மென்ஷன், ரீபோஸ்ட்... இன்ஸ்டா போல் இனி வாட்ஸ்அப்பிலும் செய்யலாம்; அசத்தல் அம்சம் அறிமுகம்

மெட்டா நிறுவனத்திற்கு சொந்தமான வாட்ஸ்அப் புதிய வசதியை அறிமுகம் செய்ய உள்ளது. இன்ஸ்டாகிராம் ஸ்டோரீஸ் போல் வாட்ஸ்அப் ஸ்டேட்டஸ் அம்சத்தை மாற்ற உள்ளது. அதாவது இன்ஸ்டாகிராம் ஸ்டோரீஸ் போல் வாட்ஸ்அப் ஸ்டேட்டஸ் அம்சத்திலும் ஒருவரை மென்ஷன் அல்லது டேக் செய்து குறிப்பிடலாம். 

அதாவது நீங்கள் இன்ஸ்டாகிராம் ஸ்டோரீஸ் போடும் போது ஒருவரை மென்ஷன் செய்வது போல் வாட்ஸ்அப் ஸ்டேட்டஸிலும் இனி அவ்வாறு செய்ய முடியும். மென்ஷன் செய்யும் நபருக்கு நோட்டிவிக்கேஷன் காண்பிக்கப்படும். அவரும் அதை ரீபோஸ்ட் செய்யலாம். இன்ஸ்டாகிராம் ஸ்டோரீஸ் போலவே இதுவும் செயல்படுகிறது. 

வேண்டுமென்றால் தனிநபருக்கு தனிபட்ட முறையில் கூட (privately mention) மென்ஷன் செய்து வாட்ஸ்அப் ஸ்டேட்டஸ் போட முடியும். இந்த அசத்தலான அம்சத்தை வாட்ஸ்அப் தற்போது சோதனை செய்து வருகிறது. அதிகபட்சமாக ஒரு ஸ்டேட்டஸில் 5 நபர்கள் வரை மென்ஷன் செய்து போட முடியும் என்று நிறுவனம் கூறியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“