உயிரணுக்களில் இருந்து எச்.ஐ.வி-ஐ நீக்க முடியும்: விஞ்ஞானிகள் புதிய ஆய்வில் தகவல்

ஒரு சக்திவாய்ந்த மரபணு-எடிட்டிங் தொழில்நுட்பமான CRISPR (கிளஸ்டர்டு ரெகுலர்லி இன்டர்ஸ்பேஸ்டு ஷார்ட் பாலிண்ட்ரோமிக் ரிபீட்ஸ்)-ஐ பயன்படுத்தி எச்.ஐ.வி சிகிச்சையை நோக்கி ஆராய்ச்சியாளர்கள் ஒரு நம்பிக்கைக்குரிய படியை எடுத்துள்ளனர். இந்த அணுகுமுறை CRISPR-ஐ பயன்படுத்துகிறது, இது மூலக்கூறு  molecular scissors உடன் ஒப்பிடப்படுகிறது, எச்.ஐ.வி-ன் டி.என்.ஏ-வை பாதிக்கப்பட்ட உயிரணுக்களில் இருந்து நீக்க முடியும் என்று பி.பி.சி தெரிவித்துள்ளது.

தற்போதுள்ள சிகிச்சைகள் எச்.ஐ.வி.யை அடக்கினாலும், அதை முழுவதுமாக அகற்ற முடியாது. இந்த புதிய ஆராய்ச்சி, அதன் ஆரம்ப கட்டத்தில் இருந்தாலும், வைரஸை முழுமையாக ஒழிக்கும் நம்பிக்கையை அளிக்கிறது,

ஆம்ஸ்டர்டாம் பல்கலைக்கழக குழு மருத்துவ மாநாட்டில் தங்கள் கண்டுபிடிப்புகளை சுருக்கமாக வழங்கினர். இது ஒரு பூர்வாங்கக் கருத்து என்றும், உடனடியாக குணப்படுத்திவிடாது என்றும் அவர்கள் வலியுறுத்துகின்றனர். பாதுகாப்பு மற்றும் செயல்திறனை உறுதிப்படுத்த கூடுதல் ஆராய்ச்சிகள் தேவை என்றும் கூறியுள்ளனர்.

நாட்டிங்ஹாம் பல்கலைக்கழகத்தின் ஸ்டெம் செல் மற்றும் ஜீன் தெரபி டெக்னாலஜிகளின் இணைப் பேராசிரியரான டாக்டர் ஜேம்ஸ் டிக்சன் போன்ற நிபுணர்கள், ஆராய்ச்சியின் முழு மதிப்பீடு அவசியம் என்பதை ஒப்புக்கொண்டுள்ளனர். 

டாக்டர் ஜேம்ஸ் டிக்சன் கூறுகையில்,  "இது ஒரு சுவாரஸ்யமான ஆய்வாகும், இதில் எச்.ஐ.வி நோயாளிகளின் உயிரணுக்களில் அதன் மரபணுவை எவ்வாறு செல்கிறது மற்றும் தக்க வைத்துக் கொள்கிறது என்பதன் நிரந்தர தன்மையை அகற்ற மரபணு-எடிட்டிங் தொழில்நுட்பம் பயன்படுத்தப்பட்டுள்ளது. எதிர்கால சிகிச்சைகளுக்குப் பயன்படுத்த இன்னும் நிறைய ஆய்வுகள் தேவைப்படும் என அவர் கூறினார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“