித்தனியாக வழங்கியுள்ளது.
ஜியோ ₹219 ப்ரீபெய்ட் திட்டம்
ரிலையன்ஸ் ஜியோவின் ₹219 ப்ரீபெய்ட் திட்டம் தற்போது ஒரு நாளைக்கு 3ஜிபி மொபைல் டேட்டாவை வழங்குகிறது. இந்த திட்டம் 14 நாட்கள் செல்லுபடியாகும் மற்றும் வரம்பற்ற கால், டேட்டா 100SM உடன் வருகிறது. சிறப்புச் சலுகையாக, ₹25 மதிப்புள்ள ஒரு நாளைக்கு 2ஜிபி டேட்டாவை வழங்கும் ஆட்-ஆன் வவுச்சர் இலவசமாகக் கிடைக்கும்.
ஜியோ ₹399 ப்ரீபெய்ட் திட்டம்
இந்த திட்டத்தில் தினமும் 100 எஸ்.எம்.எஸ்., மற்றும் வரம்பற்ற அழைப்புகள் கிடைக்கும். இது ஒரு நாளைக்கு 3 ஜி.பி., டேட்டாவுடன் 28 நாட்கள் வேலிடிட்டிக்கு ஜியோ ஆப்களுக்கான இலவச சந்தாவை வழங்குகிறது. நிறுவனம் பயனர்களுக்கு ₹61 மதிப்புள்ள 6ஜி.பி., டேட்டா ஆட்-ஆன் வவுச்சரை இலவசமாக வழங்குகிறது.
ஜியோ ₹999 ப்ரீபெய்ட் திட்டம்
ரிலையன்ஸ் ஜியோ வழங்கும் ₹999 ப்ரீபெய்ட் திட்டம் 84 நாட்கள் செல்லுபடியாகும். இந்த திட்டம் வரம்பற்ற அழைப்பு, 100 தினசரி எஸ்.எம்.எஸ்., மற்றும் ஒரு நாளைக்கு 3 ஜி.பி., டேட்டா ஆகியவற்றை வழங்குகிறது. தற்போதைய சலுகையின் ஒரு பகுதியாக, வாங்குபவர்கள் ₹241 மதிப்புள்ள 40ஜி.பி., டேட்டா ஆட்-ஆனை இலவசமாகப் பெறலாம்.
50 ஜி.பி., 100 ஜி.பி., மற்றும் 150 ஜி.பி., இணைய டேட்டாவை வழங்கும் ₹222, ₹444 மற்றும் ₹667 விலையுள்ள கிரிக்கெட் ஆட்-ஆன் திட்டங்களையும் அறிவித்துள்ளது. ₹444 மற்றும் ₹667 ஆகியவை 60 மற்றும் 90 நாட்கள் செல்லுபடியாகும் போது, ₹222 திட்டம் செயலில் உள்ள திட்டம் காலாவதியாகும் வரை செல்லுபடியாகும்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
