scorecardresearch

போன் இல்லாமல் இனி லேப்டாப்பில் வாட்ஸ்அப் பயன்படுத்தலாம்.. பிரத்யேக ஆப் அறிமுகம்!

நேட்டிவ் வாட்ஸ்அப் விண்டோஸ் ஆப் மூலம் போன் இல்லாமல் லேப்டாப்பில் வாட்ஸ்அப் பயன்படுத்தலாம். நேட்டிவ் வாட்ஸ்அப் விண்டோஸ் ஆப் பிரத்யேகமாக லேப்டாப், கணினிக்குகென்று அறிமுகப்படுத்தப்பட்டுள்ளது.

போன் இல்லாமல் இனி லேப்டாப்பில் வாட்ஸ்அப் பயன்படுத்தலாம்.. பிரத்யேக ஆப் அறிமுகம்!

வாட்ஸ்அப் நிறுவனம் தங்களது பயனர்களுக்கு புது புது வசதிகளை அறிமுகப்படுத்தி வருகிறது. அந்த வகையில் புதிதாக நேட்டிவ் வாட்ஸ்அப் விண்டோஸ் ஆப் (The native WhatsApp Windows app) அறிமுகப்படுத்தியுள்ளது. முன்னதாக பீட்டா வெர்ஷனில் ஆப் அறிமுகப்படுத்தப்பட்டிருந்த நிலையில், தற்போது அனைத்து பயனர்களுக்கும் அறிமுகப்படுத்தப்பட்டுள்ளது.

நேட்டிவ் வாட்ஸ்அப் விண்டோஸ் ஆப் லேப்டாப், கணினியில் பயன்படுத்த கொண்டு வரப்பட்டுள்ளது. முன்பு லேப்டாப், கணினியில் வாட்ஸ்அப் பயன்படுத்த வாட்ஸ்அப் வெப் உபயோகிக்கப்படும். இதில், போன் மூலம் கியூ ஆர் கோட் ஸ்கேன் செய்து பயன்படுத்தப்பட்டது. தற்போது பிரத்யேகமாக லேப்டாப், கணினிக்குகென்று நேட்டிவ் வாட்ஸ்அப் விண்டோஸ் ஆப் கொண்டுவரப்பட்டுள்ளது. இதில் போன் பயன்படுத்தி ஸ்கேன் செய்ய வேண்டியது இல்லை.

இதுகுறித்து வாட்ஸ்அப் நிறுவனம் கூறுகையில், வாட்ஸ்அப் வெப் மற்றும் பிரவுசரில் பயன்படுத்தும் வாட்ஸ்அப்பை விட நேட்டிவ் வாட்ஸ்அப் விண்டோஸ் ஆப் வேகமாக செயல்படும். உங்கள் போன் ஆஃப்லைனில் இருந்தாலும் வாட்ஸ்அப் தகவல்கள் உங்களுக்கு வந்துவிடும்.

MacOS -க்கும் இந்த ஆப் கொண்டு வரப்பட்டுள்ளது. பீட்டா வெர்ஷனில் இது உள்ளது. விரைவில் அனைத்து பயனர்களுக்கு அறிமுகப்படுத்தப்படும்.

எப்படி டவுன்லோட் செய்வது?

உங்கள் லேப்டாப், கணினியில் நேட்டிவ் வாட்ஸ்அப் விண்டோஸ் ஆப் டவுன்லோட் செய்ய வேண்டும் என்றால் மைக்ரோசாப்ட் ஸ்டோர் (Microsoft Store) சென்று வாட்ஸ்அப் டெஸ்க்டாப் (WhatsApp Desktop)எனக் கொடுத்து டவுன்லோட் செய்யலாம்.

அண்மையில் வாட்ஸ்அப் 3 புதிய அம்சங்களை அறிமுகப்படுத்தியது. நோட்டிபிகேஷன் கொடுக்காமல் குரூப்பிலிருந்து வெளியேறுவது, ‘View once’ மெசேஜை ஸ்கிரின்சாட் எடுக்க முடியாது, online status காண்பிப்பதை நிர்வகிப்பது என 3 அம்சங்களை அறிமுகப்படுத்தியது.

Stay updated with the latest news headlines and all the latest Technology news download Indian Express Tamil App.

Web Title: Whatsapp for windows app out of beta no longer requires users to connect phone

Best of Express