இனி இப்படியும் ஸ்டேட்டஸ் வைக்கலாம்: வாட்ஸ்அப்-ல் வந்தது அடுத்த அப்டேட்

மெட்டா நிறுவனத்திற்கு சொந்தமான வாட்ஸ்அப் உலகம் முழுவதும் ஏராளமான பயனர்களைக் கொண்டுள்ளது. பயனர்களின் வசதிக்கு ஏற்ப புது புது அம்சங்களை அறிமுகம் செய்து வருகிறது. அந்த வகையில் தற்போது ஸ்டேட்டஸ் வாய்ஸ் மெசேஜ் அம்சத்தில் புதிய அப்டேட் கொண்டு வந்துள்ளது. அதாவது இனி பயனர்கள் 1 நிமிடம் வரை பேசி வாட்ஸ்அப்  ஸ்டேட்டஸாக வைக்கலாம். 

தற்போது 30 நொடிகள் வரை மட்டும் பேசி வாட்ஸ்அப்  ஸ்டேட்டஸாக வைக்கப்படும் நிலையில் புதிய அப்டேட்டில் 1 நிமிடம் வரை பேசி வாட்ஸ்அப் ஸ்டேட்டஸாக வைக்கலாம். இந்த அம்சம் தற்போது பீட்டா பயனர்களுக்கு சோதனை அடிப்படையில் வழங்கப்பட்டு வருகிறது. 

ஸ்டேட்டஸில் வாய்ஸ் மெசேஜ் வைப்பது எப்படி? 

உங்கள் ஸ்மார்ட் போனில் வாட்ஸ்அப் ஓபன் செய்யவும்.  ‘Updates’  டேப் சென்று கீழே உள்ள பென்சில் போன்ற ஐகானை கிளிக் செய்து இப்போது மைக்ரோபோனை கிளிக் செய்யவும். இப்போது நீங்கள் வாய்ஸ் மெசேஜ் செய்து ரெக்கார்ட் செய்யலாம். அதை அப்படியே ஸ்டேட்டஸாக வைக்கலாம். 

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“