IP ரேட்டிங் என்றால் என்ன? வெறும் ரூ.13,000 முதல் வாட்டர் ப்ரூஃப் ஸ்மார்ட்போன்கள்! செக் பண்ணி பாருங்க!

ஸ்மார்ட்போன்கள் நம் வாழ்வின் ஒரு பகுதியாக மாறிவிட்டன. சமையலறை அல்லது குளியலறையாக இருந்தாலும், பலர் இப்போது இசையைக் கேட்கவோ அல்லது இன்ஸ்டாகிராமில் ரீல்ஸ் பார்க்க பழகிவிட்டனர். அத்தகைய சூழ்நிலையில், செல்போன் தவறி தண்ணீரில் விழுந்தாலோ (அ) மற்ற காரணத்திற்காக செல்போனில் தண்ணீரில் பட்டாலோ பிரச்னை ஏற்படும். இந்த சிக்கலைத் தவிர்க்க, IP68 அல்லது IP69 மதிப்பீட்டைக் கொண்ட (நீர்ப்புகா) வாட்டர் ப்ரூஃப் ஸ்மார்ட்போன்கள் தேவைப்படுகிறது. வெறும் ரூ.13,000 முதல் வாட்டர்ப்ரூஃப் ஸ்மார்ட்போன்கள் சந்தையில் கிடைக்கின்றன. சில பட்ஜெட் மற்றும் பிரீமியம் வாட்டர் ப்ரூஃப் ஸ்மார்ட்போன்கள் பற்றி இந்தப் பதிவில் காணலாம்.

ஸ்மார்ட்போன்களின் நீர் மற்றும் தூசி எதிர்ப்புத் திறனை ‘IP’ (Ingress Protection) மதிப்பீடு கொண்டு குறிப்பிடுகின்றனர். இது 2 இலக்கங்களைக் கொண்டது.

• முதல் இலக்கம் (திடப்பொருட்கள்): தூசி போன்ற திடப்பொருட்களுக்கு எதிரான பாதுகாப்பைக் குறிக்கிறது. இதில் 6 என்பது அதிகபட்ச பாதுகாப்பாகும், அதாவது முழுமையான தூசி புகா தன்மை.
• 2-வது இலக்கம் (திரவங்கள்): நீருக்கு எதிரான பாதுகாப்பைக் குறிக்கிறது. இந்த எண் அதிகமாக இருக்க, நீருக்கு எதிரான பாதுகாப்பும் அதிகமாக இருக்கும்.

 மதிப்பீடு                                    பாதுகாப்பு நிலை 

     IP67                            1 மீ. ஆழம் வரையிலான நீரில் 30 நிமிடங்கள் வரை பாதுகாக்கும்.

     IP68                            1.5 மீ. அதிகமான ஆழத்தில் 30 நிமிடங்கள் வரை பாதுகாக்கும்.

     IP69K                         அதிக அழுத்தம், வெப்பநிலை கொண்ட நீர் பீய்ச்சியடிக்கப்படுவதிலிருந்து பாதுகாக்கும்.

1. ரியல்மி பி 3 எக்ஸ் 5 ஜி - ரூ .12,999

IP மதிப்பீடு: IP68 + IP69

ரேம் / சேமிப்பு: 6 ஜிபி ரேம் + 128 ஜிபி சேமிப்பு

டிஸ்பிளே: 6.72 அங்குல பெரிய திரை

செயலி: MediaTek Dimensity 6400

பேட்டரி: 6,000mAh, 45W பாஸ்ட் சார்ஜிங்

2. ரெட்மி நோட் 14 ப்ரோ 5G - ரூ.20,239 மட்டுமே (சலுகையில்)

அசல் விலை: ரூ.21,489, தள்ளுபடிக்குப் பிறகு, நீங்கள் ரூ.20,239 க்கு மட்டுமே பெறுவீர்கள்.

IP மதிப்பீடு: IP68

ரேம் / சேமிப்பு: 8 ஜிபி ரேம் + 128 ஜிபி ஸ்டோரேஜ்

கேமரா: 50MP 

3. மோட்டோரோலா எட்ஜ் 60 ஃப்யூஷன் 5 ஜி - ரூ .22,999

IP மதிப்பீடு: IP68

டிஸ்பிளே: 6.67-இன்ச்

கேமரா: 50MP மெயின் கேமிரா

பேட்டரி: 5,500mAh, 68W பாஸ்ட் சார்ஜிங்

4. ஒப்போ ரெனோ 13 5ஜி – ரூ.32,400 சலுகை

IP மதிப்பீடு: IP66 + IP68 + IP69

ரேம் / சேமிப்பு: 8 ஜிபி ரேம் + 128 ஜிபி ஸ்டோரேஜ்

செயலி: MediaTek Dimensity 8350

இந்த போனில் ட்ரிபிள் வாட்டர் ப்ரூஃப் பாதுகாப்பு கிடைக்கும்.

5. சாம்சங் கேலக்ஸி எஸ் 25 5 ஜி – ரூ .65,790

IP மதிப்பீடு: IP68

ரேம் / சேமிப்பு: 12 ஜிபி ரேம் + 256 ஜிபி சேமிப்பு

செயலி: ஸ்னாப்டிராகன் 8 எலைட்

காட்சி: 6.2 அங்குல டைனமிக் AMOLED

வாட்டர் ப்ரூஃப் போனை எவ்வாறு பராமரிப்பது?

• உப்பு நீர் அல்லது குளோரின் கலந்த நீரில் போன் நனைந்தால், உடனடியாக நல்ல நீரில் கழுவி, மென்மையான துணியால் துடைக்கவும்.
• சார்ஜிங் போர்ட் ஈரமாக இருக்கும்போது சார்ஜ் செய்வதைத் தவிர்க்கவும்.
• அதிக அழுத்தம் கொண்ட நீரிலோ அல்லது அதிக வெப்பமான நீரிலோ போனைப் பயன்படுத்த வேண்டாம்.
• போனை அடிக்கடி கீழே போடுவதால், அதன் நீர் புகா சீல்கள் பாதிக்கப்படலாம்.

போன் தண்ணீரில் விழுந்துவிட்டால் என்ன செய்வது?

உடனடியாக போனை நீரிலிருந்து வெளியே எடுத்து, சுவிட்ச் ஆஃப் செய்யவும். சிம் கார்டு மற்றும் மெமரி கார்டை அகற்றவும். மென்மையான, உலர்ந்த துணியால் போனை முழுமையாகத் துடைக்கவும். சார்ஜிங் போர்ட், ஸ்பீக்கர் கிரில் போன்ற பகுதிகளில் உள்ள நீரை மெதுவாகத் தட்டி வெளியேற்றவும். போனை அரிசிக்குள் வைப்பதை விட, காற்றோட்டமான இடத்தில் வைப்பது சிறந்தது. சிலிக்கா ஜெல் பாக்கெட்டுகள் இருந்தால், அவற்றுடன் சேர்த்து ஒரு காற்றுப் புகாத பையில் வைக்கலாம். குறைந்தது 24 முதல் 48 மணி நேரம் வரை போனை ஆன் செய்யவோ, சார்ஜ் செய்யவோ முயற்சிக்க வேண்டாம் என அறிவுறுத்துகின்றனர் நிபுணர்கள்.