தங்க நிறத்தில் டிரம்ப் ஸ்மார்ட்ஃபோன்... ஆப்பிள் ஐபோன்களுக்குப் போட்டியா?

அமெரிக்க அதிபர் டிரம்ப் (Donald Trump) சார்பில் புதிய தொழில்நுட்ப முயற்சியாக டிரம்ப் மொபைல் (Trump Mobile) என்ற பெயரில் ஸ்மார்ட்போன் (Smartphone) மற்றும் வயர்லெஸ் சேவையை அறிமுகப்படுத்தியுள்ளது. மேட் இன் அமெரிக்கா எனக் குறிப்பிட்டுள்ள இந்த போன் டி1 என்ற மாடல் 2025, செப்டம்பர் மாதம் வெளியாக உள்ளது. தற்போதுள்ள வெளியாகியுள்ள விவரங்களின்படி இது சாதாரண ஸ்மார்ட்போனாக இல்லாமல் தற்போது மார்கெட்டில் கிடைக்கின்ற ஸ்மார்ட் போன்களை காட்டிலும் வித்தியாசமான அம்சங்களுடன், மக்களின் கவனம் பெறும் வகையில் வடிவமைக்கப்பட்டுள்ளது. இந்த ஸ்மார்ட்போன்களின் அனைத்து பாகங்களும் அமெரிக்காவிலேயே தயாரிக்கப்படவுள்ளதாக கூறப்படுகிறது.

டிரம்ப் மொபைல் வெளியிடும் டி1 மாடல் மொபைலின் விலை 499 அமெரிக்க டாலர் என்று கூறப்படுகிறது. இது இந்திய மதிப்பில் சுமார் ரூ.41,400 என்று கூறப்படுகிறது. போனின் வடிவமைப்பு தங்க நிறத்தில் காட்சியளிக்கிறது. trumpmobile.com என்ற அதிகாரப்பூர்வ வலைத்தளத்தில் 100 டாலர் (இந்திய மதிப்பில் ரூ.8,300) டெபாசிட்டுடன் ப்ரீ-ஆர்டர் செய்யும் வசதி உள்ளது.

இந்த மொபைலுக்கு இணையாக டிரம்ப் மொபைல் என்ற பெயரில் வயர்லெஸ் சேவையும் அறிமுகமாகியுள்ளது. இதன் மாத சந்தா 47.45 டாலர் (சுமார் ரூ.3,940) எனக் கூறப்படுகிறது. இதில், அன்லிமிட்டெட் டேட்டா, இலவச சர்வதேச அழைப்புகள் மற்றும் அமெரிக்காவை மையமாகக் கொண்ட வாடிக்கையாளர் சேவை ஆகியவை அடங்கும். 

T1 ஃபோனின் முக்கிய அம்சங்கள்: இந்த ஃபோன் தங்க நிறத்தில் வடிவமைக்கப்பட்டு, அதன் பின்புறத்தில் அமெரிக்கக் கொடி மற்றும் "T1" எனப் பொறிக்கப்பட்டுள்ளது. இதில் 12GB RAM மற்றும் 256GB உள் சேமிப்பு உள்ளது. 6.78 இன்ச் டிஸ்ப்ளே (120Hz புதுப்பிப்பு வீதத்துடன்) கொண்டுள்ளது. 50MP பிரதான கேமராவுடன் மூன்று பின்புற கேமராக்கள் இதில் உள்ளன. 5000mAh பேட்டரி திறன் கொண்டுள்ளது. கைரேகை சென்சார் மற்றும் AI ஃபேஸ் ஆதென்டிகேஷன் அம்சங்கள் உள்ளன.

இந்த T1 ஃபோனின் விலை $499 (சுமார் ரூ.43,096) ஆகும். $100 முன்பணத்துடன் இதனை முன்பதிவு செய்யலாம். ஆகஸ்ட் அல்லது செப்டம்பர் 2025-ல் இந்த ஃபோன் கிடைக்கும் என எதிர்பார்க்கப்படுகிறது. இந்த ஃபோனை டிரம்ப் மொபைல் அல்லது டிரம்ப் ஆர்கனைசேஷன் நேரடியாக உற்பத்தி செய்யவில்லை. வேறு ஒரு நிறுவனம் இதைத் தயாரிக்கிறது, மேலும் "டிரம்ப்" பெயர் மற்றும் வர்த்தக முத்திரை உரிம ஒப்பந்தத்தின் கீழ் பயன்படுத்தப்படுகிறது.

டிரம்ப் மொபைல், T1 ஃபோனுடன் ஒரு புதிய தொலைத்தொடர்பு சேவையையும் அறிமுகப்படுத்தியுள்ளது. "The 47 Plan" என்று அழைக்கப்படும் இத்திட்டம், டொனால்ட் டிரம்பின் 45வது மற்றும் 47வது அதிபர் பதவிகளை குறிக்கும் வகையில் மாதத்திற்கு$47.45 விலையில் வழங்கப்படுகிறது. இந்தத் திட்டத்தில் வரம்பற்ற அழைப்பு, உரை மற்றும் டேட்டா (20GB-க்கு பிறகு வேகம் குறையலாம்), முழுமையான சாதன பாதுகாப்பு, 24/7 சாலையோர உதவி மற்றும் டெலிஹெல்த் சேவைகள் ஆகியவை அடங்கும்.