ரூ.10,000 பட்ஜெட்டில் பக்கா பாஸ்... டால்பி ஆடியோவுடன் வரும் 5 சிறந்த சவுண்ட் பார்கள்!

திரைப்படங்களைப் பார்க்கும்போதும் சரி, உங்களுக்குப் பிடித்த பாடல்களைக் கேட்கும்போதும் சரி, தரமான ஒலி அமைப்பு அந்த அனுபவத்தை வேறொரு தளத்திற்கு எடுத்துச்செல்லும். ஆனால், அதிக விலை கொண்ட சவுண்ட் பார் வாங்க முடியாதவர்களுக்கு என்ன செய்வது? கவலையை விடுங்கள். இந்திய சந்தையில் ரூ.10,000 பட்ஜெட்டில் சிறந்த ஒலி அனுபவத்தை வழங்கும் சவுண்ட் பார்கள் ஏராளமாக உள்ளன.

சினிமா போன்ற ஒலி அனுபவத்தை வீட்டிலேயே பெறலாம். உங்கள் ஹோம் தியேட்டரை மேம்படுத்த தரமான சவுண்ட் பார் தேடுகிறீர்களா? இந்தப் பதிவு உங்களுக்கானதுதான். 5 சிறந்த சவுண்ட் பார்களை அவற்றின் தனித்துவமான சிறப்பம்சங்களுடன் பார்க்கலாம். 

1. BoAt Aavante Bar Orion Plus

boAt நிறுவனம் இந்திய இளைஞர்களின் இதயங்களை வென்ற ஒலி சாதனங்களை வழங்குவதில் முன்னிலை வகிக்கிறது. Aavante Bar Orion Plus சவுண்ட் பார், ஒலி அனுபவத்தை புதிய நிலைக்கு எடுத்துச் செல்கிறது. 160W RMS வெளியீட்டு சக்தியுடன், ஒவ்வொரு ஒலியும் துல்லியமாகவும், ஆழமாகவும் வழங்குகிறது. வயர்டு சப்வூஃபர், பாஸ் ஒலியை வேற லெவலுக்கு கொண்டு செல்கிறது. சண்டைக் காட்சிகளாக இருக்கட்டும் (அ) மென்மையான இசைத் துணுக்குகளாக இருக்கட்டும், ஒவ்வொரு ஒலியையும் நீங்கள் உணருவீர்கள். டால்பி ஆடியோ தொழில்நுட்பம் இருப்பது கூடுதல் சிறப்பு. வீட்டில் இருந்தபடியே தியேட்டரின் பிரம்மாண்டமான ஒலி அனுபவத்தை இது உங்களுக்கு அளிக்கிறது.

2. Samsung HW-T42E/XL

சாம்சங் என்றாலே தரம் மற்றும் நம்பகத்தன்மை நினைவுக்கு வரும். அவர்களின் HW-T42E/XL சவுண்ட் பார், 150W ஒலி வெளியீட்டுடன், உங்கள் டிவியின் சாதாரண ஒலியை அற்புதமான ஆடியோ சிஸ்டமாக மாற்றும் திறன் கொண்டது. டால்பி டிஜிட்டல் தொழில்நுட்பம் தெளிவான மற்றும் துல்லியமான ஒலியை உறுதி செய்கிறது. அதுமட்டுமின்றி, வயர்லெஸ் சப்வூஃபர் இருப்பதால், அறையின் எந்த மூலையில் வேண்டுமானாலும் வைத்துக்கொள்ளலாம், இதனால் உங்கள் அறையின் அழகும் கெடாது. திரைப்படங்கள் பார்ப்பது (அ) இசையை கேட்பது, எதுவாக இருந்தாலும், இந்த சவுண்ட் பார் புதிய பரிமாணத்தை சேர்க்கும்.

3. JBL Cinema SB241

JBL நிறுவனம் உலகளவில் தனது தரமான ஒலி சாதனங்களுக்காகப் புகழ்பெற்றது. Cinema SB241 சவுண்ட் பார், சிறிய மற்றும் நடுத்தர அளவிலான அறைகளுக்கு ஏற்ற கச்சிதமான வடிவமைப்பைக் கொண்டுள்ளது. இதன் ஒலி தரம் எந்த வகையிலும் குறைவானது அல்ல. டால்பி டிஜிட்டல் ஆதரவுடன், திரைப்படங்கள், இசைக்குத் தேவையான தெளிவான ஒலியை இது வழங்குகிறது. இதனுடன் வரும் வயர்டு சப்வூஃபர், ஆழமான பாஸ் ஒலியை அளித்து, உங்கள் பொழுதுபோக்கு அனுபவத்தை மேலும் மேம்படுத்துகிறது. JBL-ன் நம்பகத்தன்மை மற்றும் தரமான ஒலி ஆகியவற்றை விரும்பும் உங்களுக்கு இது சிறந்த தேர்வாக இருக்கும்.

4. ZEBRONICS Juke Bar 4100

அதிக ஒலி வெளியீட்டை விரும்பும் பயனர்களுக்கு ZEBRONICS Juke Bar 4100 சிறந்த தேர்வாக இருக்கும். 200W RMS வெளியீட்டு சக்தி கொண்ட இது, உங்கள் அறையை அதிரவைக்கும் திறன் கொண்டது. 6.5-இன்ச் சப்வூஃபர், பஞ்ச் நிறைந்த பாஸ் ஒலியை வழங்குகிறது. அதுமட்டுமின்றி, HDMI (ARC), Optical in, USB மற்றும் AUX போன்ற பல இணைப்பு விருப்பங்கள் இதில் உள்ளன. இதனால், டிவி, லேப்டாப் (அ) பிற சாதனங்களுடன் எளிதாக இணைக்க முடியும். பட்ஜெட்டுக்கு ஏற்ற விலையில் அதிக சக்தி வாய்ந்த ஒலியைத் தேடுபவர்களுக்கு இது வரப்பிரசாதம்.

5. GOVO GoSurround 950

GOVO நிறுவனம் குறுகிய காலத்தில் தனது தரமான ஒலி சாதனங்களால் பலரின் கவனத்தை ஈர்த்துள்ளது. GoSurround 950 சவுண்ட் பார், மற்ற சவுண்ட் பார்களுடன் ஒப்பிடும்போது அதிகபட்ச வாட்ஸை வழங்குகிறது. 280W ஒலி வெளியீட்டுடன், பெரிய அறைகளுக்கும் இது சிறந்த தேர்வாக இருக்கும். டால்பி ஆடியோ தொழில்நுட்பம் இருப்பது கூடுதல் சிறப்பு. ப்ளூடூத், HDMI, AUX மற்றும் USB போன்ற பல்வேறு இணைப்பு விருப்பங்கள் இருப்பதால், உங்கள் எல்லா சாதனங்களுடனும் இதை எளிதாக இணைக்கலாம். வீட்டில் சினிமா அரங்கை உருவாக்க விரும்பும் உங்களுக்கு, இந்த சவுண்ட் பார் சிறந்த தேர்வாக இருக்கும்

இந்த 5 சவுண்ட் பார்களும் ரூ.10,000 பட்ஜெட்டில் கிடைக்கும். ஒவ்வொரு மாடலும் அதன் தனித்துவமான அம்சங்களையும், ஒலித் தரத்தையும் கொண்டுள்ளது. உங்கள் அறையின் அளவு, நீங்கள் விரும்பும் ஒலி அளவு மற்றும் உங்களுக்குத் தேவையான இணைப்பு விருப்பங்கள் போன்ற தேவைகளைப் பொறுத்து, இந்த லிஸ்ட்டில் இருந்து உங்களுக்குப் பொருத்தமான ஒன்றை நீங்கள் தேர்ந்தெடுக்கலாம்.