வாட்ஸ் ஆப் இருக்கட்டும்... இந்தப் புது வசதிகளை கவனித்தீர்களா?

Whatsapp 2020 Best Features : 2020-ம் ஆண்டில் வாட்ஸ்அப் நிறைய அம்சங்களை அறிமுகப்படுத்தியது மற்றும் சிறந்த அனுபவத்திற்காக 2019-ம் ஆண்டின் அம்சங்களில் சிலவற்றை மேம்படுத்தியது. அவற்றில், புதிய சேமிப்பக மேலாண்மை கருவி, கட்டண அம்சம், அட்வாண்ஸ்டு தேடல், டார்க் மோட் மற்றும் பல உள்ளன. இதுபோன்று பல அம்சங்கள் இருப்பதால், அவை அனைத்தையும் கண்காணிப்பது கடினம். எனவே, இந்த ஆண்டு ஆண்ட்ராய்டு மற்றும் iOS-ல் சேர்க்கப்பட்ட சிறந்த வாட்ஸ்அப் அம்சங்களின் பட்டியலை இனி பார்க்கலாம்.

புதிய சேமிப்பக மேலாண்மை கருவி

சில வாரங்களுக்கு முன்பு, சேமிப்பக மேலாண்மை கருவியின் புதிய மற்றும் மேம்படுத்தப்பட்ட பதிப்பை வாட்ஸ்அப் வெளியிட்டது. இது நிச்சயம் மிகவும் பயனுள்ளதாக இருக்கும். இதன் மூலம், சேமிப்பக மேலாண்மை பிரிவில் உள்ள அனைத்து பகிரப்பட்ட புகைப்படங்கள், வீடியோக்கள், ஃபைல்களை சரிபார்த்து அவற்றை நீக்கலாம். தனிப்பட்ட சாட்டின் அனைத்து ஊடகங்களையும் தனித்தனியாக நீக்கவும் உங்களுக்கு அனுமதி உண்டு. 5MB-ஐ விட பெரிய ஃபைல்களை தக்கவைத்துக்கொள்ளும் ஒரு பிரத்தியேக பிரிவையும் ஃபேஸ்புக்கிற்குச் சொந்தமான இந்த நிறுவனம் சேர்த்தது. புதிய கருவி நேரத்தை மிச்சப்படுத்துவது மட்டுமல்லாமல், தேவையற்ற மீடியாவை நீக்குவதையும் எளிதாக்குகிறது. அமைப்புகள் பிரிவில்> சேமிப்பிடம் மற்றும் தரவு> சேமிப்பிடத்தை நிர்வகித்தல் என்கிற இடத்தில் புதிய சேமிப்பக மேலாண்மை கருவியைப் பயனர்கள் கண்டுபிடிக்கலாம்.

க்ரூப் வாய்ஸ் / வீடியோ அழைப்பு வரம்பு அதிகரித்தது

கொரோனா வைரஸ் தொற்றுநோய் காரணமாக, மக்கள் வீட்டுக்குள்ளேயே இருக்கவேண்டிய கட்டாயம். வெளியுலக மனிதர்களை நேரடியாகத் தொடர்புகொள்வதற்கு பதிலாக வீடியோ அழைப்பு பயன்பாடுகளைப் பயன்படுத்தினர். வாட்ஸ்அப் பெரும்பாலும் உலகம் முழுவதும் பயன்படுத்தப்படுவதால், சிறந்த அனுபவத்திற்காக வாய்ஸ் / வீடியோ அழைப்பு வரம்பை அதிகரிக்க நிறுவனம் முடிவு செய்தது. க்ரூப் வீடியோ மற்றும் வாய்ஸ் அழைப்புகளுக்கு நான்கு பங்கேற்பாளர்களை மட்டுமே அனுமதிக்க இந்த செய்தி சேவை பயன்படுத்தப்பட்டது. ஆனால், பின்னாளில் இது மாற்றப்பட்டது. கோவிட் -19 லாக்டவுனின் போது மக்கள் சிறப்பாக இணைக்க உதவும் வகையில் பங்கேற்பாளர்களின் வரம்பை எட்டு பயனர்களுக்கு வாட்ஸ்அப் நீட்டித்தது. இது அனைத்து ஆண்ட்ராய்டு மற்றும் iOS பயனர்களுக்கும் கிடைக்கச் செய்தது.

வாட்ஸ்அப் டார்க் மோட்

இந்த ஆண்டின் தொடக்கத்தில், வாட்ஸ்அப் தனது செயலியில் மிகவும் எதிர்பார்க்கப்பட்ட அம்சத்தைச் சேர்த்தது. அதுதான் டார்க் மோட். இருண்ட தீம் கண்களுக்கு இதமான அனுபவத்தை வழங்க உதவுவது மட்டுமல்லாமல், உங்கள் தொலைபேசியின் பேட்டரியை சிறிய வித்தியாசத்தில் சேமிக்கவும் செய்கிறது. நீங்கள் அதை இயக்கும்போது, இந்த அம்சம் வாட்ஸ்அப்பின் அனைத்து பிரிவுகளின் பின்னணியையும் அடர் சாம்பல் நிறமாக மாற்றும். இருண்ட தீம்மை (theme) இயக்க முதலில் அமைப்புகள் பகுதியைப் பார்வையிட வேண்டும். பின்னர், ‘சாட்ஸ்’ என்பதை க்ளிக் செய்யவும். இப்போது, காட்சி பிரிவில் உள்ள ‘தீம்’-க்குச் செல்லவும். இது ஒளி, இருண்ட மற்றும் கணினி இயல்புநிலை உள்ளிட்ட மூன்று விருப்பங்களைக் காண்பிக்கும். ஆண்ட்ராய்டு 9 அல்லது அதற்குக் கீழே இயங்குபவர்கள், 'செட் பை பேட்டரி சேவர் (Set by Battery Saver)' விருப்பத்தைக் காண்பார்கள். அண்ட்ராய்டு மற்றும் iOS வாட்ஸ்அப் பயனர்களுக்கு இந்த டார்க் பயன்முறை கிடைக்கிறது.

வாட்ஸ்அப் பேமென்ட்

சமீபத்தில், வாட்ஸ்அப் அதிக எண்ணிக்கையிலான பயனர்களுக்குப் பணம் செலுத்துவதற்கான ஆப்ஷனை பெற்றது. இப்போது இந்த செய்தியிடல் செயலியில் பணம் செலுத்தும் அம்சம் இருப்பதால், நண்பர்கள் மற்றும் குடும்பத்தினரிடமிருந்து பணத்தை அனுப்புவது அல்லது பெறுவது எளிது. இருப்பினும், இந்த அம்சம் 20 மில்லியன் பயனர்களுக்கு மட்டுமே தெரியும், ஏனெனில் 2021 முதல் ஒவ்வொரு மூன்றாம் தரப்பு கொடுப்பனவு பயன்பாட்டின் வழியாக மொத்த கட்டண அளவுகளில் 30 சதவிகித பிடிப்பு செயல்படுத்தப்படும். நீங்கள் தொடர்புகொள்ளும் நபருடனான சாட் பக்கத்தில் பணம் செலுத்தும் விருப்பத்தைக் காண்பீர்கள். சாட் பக்கத்தைத் திறந்ததும், இணைப்பு ஐகானுக்குச் சென்று பணம் செலுத்தும் விருப்பத்தை க்ளிக் செய்யவும். இதை முதன்முறையாகப் பயன்படுத்துகிறீர்கள் என்றால், உங்கள் வங்கிக் கணக்கை அமைக்குமாறு கேட்கப்படுவீர்கள்.

வாட்ஸ்அப் அட்வாண்ஸுடு தேடல்

2020-ம் ஆண்டில், மேம்பட்ட தேடல் அம்சத்தையும் வாட்ஸ்அப் அறிமுகப்படுத்தியது. புகைப்படங்கள், உரைகள், ஆடியோ, GIF-கள் மற்றும் வீடியோக்கள் மட்டுமல்லாமல் ஆவணங்கள் மற்றும் இணைப்புகள் மூலம் தேடலை வடிகட்ட அனைத்து பயனர்களையும் இது அனுமதிக்கிறது. மேல் பட்டியில் உள்ள தேடல் ஐகானைத் க்ளிக் செய்வதன் மூலம் மேம்பட்ட தேடல் அம்சத்தைப் பயன்படுத்தலாம் மற்றும் தேடலைத் தொடங்கலாம். சாட் வரலாற்றிலிருந்து தேடல் முடிவுகளைக் காண்பிக்கும். மேலும் புகைப்படங்கள், இணைப்புகள் மற்றும் வீடியோக்களுக்கும் அதே முக்கிய சொல்லைத் தேடுவதற்கான விருப்பங்களையும் வழங்கும்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil"