வாட்ஸ்அப்பில் உங்கள் விருப்பத்திற்கேற்ப மாற்றிக்கொள்ளும் கஸ்டமைஸ் ஆப்ஷன் பற்றி தெரியுமா?

Whatsapp tips how to customise the app for yourself on android Tamil News : வாட்ஸ்அப் மிகவும் பிரபலமான உடனடி செய்தி சேவைகளில் ஒன்று. இது உலகம் முழுவதும் உள்ள மக்களால் பயன்படுத்தப்படுகிறது. இந்த எண்ட்-டு-எண்ட் என்க்ரிப்ட் செய்யப்பட்ட மெசேஜிங் பிளாட்ஃபார்ம், உலகம் முழுவதிலும் உள்ள பயனர்களுடன் இணைவதற்கும், புகைப்படங்கள், வீடியோக்கள் மற்றும் ஆடியோ கிளிப்புகள் போன்ற ஊடகங்களைப் பகிரவும் அனுமதிக்கிறது.

நீங்கள் ஆண்ட்ராய்டில் வாட்ஸ்அப் மெசேஞ்சர் செயலியைத் தனிப்பயனாக்க விரும்புபவராக இருந்தால், உங்கள் ரசனைக்கேற்ப, அதைப் பெறுவதற்கு நீங்கள் பயன்படுத்தக்கூடிய பல்வேறு அமைப்பு விருப்பங்கள் இங்கே உள்ளன.

வால்பேப்பர் கஸ்டமைஸ் செய்யலாம்

வாட்ஸ்அப்பில் ஒரு விருப்பம் உள்ளது. இது உங்கள் விருப்பத்திற்கு ஏற்ப சாட்களுக்கான வால்பேப்பரைத் தனிப்பயனாக்க அனுமதிக்கும். பயனர்கள் தங்கள் வால்பேப்பராக அமைக்க வாட்ஸ்அப்பின் உள்ளமைக்கப்பட்ட பிரைட், டார்க் மற்றும் சாலிட் கலர்ஸ் விருப்பங்களிலிருந்து தேர்வு செய்யலாம்.

கூடுதலாக, பயனர்கள் தங்கள் வாட்ஸ்அப் வால்பேப்பராக எந்தப் படத்தையும் ஒரு சில வழிமுறைகளில் அமைக்கலாம். தனிப்பட்ட சாட்கள் மற்றும் அனைத்து சாட்களுக்கும் ஒரு படத்தை வால்பேப்பராக அமைக்கப் பயன்பாடு பயனர்களை அனுமதிக்கிறது.

உங்கள் தொடர்புகளுக்குக் குறுஞ்செய்தி அனுப்பும்போது தேர்ந்தெடுக்கப்பட்ட படத்தைப் பின்னணியாகப் பார்க்க இது உங்களை அனுமதிக்கும். அதை அடைய நீங்கள் பின்பற்றக்கூடிய வழிகள் இங்கே உள்ளன

வாட்ஸ்அப் செயலியைத் திறக்கவும்.
ஏதாவதொரு சாட் விண்டோவை திறக்கவும்.
உங்கள் சாட்டை திரையின் மேல் வலது மூலையில் அமைந்துள்ள மூன்று-புள்ளி விருப்பத்தை க்ளிக் செய்யவும்.
வால்பேப்பரில் க்ளிக் செய்யவும்.
மாற்று விருப்பத்தைத் தேர்ந்தெடுக்கவும்.
இங்கே பயனர்கள் வாட்ஸ்அப்பின் உள்ளமைக்கப்பட்ட தீம்களில் இருந்து தேர்வு செய்யலாம் அல்லது தங்கள் வால்பேப்பராக எந்த படத்தையும் தேர்வு செய்யலாம்.

வாட்ஸ்அப் நோட்டிஃபிகேஷன் ஒலியை மாற்றலாம்

வாட்ஸ்அப்பில் உள்ளமைக்கப்பட்ட மெனு உள்ளது. இது செய்திகளுக்கான அறிவிப்பு ஒலியை மாற்றப் பயன்படுகிறது. அதை அடைய, நீங்கள் கீழே குறிப்பிடப்பட்டுள்ள படிகளைப் பின்பற்றலாம்.

வாட்ஸ்அப் செயலியைத் திறந்து, திரையின் வலது புறத்தில் அமைந்துள்ள மூன்று-பட்டன் விருப்பத்தை க்ளிக் செய்யவும்.
அமைப்புகளை க்ளிக் செய்யவும்.
அறிவிப்புகள் விருப்பத்தைத் திறக்கவும்
இப்போது உங்களது வாட்ஸ்அப் அறிவிப்பு ஒலியை இங்கே மாற்றிக்கொள்ள முடியும்.
கூடுதலாக, தனிப்பட்ட பயனர்களின் சாட் விருப்பங்களில் உள்ள விவரங்களை அணுகுவதன் மூலம் கஸ்டமைஸ்  ஒலியை அமைக்கலாம்.

கஸ்டமைஸ் ஸ்டிக்கர்களை உருவாக்கவும்

புதிதாக சேர்க்கப்பட்ட ஸ்டிக்கர் மேக்கர் கருவியைப் பயன்படுத்தி உங்கள் சொந்த தனிப்பயன் ஸ்டிக்கர்களை உருவாக்க வாட்ஸ்அப் இப்போது உங்களை அனுமதிக்கும். பயன்பாட்டின் ஸ்டிக்கர் பிரிவில் பயனர்கள் இந்த அம்சத்தை அணுகலாம்.

இதைச் செய்ய, எந்த வாட்ஸ்அப் சாட் விண்டோவையும் திறந்து, paperclip ஐகானை க்ளிக் செய்யவும். பின்னர் "ஸ்டிக்கர்" மீது மீண்டும் கிளிக் செய்யவும்.

நீங்கள் இப்போது ஒரு படத்தை பதிவேற்றலாம் அல்லது உங்கள் சொந்த தனிப்பயன் ஸ்டிக்கரை உருவாக்கலாம். இந்த பிளாட்ஃபார்ம் உங்களை ஒரு அவுட்லைனைச் சேர்க்க, படத்தை ஸ்டிக்கராக செதுக்கவும், அதே போல் எமோஜிகள், ஸ்டிக்கர்கள் மற்றும் உரையைச் சேர்க்கவும் உங்களை அனுமதிக்கும்.

இந்த அம்சம் தற்போது வாட்ஸ்அப்பின் வலை பதிப்பிற்கு மட்டுமே கிடைக்கிறது. மேலும் எதிர்காலத்தில் டெஸ்க்டாப் பதிப்பிற்கான தனிப்பயன் ஸ்டிக்கர் மேக்கர் அம்சத்தை வெளியிட நிறுவனம் திட்டமிட்டுள்ளது.

மறைந்திருக்கும் செய்திகளை இயக்கவும்

உங்கள் சாதனத்தில் மெசேஜ்கள் கணிசமான அளவு இடத்தை எடுத்துக்கொள்வது குறித்து நீங்கள் கவலைப்படுகிறீர்கள் என்றால், மறைந்துபோகும் செய்திகளை இயக்குவது அதைச் சமாளிக்க ஒரு சிறந்த வழியாகும்.

இந்த அம்சத்தை இயக்கினால், சாட்டில் உள்ள ஏதேனும் புதிய செய்திகள் ஏழு நாட்களுக்குப் பிறகு மறைந்துவிடும். தனிப்பட்ட சாட்டுக்கு மறைந்திருக்கும் செய்திகளை இயக்க, கீழே குறிப்பிடப்பட்டுள்ள படிகளைப் பின்பற்றலாம்.

வாட்ஸ்அப் செயலியைத் திறக்கவும்.
குறிப்பிட்ட சாத் சாளரத்தைத் தேர்ந்தெடுக்கவும். அதற்காக நீங்கள் மறைந்து வரும் செய்திகள் அம்சத்தை இயக்க வேண்டும்.
சாட்டின் மேலே உள்ள பயனரின் பெயரை க்ளிக் செய்யவும்,
இங்கே நீங்கள் மறைந்து வரும் செய்திகள் விருப்பத்தை மாற்ற முடியும்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil