Whatsapp adds support for end to end encrypted backups on android ios Tamil News : வாட்ஸ்அப்பின் எண்ட்-டு-எண்ட் என்க்ரிப்ஷன் மற்றும் பாதுகாப்பில் அதன் பொதுவான முக்கியத்துவம் ஆகியவை பயன்பாட்டின் யுஎஸ்பிகளில் ஒன்று. இருப்பினும், இந்த ஆண்டின் தொடக்கத்தில், கூகுள் டிரைவ் அல்லது ஐக்லவுட் உடனான வாட்ஸ்அப்பின் ஒருங்கிணைப்பு சமீபத்தில் ஷார்ட்கட்டின் கீழ் வந்தது. உடனடி செய்தியிடல் கருவி இந்த க்ளவுட் அடிப்படையிலான தளங்களில் சேமித்து வைக்கும் காப்புப்பிரதிகள் சாட்களுக்கு இருப்பது போன்ற அதே குறியாக்கப் பாதுகாப்பை அனுபவிக்கவில்லை.
சில வாரங்களுக்கு முன்பு, வாட்ஸ்அப் அதன் பயனர்களுக்கு எண்ட் -டு – எண்ட் மறைகுறியாக்கப்பட்ட காப்புப்பிரதிகளை கொண்டு வருவதாக அறிவித்தது. அந்த அம்சம் இறுதியாக இன்று நேரலையில் செல்கிறது மற்றும் விரைவில் ஒரு புதிய மேம்படுத்தலுடன் iOS மற்றும் ஆண்டிராய்டு சாதனங்கள் இரண்டிற்கும் அறிமுகப்படுத்தப்படும். வாட்ஸ்அப் இந்த நடவடிக்கையை “ஒரு முழு எண்ட் -டு – எண்ட் மறைகுறியாக்கப்பட்ட செய்தி அனுபவத்தை வழங்கும் இறுதி நடவடிக்கை” என்று கூறுகிறது.
“எண்ட்-டு-எண்ட் மறைகுறியாக்கப்பட்ட காப்புப்பிரதிகளுடன், வாட்ஸ்அப் அளவில் ஃபைல்களை அனுப்புதல் மற்றும் பரிமாற்றம், க்ளவுட் அமைப்பில் பெறுதல் மற்றும் சேமித்தல் வரை ஆகியவற்றுக்கு வேறு எந்த மெசேஜிங் சேவையும் இந்த அளவிலான பாதுகாப்பை வழங்காது” என்று நிறுவனம் ஒரு பதிவில் தெரிவித்துள்ளது.
“பல ஆண்டுகளாக நாங்கள் மக்கள் தங்கள் வாட்ஸ்அப் சாட்களை காப்புப் பிரதி எடுக்கும் திறனை வழங்கியுள்ளோம். IOS மற்றும் ஆண்டிராய்டு பயனர்களுக்கு எண்ட்-டு-எண்ட் மறைகுறியாக்கப்பட்ட காப்புப்பிரதியை விரும்புவோருக்கான கூடுதல் பாதுகாப்பு அடுக்காக உருவாக்குவதற்கான விருப்பத்தை நாங்கள் இப்போது வெளியிடுகிறோம். நீங்கள் சாட் வரலாற்றை எண்ட்-டு-எண்ட் என்க்ரிப்ஷனுடன் காப்புப் பிரதி எடுக்கத் தேர்வுசெய்தால், அது உங்களுக்கு மட்டுமே அணுகக்கூடியதாக இருக்கும். மேலும், யாரும் உங்கள் காப்புப் பிரதியைத் திறக்க முடியாது. வாட்ஸ்அப்பால் கூட அது முடியாது. வாட்ஸ்அப் அல்லது பேக்கப் வழங்குநரால் (ஆப்பிள் போன்றவை), எண்ட்-டு-எண்ட் என்க்ரிப்ஷன் கீ அல்லது எண்ட்-டு-எண்ட் என்க்ரிப்ட் செய்யப்பட்ட காப்புப்பிரதியை அணுக முடியாது” என்று வாட்ஸ்அப் மேலும் குறிப்பிட்டது.
“உங்களுக்கு விருப்பமான கடவுச்சொல் அல்லது உங்களுக்கு மட்டுமே தெரிந்த 64-இலக்க குறியாக்க விசை மூலம் உங்கள் எண்ட் டு எண்ட் மறைகுறியாக்கப்பட்ட காப்புப்பிரதியை இப்போது நீங்கள் பாதுகாக்க முடியும். வாட்ஸ்அப் அல்லது உங்கள் காப்புப்பிரதி சேவை வழங்குநரால் உங்கள் காப்புப்பிரதிகளைப் படிக்கவோ அல்லது அதைத் திறக்க தேவையானவற்றை அணுகவோ முடியாது” என்று நிறுவனம் மேலும் கூறியுள்ளது.
எண்ட் – டு – எண்ட் மறைகுறியாக்கப்பட்ட காப்புப்பிரதியை உருவாக்குவது எப்படி?
எண்ட்-டு-எண்ட் மறைகுறியாக்கப்பட்ட காப்புப்பிரதியை உருவாக்க, பயனர்கள் முதலில் வாட்ஸ்அப்பின் சமீபத்திய பதிப்பில் இருப்பதை உறுதி செய்ய வேண்டும். காப்புப்பிரதியை உருவாக்க, அமைப்புகள்> சாட்> சாட் பேக்கப்> எண்ட் டு எண்ட் காப்புப்பிரதிக்குச் செல்லவும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
